Eins og Tom Cruise í Vanilla Sky, aleinn á Times Square Tryggvi Páll Tryggvason skrifar 23. apríl 2020 09:00 Sigurjón tók þessa mynd á Times Square í New York fyrir nokkrum vikum. Óvanalega fámennt. Mynd/Sigurjón Guðjónsson Fyrir einu ári síðan fóru hátt um 400 þúsund manns á hverjum degi um Times Square í New York í Bandaríkjunum Sú tala hefur hríðlækkað eftir því sem kórónuveirufaraldurinn hefur dunið á borginni. Sigurjón Guðjónsson, ljósmyndari sem starfar fyrir New York-borg, hefur ekki farið varhluta af faraldrinum. Á dögunum hjólaði hann í gegnum Times Square og eins og Tom Cruise í Vanilla Sky, var hann alveg einn á ferð. New York hefur farið illa út úr kórónuveirufaraldrinum. Opinberar tölur gefa til kynna að í ríkinu öllu hafi tæplega 15 þúsund manns látist af völdu Covid-19 sjúkdómsins. Ýmislegt bendir þó til þess að mögulega sé faraldurinn á niðurleið í ríkinu. Þannig fer daglegum dauðsföllum fækkandi. Það er þó langt í land og til dæmis reiknar Sigurjón með að vera heima næstu vikurnar, eftir að hafa þegar verið rúmlega mánuð í eins konar sóttkví. „16. mars var fyrsti dagurinn sem ég var heima. Ég er að vinna fyrir borgina og það er bara allt á pásu. Allt sem ég átti að mynda var blásið af og ég var bara sendur heim,“ segir Sigurjón. „Ég held að við eigum alveg góða 30 daga í viðbót í því að horfa á kúrvuna fara niður og svo verður hugsanlega teknar einhverjar vikur í viðbót bara til að fara varlega og passa að þetta fari ekki aftur í gang.“ Viðbrögð stórborgarbúa ekki svo frábrugðin viðbrögðum Íslendinga Sigurjón heyrir reglulega í foreldrum sínum hér á Íslandi og segir hann að miðað við þau samtöl sé upplifunin á því að vera í sjálfskipaðri sóttkví í New York ekkert svo frábrugðin því að vera í sama pakka í Reykjavík. Sigurjón hefur verið búsettur í New York um árabil.Mynd/Sigurjón Guðjónsson „Það er svo skondið í raun og veru. Maður er bara heima og maður er bara í sömu stöðu og allir og maður er ekkert að upplifa þannig lagað öðruvísi hluti hér en til dæmis heima,“ segir Sigurjón. „Ég held að til dæmis Akureyringar séu alveg að taka þetta jafn alvarlega og þeir sem búa í New York svo ég nefni dæmi. Núna bý ég bara í venjulegri íbúðargötu og hérna er mikill nágrannafílingur. Maður þekkir alla í húsunum hérna og við erum ekki að tala saman út á götu eins og við vorum að gera. Maður sér fólk og veifar þeim hinum megin við götuna. Það virðist vera það sama upp á teningnum heima, finnst mér.“ Það er þó veigamikill munur á Íslandi og New York. „Það er ekki fyrr en maður heyrir í félögum sínum hér þegar maður áttar sig á því að það er klárlega önnur staða í gangi hér en víðast hvar annars staðar. Það er aðallega það sem er hvað mest sjokkerandi. Fyrir utan fólk sem að ég kannast við sem hefur dáið af þessu.“ Borgin, sem venjulega iðar af lífi, er ansi tómleg um þessar mundir.Mynd/Sigurjón Guðjónsson „ Nágranninn minn niðri, frændsystkini hans er dáið. Ég fór í göngutúr um daginn og rakst á vinkonu mína fyrir algjöra tilviljun. Móðurbróður hennar er á sjúkrahúsi að berjast fyrir lífu sínu. Svo heyrði ég í vinnufélaga mínum um daginn og föðurbróðir hans er dáinn. Þegar maður talar við einhvern þá eru allir sem hafa misst einhvern ættingja eða vin eða eitthvað,“ segir Sigurjón. Sérstakt að hjóla einn niður Broadway og að vera einn á Times Square Sigurjón hefur verið búsettur í New York í meira en áratug. Hann býr á Manhattan með eiginkonu sinni og fimm ára syni þeirra. Frá