Stúdentar við HÍ æfir vegna fyrirkomulags lokaprófa Elín Margrét Böðvarsdóttir skrifar 11. nóvember 2020 18:33 Háskóli íslands. Vísir/Vilhelm Fjöldi lokaprófa við Háskóla Íslands, einkum á heilbrigðisvísindasviði, mun fara fram í formi staðprófs, sem krefst þess að nemendur mæti í persónu og sitji próf í kennslustofu, þrátt fyrir fyrri yfirlýsingu rektors um að lokapróf á þessari önn muni fara fram á netinu sem fjarpróf, nema í undantekningartilfellum. Stúdentaráð Háskóla Íslands lýsir verulegum vonbrigðum með þetta fyrirkomulag og krefst þess að skólinn bregðist við með sanngjarnari hætti. Jón Atli Benediktsson, rektor HÍ, sendi nemendum póst þann 2. nóvember þar sem segir að próf muni fara fram á netinu nema í undantekningatilvikum, svo sem svokölluð samkeppnispróf og „tiltekin próf þar sem gæði námsmats og jafnræði nemenda verða ekki tryggð á netinu,“ líkt og það er orðað í bréfi rektors. Heimilt sé að halda „samkeppnispróf, þýðingarmikil lokapróf og staðbundnar námslotur fyrir allt að 30 manns í vel loftræstum rýmum,“ en það verði undir hverju fræðasviði og deildum komið að ákveða í samráði við kennslusvið hvaða próf falla undir undanþáguákvæðið. Meirihluti prófa á heilbrigðisvísindasviði í persónu Í dag voru birtir listar yfir fyrirkomulag lokaprófa eftir deildum þar sem í ljós kemur að undanþáguákvæðið hafi verið nýtt í miklum mæli í sumum deildum skólans, einkum á heilbrigðisvísindasviði. „Ef við skoðum tölfræðina í þessu eru niðurstöðurnar sláandi. Heilbrigðisvísindasvið er með lang flest skrifleg próf eða 64%. Til samanburðar má nefna að Hugvísindasvið er með 1% skrifleg lokapróf og Félagsvísindasvið 5%,“ segir í yfirlýsingu frá hópi nemenda í lífeindafræði við HÍ sem send var meðal annars á rektor, menntamálaráðherra og fjölmiðla í dag. „Þessar niðurstöður geta ekki talist boðlegar. Okkur þykir það afskaplega furðulegt að önnur svið innan Háskólans geti brugðist við breyttum aðstæðum og fundið nýjar lausnir til að þreyta lokapróf heima en okkar svið, Heilbrigðisvísindasvið sjái sér ekki fært að koma til móts við aðstæður samfélagsins,“ segir ennfremur í yfirlýsingunni. „Við höfum ekki mátt mæta í skólann í vetur og því þykir okkur óábyrgt og algjörlega úr takti að eiga svo að mæta í hópum til að þreyta lokaprófin. Einnig má nefna að aðstæður nemenda eru misjafnar og taka þarf tillit til þess að margir eru með undirliggjandi sjúkdóma, andlega og líkamlega, mismunandi fjölskylduaðstæður og annað slíkt sem stangast alfarið á við þetta að eiga að mæta inn í stærri hópa en tilmæli sóttvarnarteymisins kveða á um, og það rétt fyrir jól.“ Auk yfirlýsingarinnar frá nemendum í lífeindafræði hefur fréttastofu í dag borist fjölmargar ábendingar frá áhyggjufullum námsmönnum við HÍ sem eru óánægðir með fyrirkomulagið. Þess má geta að í fyrstu bylgju faraldursins í vor var ekki gert ráð fyrir að próf færu fram í húsakynnum háskólans. Stúdentaráð Háskóla Íslands hefur jafnframt sent frá sér yfirlýsingu. „Það er ljóst á niðurstöðum könnunar Stúdentaráðs, á líðan og stöðu nemenda í námi, að aðstæður sökum COVID-19 séu að leggjast þungt á stúdenta og er mikill meirihluti þeirra að upplifa álag sem þau telja að hafi áhrif á námsframvindu sína,“ segir í yfirlýsingu SHÍ. Ráðið hafi farið fram á að námsmatið verði endurskoðað og gagnrýnt reglugerð ráðherra um takmörkun á skólastarfi