Man United og Liverpool sögð á bak við róttæka endurskipulagningu enska boltans Runólfur Trausti Þórhallsson skrifar 11. október 2020 12:35 Eigendur Liverpool eru á bakvið tillöguna. Laurence Griffiths/Getty Images Það virðist sem hinir fornu fjendur Manchester United og Liverpool hafi snúið bökum saman en samkvæmt fréttum ytra vilja þau umturna landslagi enskrar knattspyrnu. Myndi það gefa toppliðum Englands enn meiri völd en tillagan er vægast sagt umdeild. Hugmyndin væri að fækka um tvö lið í úrvalsdeildinni, fara úr 20 í 18. Keppni í deildarbikarnum yrði hætt, það yrði enginn leikur um Góðgerðarskjöldinn í upphafi hverrar leiktíðar og breytt fyrirkomulag yrði er varðar hvernig lið komast upp úr ensku B-deildinni. Blaðið Telegraph greindi fyrst frá. Samkvæmt heimildum blaðsins kemur hugmyndin upphaflega frá Fenway Sports Group, eigendum Englandsmeistara Liverpool. Settu þeir hugmyndina niður á blað, síðan þá hefur Glazer-fjölskyldan, eigendur Manchester United, komið inn í myndina. Glazer-fjölskyldan, eigendur Man Utd, styður tillöguna.Xavier Bonilla/Getty Images „Heildarmyndin“ eða ´Project Big Picture´ ku vera nafnið sem hugmyndin gengur undir. Telja bæði Man Utd og Liverpool að Manchester City, Arsenal, Chelsea og Tottenham Hotspur muni öll styðja tillöguna. „Í tilefni umbyltingar á reglugerðum sem hafa stjórnað enskri knattspyrnu síðan úrvalsdeildin var sett á laggirnar árið 1992 þá verða 250 milljónir punda settar í neðri deildirnar til að hjálpa þeim í gegnum kórónufaraldurinn,“ segir í heimildinni sem Telegraph býr yfir. World exclusive: Man Utd and Liverpool driving 'Project Big Picture' - football s biggest shake-up in a generation. Full story from @SamWallaceTel https://t.co/2f75VsJZs0— Telegraph Football (@TeleFootball) October 11, 2020 Eins og áður sagði þá yrði liðum í úrvalsdeildinni fækkað, enski deildarbikarinn yrði eitthvað sem myndi heyra sögunni til. Sama ætti við um Góðgerðaskjöldinn. Neðstu tvö lið úrvalsdeildarinnar myndu falla en liðið í 16. sæti myndi fara í umspil með liðunum í 3. til 5. sæti í ensku B-deildinni. Sigurvegari umspilsins myndi þar af leiðandi annað hvort halda sér í úrvalsdeildinni eða vinna sér inn sæti í deildinni. Þá myndu þessar breytingar koma völdum alfarið í hendur stærstu liða úrvalsdeildarinnar. Ekki þyrfti lengur 14 atkvæði til að samþykkja reglubreytingar eins og þarf í dag. Sem stendur hefur hvert lið deildarinnar eitt atkvæði. Í breyttu landslagi þyrfti aðeins sex atkvæði frá sex liðunum hér að ofan ásamt Everton, Southampton og West Ham United til að keyra breytingar í gegn. Eru þetta þau níu félög sem hafa verið hvað lengst í deildinni. Some good in the MUFC/LFC/Parry plan (£250m to EFL, £100m to FA) but let s be quite clear: it s a blatant power grab, allows the big 6 to run English football and will lead to a European Super League.