Simeone með kórónaveiruna

Diego Simeone, stjóri Atletico Madrid, hefur verið greindur með kórónuveiruna en þetta kom fram í yfirlýsingu spænska félagsins í kvöld.

Atletico Madrid hóf æfingar síðastliðinn mánudag og hefur Simeone stýrt æfingum undanfarna viku. Hann er nú kominn í einangrun á heimili sínu.

Leikmenn liðsins gangast reglulega undir skimanir en liðið mætir Cadiz í æfingaleik næstkomandi þriðjudag og á að hefja leik í spænsku úrvalsdeildinni þann 27.september næstkomandi þegar Atletico Madrid fær Granada í heimsókn.