Kona slasaðist á göngu á Bjarnarfelli nálægt Geysi rétt eftir klukkan þrjú í dag. Björgunarsveitum í Árnessýslu barst útkall klukkan 15:30 í dag. Nokkrir hópar björgunarsveitarfólks eru lagðir af stað á vettvang og óskað hefur verið eftir þyrlu frá Landhelgisgæslunni.
Erfitt er að komast að konunni sem er í brattri hlíð. Hún er slösuð á fæti og var að ferðast með hópi fólks. Að öðru leiti er ekki mikið vitað um líðan hennar.
Björgunarsveitir á leið til slasaðrar konu á Bjarnarfelli
