Moyes og tveir leikmenn West Ham með kórónuveiruna

David Moyes, stjóri West Ham, er með kórónuveiruna en þetta staðfesti félagið í kvöld.

Það er ekki bara Moyes sem er með veiruna í herbúðum West Ham því einnig eru tveir leikmenn með veiruna.

Issa Diop og Josh Cullen eru leikmennirnir sem um ræðir en West Ham spilar við Hull í enska deildarbikarnum þessa stundina.

West Ham fékk einungis úr prófinu skömmu fyrir leikinn og áttu þeir Diop og Cullen að vera í byrjunarliðinu.

Þeir voru, ásamt Moyes, hins vegar sendir strax heim í einangrun næstu daga. Allir þrír eru einkennalausir.