— Henry Winter (@henrywinter) October 11, 2020 Rick Parry, framkvæmdastjóri EFL [English Football League] er sagður styðja tillöguna. Ensku neðri deildirnar [B til D] eru hluti af EFL-samtökunum. Parry var á sínum tíma framkvæmdarstjóri Liverpool. Talið er að breytingin gæti bjargað mörgum félögum í neðri deildum Englands sem eru á barmi gjaldþrots sökum kórónufaraldursins. Alls myndu 25 prósent af heildartekjum úrvals- og B-deildarinnar renna til deildanna þar fyrir neðan. „Hvað getum við gert? Skilið þetta eftir eins og þetta er og leyft minni félögum að deyja út eða reynum við að gera eitthvað í málunum? Þá þarf að breyta til og það er skoðun okkar félaga að ef 72 félög [fyrir utan stóru sex] græða á því þá erum við tilbúin að skoða það,“ sagði Parry í viðtali við The Telegraph. Rick Parry, var á sínum tíma framkvæmdastjóri Liverpool.Getty Images „Þetta er risastór áskorun og hún verður sársaukafull að einhverju leyti. Ég trúi því virkilega að knattspyrnan í heild sinni muni hagnast á þessu,“ sagði Parry einnig. Ensk knattspyrna er mjög íhaldsöm en kórónufaraldurinn hefur haft áhrif á nær öll félög landsins. Það er því aldrei að vita nema þessar breytingar verði keyrðar í gegn til að koma í veg fyrir að fleiri félög fylgi í fótspor Bury sem fór á hausinn fyrr á þessu ári. Fótbolti Enski boltinn Mest lesið Féll næstum því í Harvard vegna höfuðverkjanna Fótbolti Leikdagur í Munchen: Gummi Ben og Kjartan hita upp fyrir stærsta leik ársins Fótbolti Ólympíumeistarinn þarf að fara í kynjapróf til að fá að keppa Sport Dagur Dan kallaður inn í íslenska landsliðið Fótbolti „Þetta er alvöru pakki og alvöru djobb“ Körfubolti Sjáðu frábæra afgreiðslu Sveindísar Jane Fótbolti Fyrrum forseti Inter látinn og liðið mun leika með sorgarbönd Fótbolti Dagskráin: Úrslitaleikur Meistaradeildarinnar á kvöldið Sport Mikil öryggisgæsla í París þótt að úrslitaleikurinn fari fram í München Fótbolti Tottenham lætur fimm fara og festir fyrstu kaup sumarsins Enski boltinn Fleiri fréttir Tottenham lætur fimm fara og festir fyrstu kaup sumarsins Fyrrum aðstoðarmaður Klopp aðstoðar Guardiola á næsta tímabili Ungu strákarnir björguðu andliti Man United í Hong Kong „Auðveld ákvörðun“ þegar hann heyrði af áhuga Liverpool Enn hærra metboð frá Liverpool Trent með á HM og Liverpool fær væna summu Skrifar undir fimm ára samning við Liverpool Fyrirliði Man. Utd íhugar alvarlega risatilboð frá Sádi-Arabíu Kaupa Delap og eru í viðræðum við Sancho Enginn labbaði meira en verðandi leikmaður Man United Arsenal að sækja miðjumann þó það sárvanti framherja Henry segir að Arsenal hafi ekki staðið undir væntingum United niðurlægt í Malasíu Leita til Liverpool að nýjum kollega Hákonar Stuðningsmenn Chelsea köstuðu glösum og stólum í Póllandi „Án Meistaradeildarinnar þurfum við ekki stóran leikmannahóp“ Forstjóri Liverpool þakkar stuðningsmönnum sem hjálpuðu hver öðrum Niðurbrotinn Klopp í sjokki Man City vilja Reijnders áður en HM félagsliða hefst Settu met í töpum en spila í Meistaradeild Evrópu Wirtz vill bara Liverpool og metupphæð komin á borðið Bein útsending: Englandsmeistaratitlinum fagnað í Liverpool Allt klárt fyrir fyrstu kaup Man. Utd í sumar Lokaumferðin í enska: Newcastle hélt Meistaradeildarsætinu Garnacho ekki í hóp Ætlar að biðja stuðningsmennina afsökunar eftir lokaleikinn Sunderland vann milljónaleikinn og komst upp í úrvalsdeildina Salah bestur og Gravenberch besti ungi Forest bannaði Neville að mæta á völlinn Gæti hætt við að fara til Man Utd eftir tapið gegn Tottenham Sjá meira
