Bein út­sending: Kvöld­fréttir Stöðvar 2

Í kvöldfréttum verður fjallað ítarlega um tilslakanir sem voru kynntar í dag á samkomubanni vegna kórónuveirufaraldursins. Enn verða tíu manna fjöldatakmarkanir en gerðar varfærnar tilslakanir á þegar kemur að verslunum og veitingastöðum. Þá verða sundlaugar opnaðar á ný.

Fengin verða viðbrögð frá kaupmönnum í beinni útsendingu frá Smáralind og rætt við eiganda líkamsræktarstöðvar, sem mun ekki fá að opna stöð sína fyrr en í fyrsta lagi eftir áramót.

Í fréttatímanum sýnum við einnig frá fyrstu almennu bólusetningunum í Bretlandi og segjum frá viðhorfi Íslendinga til bólusetningar.

Nákvæm götumynd af Aðalstræti, eins og hún leit út fyrir hundrað og fjórtán árum, var flutt á Landnámssýninguna í dag. Við skoðum líkanið í fréttatímanum.

Þetta og margt fleira í kvöldfréttum á samtengdum rásum Stöðvar 2, Bylgjunnar og á Vísi kl. 18:30.