Stuðningsmenn Manchester United ætla að ganga af velli í leiknum gegn Wolves á Old Trafford í ensku úrvalsdeildinni 1. febrúar næstkomandi til að mótmæla eigendum félagsins. Mirror greinir frá.
Stuðningsmennirnir ætla að ganga af velli á 58. mínútu sem er táknrænt vegna flugslyssins í München 1958.
Mikil óánægja er meðal stuðningsmanna United með eigendur félagsins, Glazer-fjölskylduna, og stjórnarformanninn Ed Woodward.
Leikmenn United voru púaðir af velli eftir tapið fyrir Burnley, 0-2, á þriðjudaginn og Old Trafford var orðinn ansi tómlegur þegar lokaflautið gall.
Þrátt fyrir brösugt gengi í vetur nýtur knattspyrnustjóri United, Ole Gunnar Solskjær, enn trausts stjórnar félagsins.
Solskjær segir að hann þurfi tíma til að byggja upp leikmannahóp United og bendir á að Jürgen Klopp hafi fengið fjögur ár til að búa til nýtt lið hjá Liverpool.
Stuðningsmenn United ætla að ganga af velli til að mótmæla eigendunum
Tengdar fréttir
Pogba vonast til að geta hjálpað ungum leikmönnum Manchester United | Myndband
Paul Pogba, franski miðvallarleikmaður Manchester United, hefur lítið náð að leika listir sínar í vetur vegna þrálátra meiðsla á ökkla. Hann var í viðtali við sjónvarpsstöð Manchester United, MUTV, þar sem hann ræddi meðal annars að hann vildi vera fyrirmynd innan- sem utanvallar hjá félaginu.
Solskjær: Klopp fékk fjögur ár, gefið mér tíma
Norðmaðurinn biður um þolinmæði og er sannfærður um að hann sé á réttri leið með Manchester United.
Tevez orðaður við endurkomu til United
Manchester United gæti fengið argentínska framherjann Carlos Tevez á láni út tímabilið til að fylla skarð Marcus Rashford.
