Mynd­band sýnir ægi­legan hama­gang hjá Þór í nótt

Veður var með „versta móti“ í nótt, þar sem varðskipið Þór var á siglingu djúpt undan Suðausturlandi. Myndband sem Landhelgisgæslan birtir á Facebook í dag sýnir ölduhæðina og hamaganginn í sjónum sem gekk yfir skipið.

„Ölduhæð náði 10 metrum og vindurinn um 50 hnútum í suðvestanátt,“ segir færslu Landhelgisgæslunnar.

„Í hamaganginum fékk skipið á sig brot sem náði upp að léttbát skipsins sem er í töluverðri hæð yfir sjávarmáli.“

Myndbandið, sem sjá má hér fyrir neðan, sýnir hvað kraftur ægis er mikill þegar hann er í þessum ham, líkt og segir í færslunni.