Haukur kominn með 23 marka og 38 stoðsendinga forskot

Selfyssingurinn Haukur Þrastarson er að stinga af á bæði marka- og stoðsendingalistanum í Olís deild karla á þessu tímabili.

Haukur skoraði ellefu mörk og gaf fjórar stoðsendingar í sigri Selfyssinga á Aftureldingu í gærkvöldi.

Þetta þýðir að Haukur hefur nú skorað samtals 152 mörk og gefið alls 106 stoðsendingar á tímabilinu samkvæmt tölfræðiskráningu HB Statz.

Haukur Þrastarson er ekki bara efstur á báðum listum því hann er langefstur.

Haukur hefur skorað 23 mörkum meira en næsti maður á listanum sem er Guðmundur Árni Ólafsson hjá Aftureldingu.

Haukur hefur síðan gefið 38 stoðsendingum meira en næstu menn á stoðsendingalistanum sem eru þeir Breki Dagsson hjá Fjölni og Tumi Steinn Rúnarsson hjá Aftureldingu sem hafa báðir gefið 68 stoðsendingar.

Haukur hefur því alls komið að 258 mörkum með beinum hætti sem er 72 mörkum meira en næsti maður sem er FH-ingurinn Ásbjörn Friðriksson.

Flest mörk í fyrstu 18 umferðum Olís deildar karla:

152 - Haukur Þrastarson, Selfossi

129 - Guðmundur Árni Ólafsson, Aftureldingu

127 - Ásbjörn Friðriksson, FH

112 - Hákon Daði Styrmisson, ÍBV

110 - Kristján Örn Kristjánsson, ÍBV

109 - Anton Rúnarsson, Val

103 - Tandri Már Konráðsson, Stjörnunni

100 - Birkir Benediktsson, Aftureldingu

Flestar stoðsendingar í fyrstu 18 umferðum Olís deildar karla:

106 - Haukur Þrastarson, Selfossi

68 - Breki Dagsson, Fjölni

68 - Tumi Steinn Rúnarsson, Aftureldingu

66 - Einar Rafn Eiðsson, FH

65 - Hafþór Már Vignisson, ÍR

64 - Atli Már Báruson, Haukum

62 - Þorgrímur Smári Ólafsson, Fram

59 - Ásbjörn Friðriksson, FH

56 - Dagur Arnarsson, ÍBV

Þáttur í flestum mörkum í fyrstu 18 umferðum Olís deildar karla:

(Mörk + Stoðsendingar)

258 - Haukur Þrastarson, Selfossi (152+106)

186 - Ásbjörn Friðriksson, FH 186 (127+59)

165 - Breki Dagsson, Fjölni 165 (97+68)

157 - Hafþór Már Vignisson, ÍR 157 (92+65)

152 - Einar Rafn Eiðsson, FH 152 (86+66)

151 - Kristján Örn Kristjánsson, ÍBV 151 (110+41)

150 - Þorgrímur Smári Ólafsson, Fram 150 (88+62)

149 - Tandri Már Konráðsson, Stjörnunni 149 (103+46)

148 - Anton Rúnarsson, Val 148 (109+39)

142 - Birkir Benediktsson, Aftureldingu 142 (100+42)