Sundkappinn Anton Sveinn McKee er að synda vel þessa dagana en hann fór mikinn á ISL mótaröðinni í Búdapest um helgina.
Á laugardag setti Anton nýtt Íslands- og Norðurlandamet í 200 metra sundi.
Anton var áfram í hörkugír í gær þegar keppt var í 100 metra sundi en hann hélt uppteknum hætti og bætti Íslands- og Norðurlandamet sem bæði voru í eigu hans.
Anton synti á 56,30 en gamla metið var 56,79.
Anton mun halda áfram að taka þátt í ISL mótaröðinni í Búdapest næstu vikurnar en hann hefur tryggt sér þátttökurétt á Ólympíuleikunum í Tókýó næsta sumar.
