27 greindust með kórónu­veiruna í gær

Alls greindust 27 með kórónuveiruna í gær. Sautján af þeim sem greindust í gær voru í sóttkví, eða 63 prósent. Tíu þeirra sem greindust í gær voru utan sóttkvíar, eða um 37 prósent.

Þetta kemur fram í uppfærðum tölum á vefnum covid.is. Alls eru 74 nú á sjúkrahúsi vegna Covid-19, þar af fjórir á gjörgæslu. Í gær voru 72 á sjúkrahúsi og þrír á gjörgæslu.

Engin ný smit greindust á landamærum í gær.

872 manns eru nú í einangrun, samanborið við 905 í gær. Þá eru 2.083 í sóttkví í dag, samanborið við 2.023 í gær.

Af þeim 27 sem greindust innanlands í gær greindust 24 eftir að tekin voru svokölluð einkennasýni. Þrír greindust í svokallaðri sóttkvíar- og handahófsskimun.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 188,4 en var 198,0 í gær. Þá er nýgengi landamærasmita nú 21,5, en var 23,5 í gær.

Nú hafa 4.957 manns greinst smitaðir af kórónuveiru frá upphafi faraldursins. Á síðunni segir ennfremur að af þeim veikst hafa af Covid-19 eru sautján nú látnir.

Alls voru tekin 1.339 einkennasýni hjá sýkla- og veirufræðideild Landspítalans og Íslenskri erfðagreiningu í gær og 227 sýni á landamærunum eða í seinni landamæraskimun. Þá voru 225 sýni tekin við sóttkvíar- og handahófsskimun og 298 í skimun á vegum Íslenskrar erfðagreiningar.

Fréttin hefur verið uppfærð.