því að hann flutti til Bandaríkjanna hefur hann upplifað ýmsar hamfarir, en ekkert í líkingu við það sem nú gengur yfir borgina. „Ég hjólaði í gegnum Manhattan eftir fellibylinn Sandy til að sjá hvað hafði gerst en það voru bara ákveðnir staðir sem urðu fyrir barðinu á Sandy. Downtown Manhattan var mjög illa farin og það var lítið um að vera þar en þá voru aðrir staðir sem sluppu alveg. Núna er það þannig að það skiptir ekki máli hvar þú hjólar á Manhattan, í gegnum Times Square eða niður Broadway um daginn, staðir sem eru venjulega þéttsskipaðir. Það er enginn þar núna. Ég hjólaði á miðri akreininni, 60 blokkir, bara einn.“ Reiðhjólin fá frið frá einkabílnum.Mynd/Sigurjón Guðjónsson Beðinn um að lýsa því hvernig tilfinning það er að vera einn á ferð í þessari erkitýpu af stórborg getur Sigurjón ekki annað en vísað í Hollywood-myndir, enda er frægt atriði í myndinni Vanilla Sky þar sem Tom Cruise er staddur á mannlausu Time Square. „Það eru tvær kvikmyndir sem hafa verið gerðar út frá þessari pælingu, I Am Legend með Will Smith og svo Vanilla Sky með Tom Cruise og þegar maður sá þessar myndir þá fannst manni þær heillandi en núna þegar maður er að upplifa það er það bara óhugnanlegt,“ segir Sigurjón. „Í New York er það þannig að það eru allir að vinna, það eru allir að reyna að „make a buck“ en núna er bara ekkert í gangi. Það er svo ótrúlegur meirihluti sem er að taka þetta alvarlega og vera heima. Það eru svo margir sem er að hlusta á þær leiðbeiningar sem gefnar eru yfirvöldum,“ segir Sigurjón og líklega er það hluti skýringarinnar á því af hverju faraldurinn virðist vera, mögulega, að mjakast niður á við í New York. Ræðst mikið af skólahaldi hvernig framhaldið verður Þangað til að faraldurinn er kominn í mun meiri rénun verður Sigurjón og flestir New York búar heima. Dagarnir eru því ekki flóknir. Ef Palli væri í heiminum, væri hann í New York.Mynd/Sigurjón Guðjónsson „Það eru í raun og veru allir að standa í þessu sama, að ganga saman í þessu. Við erum bara að umgangast hvort annað og það er náttúrulega allt lokað, allir almenningsgarðar og við eigum náttúrulega fimm ára krakka og það er erfitt að halda honum inni allan daginn alla daga. Við förum út á gangstétt og upp og niður götuna enda eru rosa fáir á ferli,“ segir Sigurjón. „Við eigum nágranna, par, sem er í sama pakka og við og eru ekki að vinna. Okkar sóttkvíarhringur er við og þau tvö. Það er allt og sumt, ég hef ekki hitt og séð annað fólk,“ segir Sigurjón. Og það er langt í land. Eins og fyrr segir reiknar Sigurjón með mánuði í viðbót. Það veltur mikið á því hvort skólarnir verði opnaðir á nýjan leik. „Það er búið að slá af skólahald og það segir rosalega um framhaldið. Ég efast um að skólahald verði sett aftur á. Ef að við gefum okkur að það verði svo þá er það alltaf talið vera uppistaðan í öllu hérna í New York. Ef að krakkarnir eru heima þá þurfa foreldrarnir að vera heima og skólalokunin gildir fram í miðjan júní.