vegna hertra sóttvarnaaðgerða. Reglugerðin hafi að mati Stúdentaráðs tekið lítið sem ekkert tillit til stúdenta. „Stúdentaráð hefur krafist þess að Háskóli Íslands bregðist við með sanngjörum hætti og telur viðbrögð þessi ekki fullnægjandi. Þrátt fyrir að faraldurinn komi í bylgjum er ekki boðlegt að neyða nemendur til að taka staðpróf og bjóða ekki upp á aðrar lausnir, einna helst þegar flest allt nám hefur verið rafrænt á misserinu,“ segir í yfirlýsingu Stúdentaráðs. Erlendir nemar vilji komast heim Þá er hafin undirskriftasöfnun þar sem erlendir námsmenn við Háskóla Íslands krefjast þess að boðið verði upp á að taka prófin rafrænt. „Margir erlendir nemendur vilja fara til heimalanda sinna en eru fastir á Íslandi þar sem ekki hefur verið ákveðið hvort lokaprófin verði á netinu. Kostnaður vegna uppihalds á Íslandi er með því hæsta sem þekkist í heiminum og eiga margir námsmenn erfitt með að hafa efni á því. Við biðjum Háskóla Íslands um að hafa öll prófin á netinu svo við getum yfirgefið landið og farið heim til fjölskyldna okkar og ástvina,“ segir í lýsingu með undirskriftasöfnuninni sem gerð er í nafni John B. Skóla - og menntamál Faraldur kórónuveiru (COVID-19) Samkomubann á Íslandi Mest lesið Vandasöm andlitslömun sem greinist vikulega á Íslandi Innlent Sviku út tugi milljóna með því að þykjast vera Brad Pitt Erlent Erfið umræða sem fólk hafi veigrað sér við að taka Innlent Þarf ekki að skerða heitt vatn í vetur vegna nýrrar borholu Innlent Ringulreið á lánamarkaði Innlent „Þetta er ekki átak til einhverra daga eða vikna“ Innlent Forréttindi fyrir fámenna þjóð að hafa jafn öflugar flugsamgöngur Innlent Ein kært nauðgun og fjórar segjast hafa verið beittar ofbeldi Innlent Risavaxin mörgæs slær í gegn Erlent Situr undir gelti, urri og að vera kölluð api Innlent Fleiri fréttir Þarf ekki að skerða heitt vatn í vetur vegna nýrrar borholu Erfið umræða sem fólk hafi veigrað sér við að taka Vandasöm andlitslömun sem greinist vikulega á Íslandi Forréttindi fyrir fámenna þjóð að hafa jafn öflugar flugsamgöngur „Þetta er ekki átak til einhverra daga eða vikna“ Skilur að fólk sé hugsi yfir mögulegum skyldleika við sæðisgjöf Úkraínumenn berjist með „aðra hönd bundna fyrir aftan bak“ Ringulreið á lánamarkaði Jódís fer fram gegn Guðmundi Inga í varaformann VG Býður sig ekki fram til formanns og styður Svandísi Ótti um allsherjarstríð, ringulreið á lánamarkaði og íslenskir sæðisgjafar „Vonumst til að sem flestir fari svo í óverðtryggð íbúðalán“ Söfnuðu um níu milljónum í minningu Bryndísar Klöru Leituðu á stóru svæði en fundu ekki fleiri hvítabirni Situr undir gelti, urri og að vera kölluð api Telja Ísland með „hættuleg viðhorf“ gagnvart Rússlandi Með mörg þúsund evrur af illa fengnu fé Íslendingur í Ísrael óskaði eftir aðstoð utanríkisráðuneytisins Brotist inn í tvær verslanir sömu nóttina Guðrún skýst upp fyrir Katrínu Vetrarfærð á fjallvegum norðaustanlands Ein kært nauðgun og fjórar segjast hafa verið beittar ofbeldi Kanna hvort fleiri bjarndýr leynist fyrir vestan Manndráp í Kiðjabergi komið til saksóknara Máttu vita að eiturlyfjasalinn þeirra væri að flytja inn eiturlyf Ungmenni í viðkvæmri stöðu hagnýtt í afbrot hér á landi Ógn Rússa við Norðurlönd og Eystrasaltsríki rædd í HR Efna til söfnunar fyrir móður Kolfinnu Eldeyjar Lögreglan segir hóp ungmenna hagnýttan í skipulagða brotastarfsemi Bíða gagna og tjá sig lítið um rannsóknina á meðan Sjá meira
