Samúel stoppaði stutt við í Þýska­landi og er mættur aftur til Noregs

Samúel Kári Friðjónsson er kominn aftur til Noregs en hann hefur samið við Viking Stavanger. Hann kemur frá þýska félaginu Paderborn.

Samúel Kári gekk í raðir Paderborn í janúar frá Vålerenga og þá var Paderborn í efstu deildinni í Þýskalandi en þeir féllu á síðustu leiktíð.

Hann spilaði einungis fimm leiki fyrir Paderborn en nú er hann kominn aftur til Víking, þar sem han lék á láni tímabilið 2019.

Hann hefur skifað undir tveggja og hálfs árs samning við norska liðið og verður því á ný samherji Axels Óskar Andréssonar sem leikur með Viking.