Skyttan Ólafur Andrés Guðmundsson átti flotta innkomu í lið Íslands gegn Slóveníu. Skoraði góð mörk og stóð vaktina vel í vörninni.
„Við erum að vinna í því að hrista þetta tap af okkur. Það er alltaf slæmt að tapa og það svíður aðeins,“ segir Ólafur Andrés en fókusinn er kominn á Portúgalana sem bíða snemma dags á morgun.
„Portúgal hefur verið að sýna bæði í félagsliðabolta og landsliðinu að þeir eru góðir. Það er mikið af frábærum leikmönnum í þessu liði og þeir hafa sótt frábær úrslit með því að vinna Frakka og Svía.“
Síðustu leikir hafa verið sveiflukenndir hjá íslenska liðinu og Ólafur veit að áskorun morgundagsins er stór.
„Það er víðast hvar þar sem við þurfum að finna lausnir. Stærsta áskorunin hjá okkur verður að leysa það er þeir spila sjö á móti sex. Það sem gerir þá mjög hættulega er að þeir eru hættulegir úr öllum stöðum. Þeir útfæra þetta vel og gera fá mistök. Við þurfum að láta þá gera mistök og keyra á þá. Þeir hafa ekki klikkað þarna enn þá.“
Óli Guðmunds: Portúgalir eru hættulegir úr öllum stöðum
Tengdar fréttir
Leik lokið: Ísland - Slóvenía 27-30 | Tap í fyrsta leik í milliriðli
Íslendingar áttu ekki nógu góðan leik gegn Slóvenum í fyrsta leik sínum í milliriðli.
Vranjes: Þeir spila maður á mann vörn og verða þreyttir
Ljubomir Vranjes, þjálfari slóvenska landsliðsins, segir að góð markvarsla hafi skilað sigrinum gegn Íslandi í dag.
Aron: Því miður hef ég ekki náð að fylgja því eftir
Aron Pálmarsson, stórskytta Íslands, var súr og svekktur eftir tap Íslands gegn Slóveníu í fyrsta leik liðsins í milliriðli.
Einkunnir strákanna okkar á móti Slóvenum í kvöld: Björgvin Páll og Viggó bestir
Íslenska handboltalandsliðið tapaði með þriggja marka mun á móti Slóvenum í fyrsta leik sínum í milliriðli á Evrópumeistaramótinu í Svíþjóð, Noregi og Austurríki. Íslenska liðið er því áfram stigalaust á botni riðilsins og útlitið er ekki alltof bjart.
Svona var blaðamannafundur landsliðsins fyrir leikinn gegn Portúgal
HSÍ var með blaðamannafund í hádeginu fyrir leik íslenska landsliðsins í handbolta gegn Portúgal á morgun.
Uppgjör Henrys: Súrt tap gegn Slóvenum
Eftir að hafa flogið hátt í upphafi EM hafa strákarnir okkar misst flugið og töpuðu sínum öðrum leik í röð í kvöld. Nú gegn Slóveníu, 30-27. Ólympíudraumurinn verður því fjarlægari.