Það virðist sem hinir fornu fjendur Manchester United og Liverpool hafi snúið bökum saman en samkvæmt fréttum ytra vilja þau umturna landslagi enskrar knattspyrnu. Myndi það gefa toppliðum Englands enn meiri völd en tillagan er vægast sagt umdeild. Hugmyndin væri að fækka um tvö lið í úrvalsdeildinni, fara úr 20 í 18. Keppni í deildarbikarnum yrði hætt, það yrði enginn leikur um Góðgerðarskjöldinn í upphafi hverrar leiktíðar og breytt fyrirkomulag yrði er varðar hvernig lið komast upp úr ensku B-deildinni. Blaðið Telegraph greindi fyrst frá. Samkvæmt heimildum blaðsins kemur hugmyndin upphaflega frá Fenway Sports Group, eigendum Englandsmeistara Liverpool. Settu þeir hugmyndina niður á blað, síðan þá hefur Glazer-fjölskyldan, eigendur Manchester United, komið inn í myndina. Glazer-fjölskyldan, eigendur Man Utd, styður tillöguna.Xavier Bonilla/Getty Images „Heildarmyndin“ eða ´Project Big Picture´ ku vera nafnið sem hugmyndin gengur undir. Telja bæði Man Utd og Liverpool að Manchester City, Arsenal, Chelsea og Tottenham Hotspur muni öll styðja tillöguna. „Í tilefni umbyltingar á reglugerðum sem hafa stjórnað enskri knattspyrnu síðan úrvalsdeildin var sett á laggirnar árið 1992 þá verða 250 milljónir punda settar í neðri deildirnar til að hjálpa þeim í gegnum kórónufaraldurinn,“ segir í heimildinni sem Telegraph býr yfir. World exclusive: Man Utd and Liverpool driving 'Project Big Picture' - football s biggest shake-up in a generation. Full story from @SamWallaceTel https://t.co/2f75VsJZs0— Telegraph Football (@TeleFootball) October 11, 2020 Eins og áður sagði þá yrði liðum í úrvalsdeildinni fækkað, enski deildarbikarinn yrði eitthvað sem myndi heyra sögunni til. Sama ætti við um Góðgerðaskjöldinn. Neðstu tvö lið úrvalsdeildarinnar myndu falla en liðið í 16. sæti myndi fara í umspil með liðunum í 3. til 5. sæti í ensku B-deildinni. Sigurvegari umspilsins myndi þar af leiðandi annað hvort halda sér í úrvalsdeildinni eða vinna sér inn sæti í deildinni. Þá myndu þessar breytingar koma völdum alfarið í hendur stærstu liða úrvalsdeildarinnar. Ekki þyrfti lengur 14 atkvæði til að samþykkja reglubreytingar eins og þarf í dag. Sem stendur hefur hvert lið deildarinnar eitt atkvæði. Í breyttu landslagi þyrfti aðeins sex atkvæði frá sex liðunum hér að ofan ásamt Everton, Southampton og West Ham United til að keyra breytingar í gegn. Eru þetta þau níu félög sem hafa verið hvað lengst í deildinni. Some good in the MUFC/LFC/Parry plan (£250m to EFL, £100m to FA) but let s be quite clear: it s a blatant power grab, allows the big 6 to run English football and will lead to a European Super League.