Fjöldi lokaprófa við Háskóla Íslands, einkum á heilbrigðisvísindasviði, mun fara fram í formi staðprófs, sem krefst þess að nemendur mæti í persónu og sitji próf í kennslustofu, þrátt fyrir fyrri yfirlýsingu rektors um að lokapróf á þessari önn muni fara fram á netinu sem fjarpróf, nema í undantekningartilfellum. Stúdentaráð Háskóla Íslands lýsir verulegum vonbrigðum með þetta fyrirkomulag og krefst þess að skólinn bregðist við með sanngjarnari hætti. Jón Atli Benediktsson, rektor HÍ, sendi nemendum póst þann 2. nóvember þar sem segir að próf muni fara fram á netinu nema í undantekningatilvikum, svo sem svokölluð samkeppnispróf og „tiltekin próf þar sem gæði námsmats og jafnræði nemenda verða ekki tryggð á netinu,“ líkt og það er orðað í bréfi rektors. Heimilt sé að halda „samkeppnispróf, þýðingarmikil lokapróf og staðbundnar námslotur fyrir allt að 30 manns í vel loftræstum rýmum,“ en það verði undir hverju fræðasviði og deildum komið að ákveða í samráði við kennslusvið hvaða próf falla undir undanþáguákvæðið. Meirihluti prófa á heilbrigðisvísindasviði í persónu Í dag voru birtir listar yfir fyrirkomulag lokaprófa eftir deildum þar sem í ljós kemur að undanþáguákvæðið hafi verið nýtt í miklum mæli í sumum deildum skólans, einkum á heilbrigðisvísindasviði. „Ef við skoðum tölfræðina í þessu eru niðurstöðurnar sláandi. Heilbrigðisvísindasvið er með lang flest skrifleg próf eða 64%. Til samanburðar má nefna að Hugvísindasvið er með 1% skrifleg lokapróf og Félagsvísindasvið 5%,“ segir í yfirlýsingu frá hópi nemenda í lífeindafræði við HÍ sem send var meðal annars á rektor, menntamálaráðherra og fjölmiðla í dag. „Þessar niðurstöður geta ekki talist boðlegar. Okkur þykir það afskaplega furðulegt að önnur svið innan Háskólans geti brugðist við breyttum aðstæðum og fundið nýjar lausnir til að þreyta lokapróf heima en okkar svið, Heilbrigðisvísindasvið sjái sér ekki fært að koma til móts við aðstæður samfélagsins,“ segir ennfremur í yfirlýsingunni. „Við höfum ekki mátt mæta í skólann í vetur og því þykir okkur óábyrgt og algjörlega úr takti að eiga svo að mæta í hópum til að þreyta lokaprófin. Einnig má nefna að aðstæður nemenda eru misjafnar og taka þarf tillit til þess að margir eru með undirliggjandi sjúkdóma, andlega og líkamlega, mismunandi fjölskylduaðstæður og annað slíkt sem stangast alfarið á við þetta að eiga að mæta inn í stærri hópa en tilmæli sóttvarnarteymisins kveða á um, og það rétt fyrir jól.“ Auk yfirlýsingarinnar frá nemendum í lífeindafræði hefur fréttastofu í dag borist fjölmargar ábendingar frá áhyggjufullum námsmönnum við HÍ sem eru óánægðir með fyrirkomulagið. Þess má geta að í fyrstu bylgju faraldursins í vor var ekki gert ráð fyrir að próf færu fram í húsakynnum háskólans. Stúdentaráð Háskóla Íslands hefur jafnframt sent frá sér yfirlýsingu. „Það er ljóst á niðurstöðum könnunar Stúdentaráðs, á líðan og stöðu nemenda í námi, að aðstæður sökum COVID-19 séu að leggjast þungt á stúdenta og er mikill meirihluti þeirra að upplifa álag sem þau telja að hafi áhrif á námsframvindu sína,“ segir í yfirlýsingu SHÍ. Ráðið hafi farið fram á að námsmatið verði endurskoðað og gagnrýnt reglugerð ráðherra um takmörkun á skólastarfi vegna hertra sóttvarnaaðgerða. Reglugerðin hafi að mati Stúdentaráðs tekið