Þór Þorlákshöfn bætir við sig erlendum leikmanni

ÞorlákshafnarÞórsarar hafa bætt nýjum erlendum leikmanni við leikmannahóp sinn fyrir átökin í Dominos deild karla á nýju ári.

Leikmaðurinn sem um ræðir heitir Sebastian Mignani og er ítalskur Argentínumaður en hefur leikið í Argentínu allan sinn körfuboltaferil.

Mignani er 29 ára gamall leikstjórnandi og er ætlað að hjálpa Þórsurum að tryggja sér sæti í úrslitakeppninni en þeir eru sem stendur í 8.sæti deildarinnar.

Með komu Mignani eru erlendu leikmennirnir í liði Þórs orðnir fjórir talsins.

Þór Þorlákshöfn mætir Stjörnunni á morgun í fyrsta leik sínum á þessu ári.