Bein út­sending: Kvöld­fréttir Stöðvar 2

Í kvöldfréttum Stöðvar 2 verður rætt við hjúkrunardeildarstjóra á Landakoti sem segjast finna til mikillar ábyrgðar vegna hópsýkingar sem þar kom upp - þrátt fyrir að hafa gert allt sem í þeirra valdi stóð í erfiðum aðstæðum. Þær segjast hafa upplifað gríðarlega mikla sorg.

Rætt verður við Ásgeir Jónsson seðlabankastjóra sem segist búast við því að ríkisstjórnin muni búa þannig um hnútana að nýprentaðir peningar fari til þeirra sem þurfi á þeim að halda.

Hann svarar gagnrýni um að stór hluti þess fjármagns sem sett var í umferð til að styðja við hagkerfið hafi runnið inn á fasteignamarkað í stað þess að fara til fólks og fyrirtækja sem lent hafa í mesta tekjuáfallinu.

Þá lítum við í heimsókn í Jólagarðinn í Eyjafjarðarsveit en yfirjólasveinn þar hvetur landsmenn sérstaklega til þess að spreyta sig á smákökubakstri fyrir þessi jól.

Þetta og fleira til í kvöldfréttum sem hefjast á slaginu 18:30 á samtengdum rásum Stöðvar 2, Vísis og á Bylgjunnar.