lítið sem ekkert tillit til stúdenta. „Stúdentaráð hefur krafist þess að Háskóli Íslands bregðist við með sanngjörum hætti og telur viðbrögð þessi ekki fullnægjandi. Þrátt fyrir að faraldurinn komi í bylgjum er ekki boðlegt að neyða nemendur til að taka staðpróf og bjóða ekki upp á aðrar lausnir, einna helst þegar flest allt nám hefur verið rafrænt á misserinu,“ segir í yfirlýsingu Stúdentaráðs. Erlendir nemar vilji komast heim Þá er hafin undirskriftasöfnun þar sem erlendir námsmenn við Háskóla Íslands krefjast þess að boðið verði upp á að taka prófin rafrænt. „Margir erlendir nemendur vilja fara til heimalanda sinna en eru fastir á Íslandi þar sem ekki hefur verið ákveðið hvort lokaprófin verði á netinu. Kostnaður vegna uppihalds á Íslandi er með því hæsta sem þekkist í heiminum og eiga margir námsmenn erfitt með að hafa efni á því. Við biðjum Háskóla Íslands um að hafa öll prófin á netinu svo við getum yfirgefið landið og farið heim til fjölskyldna okkar og ástvina,“ segir í lýsingu með undirskriftasöfnuninni sem gerð er í nafni John B.
Skóla - og menntamál Faraldur kórónuveiru (COVID-19) Samkomubann á Íslandi Mest lesið Vandasöm andlitslömun sem greinist vikulega á Íslandi Innlent Sviku út tugi milljóna með því að þykjast vera Brad Pitt Erlent Erfið umræða sem fólk hafi veigrað sér við að taka Innlent Þarf ekki að skerða heitt vatn í vetur vegna nýrrar borholu Innlent Ringulreið á lánamarkaði Innlent „Þetta er ekki átak til einhverra daga eða vikna“ Innlent Forréttindi fyrir fámenna þjóð að hafa jafn öflugar flugsamgöngur Innlent Ein kært nauðgun og fjórar segjast hafa verið beittar ofbeldi Innlent Risavaxin mörgæs slær í gegn Erlent Situr undir gelti, urri og að vera kölluð api Innlent Fleiri fréttir Þarf ekki að skerða heitt vatn í vetur vegna nýrrar borholu Erfið umræða sem fólk hafi veigrað sér við að taka Vandasöm andlitslömun sem greinist vikulega á Íslandi Forréttindi fyrir fámenna þjóð að hafa jafn öflugar flugsamgöngur „Þetta er ekki átak til einhverra daga eða vikna“ Skilur að fólk sé hugsi yfir mögulegum skyldleika við sæðisgjöf Úkraínumenn berjist með „aðra hönd bundna fyrir aftan bak“ Ringulreið á lánamarkaði Jódís fer fram gegn Guðmundi Inga í varaformann VG Býður sig ekki fram til formanns og styður Svandísi Ótti um allsherjarstríð, ringulreið á lánamarkaði og íslenskir sæðisgjafar „Vonumst til að sem flestir fari svo í óverðtryggð íbúðalán“ Söfnuðu um níu milljónum í minningu Bryndísar Klöru Leituðu á stóru svæði en fundu ekki fleiri hvítabirni Situr undir gelti, urri og að vera kölluð api Telja Ísland með „hættuleg viðhorf“ gagnvart Rússlandi Með mörg þúsund evrur af illa fengnu fé Íslendingur í Ísrael óskaði eftir aðstoð utanríkisráðuneytisins Brotist inn í tvær verslanir sömu nóttina Guðrún skýst upp fyrir Katrínu Vetrarfærð á fjallvegum norðaustanlands Ein kært nauðgun og fjórar segjast hafa verið beittar ofbeldi Kanna hvort fleiri bjarndýr leynist fyrir vestan Manndráp í Kiðjabergi komið til saksóknara Máttu vita að eiturlyfjasalinn þeirra væri að flytja inn eiturlyf Ungmenni í viðkvæmri stöðu hagnýtt í afbrot hér á landi Ógn Rússa við Norðurlönd og Eystrasaltsríki rædd í HR Efna til söfnunar fyrir móður Kolfinnu Eldeyjar Lögreglan segir hóp ungmenna hagnýttan í skipulagða brotastarfsemi Bíða gagna og tjá sig lítið um rannsóknina á meðan Sjá meira