Handgerðar dýnur frá King Koil tryggja góðan nætursvefn

Rekkjan hefur selt hágæða rúmdýnur frá ameríska framleiðandanum King Koil frá árinu 1994.

King Koil er rótgróið fjölskyldufyrirtæki sem þekkt fyrir gæði og metnaðarfulla framleiðslu. Saga þess teygir sig aftur til ársins 1898 en þá setti Samuel Bronstein litla verksmiðju á laggirnar í Minnesota. Fyrirtækið kallaði hann einfaldlega United States Bedding og hóf framleiðslu á handgerðum rúmdýnum með sex starfsmenn. Upp úr 1930 hafði fyrirtækið vaxið mikið og var í fararbroddi í hönnun rúmdýna og framleiðslutækni í Bandaríkjunum. Nafninu var breytt í King Koil og allar götur síðan hefur fyrirtækið verið leiðandi í heilsurúmabransanum og framleitt hágæða heilsudýnur sem seldar eru um allan heim. Þriðja kynslóð fjölskyldunnar heldur nú um stjórnartaumana og framleiðir fyrirtækið á bilinu átta til tíu þúsund dýnur á dag!

King Koil er jafnframt eina fyrirtækið sem framleiðir dýnur vottaðar af FCER, Alþjóða rannsóknarsamband Kírópraktora, og af Good Housekeeping, stærstu neytendasamtökum í Bandaríkjunum.

„Við eigum frábært samband við þennan framleiðanda og heimsækjum verksmiðju þeirra í Connecticut á hverju ári. Þau eru sjálf miklir Íslandsvinir og heimsækja landið reglulega,“ segir  Einar Herbertsson hjá Rekkjunni.

„Gæðin í framleiðslunni hjá þeim eru einstök. Það er stöðugt verið að þróa nýjar vörur og nota eingöngu sér valin efni, tvíhert sérvalið stál í gormakerfin og vottuð efni. Dýnurnar eru svæðaskiptar og laga sig einstaklega vel að líkamanum og tryggja góða þyngdardreifingu. Dýnunum þarf ekki að snúa. Við eigum einnig dýnur úr Natura línunni þeirra en þær dýnur eru úr náttúrulegu latexi og bólstraðar með lífrænt ræktaðri bómull o.s.frv. Dýnurnar frá King Koil eru ofboðslega þægilegar og fólk hvílist vel. Þetta er einstök vara á sanngjörnu verði.“

Í Rekkjunni er að finna mikið úrval af heilsurúmum frá King Koil og bjóðum við alla velkomna að skoða úrvalið.

Þessi kynning er unnin í samstarfi við Rekkjuna.