— Henry Winter (@henrywinter) October 11, 2020 Rick Parry, framkvæmdastjóri EFL [English Football League] er sagður styðja tillöguna. Ensku neðri deildirnar [B til D] eru hluti af EFL-samtökunum. Parry var á sínum tíma framkvæmdarstjóri Liverpool. Talið er að breytingin gæti bjargað mörgum félögum í neðri deildum Englands sem eru á barmi gjaldþrots sökum kórónufaraldursins. Alls myndu 25 prósent af heildartekjum úrvals- og B-deildarinnar renna til deildanna þar fyrir neðan. „Hvað getum við gert? Skilið þetta eftir eins og þetta er og leyft minni félögum að deyja út eða reynum við að gera eitthvað í málunum? Þá þarf að breyta til og það er skoðun okkar félaga að ef 72 félög [fyrir utan stóru sex] græða á því þá erum við tilbúin að skoða það,“ sagði Parry í viðtali við The Telegraph. Rick Parry, var á sínum tíma framkvæmdastjóri Liverpool.Getty Images „Þetta er risastór áskorun og hún verður sársaukafull að einhverju leyti. Ég trúi því virkilega að knattspyrnan í heild sinni muni hagnast á þessu,“ sagði Parry einnig. Ensk knattspyrna er mjög íhaldsöm en kórónufaraldurinn hefur haft áhrif á nær öll félög landsins. Það er því aldrei að vita nema þessar breytingar verði keyrðar í gegn til að koma í veg fyrir að fleiri félög fylgi í fótspor Bury sem fór á hausinn fyrr á þessu ári.
Fótbolti Enski boltinn Mest lesið Féll næstum því í Harvard vegna höfuðverkjanna Fótbolti Leikdagur í Munchen: Gummi Ben og Kjartan hita upp fyrir stærsta leik ársins Fótbolti Ólympíumeistarinn þarf að fara í kynjapróf til að fá að keppa Sport Dagur Dan kallaður inn í íslenska landsliðið Fótbolti „Þetta er alvöru pakki og alvöru djobb“ Körfubolti Sjáðu frábæra afgreiðslu Sveindísar Jane Fótbolti Fyrrum forseti Inter látinn og liðið mun leika með sorgarbönd Fótbolti Dagskráin: Úrslitaleikur Meistaradeildarinnar á kvöldið Sport Mikil öryggisgæsla í París þótt að úrslitaleikurinn fari fram í München Fótbolti Tottenham lætur fimm fara og festir fyrstu kaup sumarsins Enski boltinn Fleiri fréttir Tottenham lætur fimm fara og festir fyrstu kaup sumarsins Fyrrum aðstoðarmaður Klopp aðstoðar Guardiola á næsta tímabili Ungu strákarnir björguðu andliti Man United í Hong Kong „Auðveld ákvörðun“ þegar hann heyrði af áhuga Liverpool Enn hærra metboð frá Liverpool Trent með á HM og Liverpool fær væna summu Skrifar undir fimm ára samning við Liverpool Fyrirliði Man. Utd íhugar alvarlega risatilboð frá Sádi-Arabíu Kaupa Delap og eru í viðræðum við Sancho Enginn labbaði meira en verðandi leikmaður Man United Arsenal að sækja miðjumann þó það sárvanti framherja Henry segir að Arsenal hafi ekki staðið undir væntingum United niðurlægt í Malasíu Leita til Liverpool að nýjum kollega Hákonar Stuðningsmenn Chelsea köstuðu glösum og stólum í Póllandi „Án Meistaradeildarinnar þurfum við ekki stóran leikmannahóp“ Forstjóri Liverpool þakkar stuðningsmönnum sem hjálpuðu hver öðrum Niðurbrotinn Klopp í sjokki Man City vilja Reijnders áður en HM félagsliða hefst Settu met í töpum en spila í Meistaradeild Evrópu Wirtz vill bara Liverpool og metupphæð komin á borðið Bein útsending: Englandsmeistaratitlinum fagnað í Liverpool Allt klárt fyrir fyrstu kaup Man. Utd í sumar Lokaumferðin í enska: Newcastle hélt Meistaradeildarsætinu Garnacho ekki í hóp Ætlar að biðja stuðningsmennina afsökunar eftir lokaleikinn Sunderland vann milljónaleikinn og komst upp í úrvalsdeildina Salah bestur og Gravenberch besti ungi Forest bannaði Neville að mæta á völlinn Gæti hætt við að fara til Man Utd eftir tapið gegn Tottenham Sjá meira