Þrjú snjóflóð féllu á veginn á milli Súðavíkur og Ísafjarðar frá því honum var lokað vegna snjóflóðahættu í gærmorgun.
Nú er búið að opna veginn á ný en hann er einbreiður að hluta vegna snjóflóðanna þriggja. Starfsmenn Vegagerðarinnar vinna nú að hreinsun og breikkun vegarins.
Að því er segir í tilkynningu frá lögreglunni á Vestfjörðum eru vegfarendur beðnir um að gæta vel að og sýna starfsmönnum Vegagerðarinnar tillitssemi.