“ Bandaríkin Faraldur kórónuveiru (COVID-19) Mest lesið Tók hnífinn með af því að honum fannst hann „töff“ Innlent Taldi vegið að æru sinni innan hundaræktarsamfélagsins Innlent Neitar að segja ef sér þrátt fyrir hávær áköll Erlent Vill að borgin útbúi skýrar leiðbeiningar svo fleiri geti farið sömu leið og Arion Innlent „Ég er ekkert búin að læra“ Innlent Hófu frumkvæðisathugun á aðkomu Jóns í ráðuneytinu Innlent Skyndileg krafa upp á milljónir króna eins og lélegt grín Innlent Kosningavaktin: Íslendingar ganga að kjörborðinu Innlent Kolefnisgjald hækkað en um minna en til stóð Innlent Skorar á fólk að dvelja heilan dag á kaffistofu Samhjálpar Innlent Fleiri fréttir Tók hnífinn með af því að honum fannst hann „töff“ Taldi vegið að æru sinni innan hundaræktarsamfélagsins Vill að borgin útbúi skýrar leiðbeiningar svo fleiri geti farið sömu leið og Arion Kolefnisgjald hækkað en um minna en til stóð „Ég er ekkert búin að læra“ Hófu frumkvæðisathugun á aðkomu Jóns í ráðuneytinu Rýnt í kannanir og tendrun jólatrés í Hafnarfirði Alma verði heilbrigðisráðherra í stjórn Kristrúnar Rjúfa tólf vikna múrinn við rannsókn í Neskaupstað Skorar á fólk að dvelja heilan dag á kaffistofu Samhjálpar Húsfélag sektaði íbúa um 10 þúsund vegna of lélegra sameignarþrifa Hér eru „þessar elskur“ Hærra kolefnisgjald og minna til nýja Landspítalans vegna frestunar kílómetragjalds Fjárlögin áfram rædd í dag og styttist í þinglok Bein útsending: Frambjóðendur tala við nemendur Allar landamærastöðvar efldar og þeim mögulega fækkað Færa til fjármuni til þess að bæta aðstöðu á bráðamóttöku Brenna líkin á nóttunni Starfsmenn Arion himinlifandi með daggæsluna Svona var fundur ráðherra og ríkislögreglustjóra um landamærin Óvissustig á Hellisheiði, í Þrengslum og á Mosfellsheiði Skyndileg krafa upp á milljónir króna eins og lélegt grín Rannsaka hópárás á tvo einstaklinga Fólk velji frekar Sósíalista því VG hafi stungið kjósendur í bakið Fjárlaganefnd gefur grænt ljós á útboð á Vestfjörðum Sýkna í málinu sem setti svip sinn á forsetakosningarnar Sextán flugferðum aflýst Konan er fundin Þórður Snær afboðaði komu sína Hitamet féll Sjá meira
Fyrir einu ári síðan fóru hátt um 400 þúsund manns á hverjum degi um Times Square í New York í Bandaríkjunum Sú tala hefur hríðlækkað eftir því sem kórónuveirufaraldurinn hefur dunið á borginni. Sigurjón Guðjónsson, ljósmyndari sem starfar fyrir New York-borg, hefur ekki farið varhluta af faraldrinum. Á dögunum hjólaði hann í gegnum Times Square og eins og Tom Cruise í Vanilla Sky, var hann alveg einn á ferð. New York hefur farið illa út úr kórónuveirufaraldrinum. Opinberar tölur gefa til kynna að í ríkinu öllu hafi tæplega 15 þúsund manns látist af völdu Covid-19 sjúkdómsins. Ýmislegt bendir þó til þess að mögulega sé faraldurinn á niðurleið í ríkinu. Þannig fer daglegum dauðsföllum fækkandi. Það er þó langt í land og til dæmis reiknar Sigurjón með að vera heima næstu vikurnar, eftir að hafa þegar verið rúmlega mánuð í eins konar sóttkví. „16. mars var fyrsti dagurinn sem ég var heima. Ég er að vinna fyrir borgina og það er bara allt á pásu. Allt sem ég átti að mynda var blásið af og ég var bara sendur heim,“ segir Sigurjón. „Ég held að við eigum alveg góða 30 daga í viðbót í því að horfa á kúrvuna fara niður og svo verður hugsanlega teknar einhverjar vikur í viðbót bara til að fara varlega og passa að þetta fari ekki aftur í gang.“ Viðbrögð stórborgarbúa ekki svo frábrugðin viðbrögðum Íslendinga Sigurjón heyrir reglulega í foreldrum sínum hér á Íslandi og segir hann að miðað við þau samtöl sé upplifunin á því að vera í sjálfskipaðri sóttkví í New York ekkert svo frábrugðin því að vera í sama pakka í Reykjavík. Sigurjón hefur verið búsettur í New York um árabil.Mynd/Sigurjón Guðjónsson „Það er svo skondið í raun og veru. Maður er bara heima og maður er bara í sömu stöðu og allir og maður er ekkert að upplifa þannig lagað öðruvísi hluti hér en til dæmis heima,“ segir Sigurjón. „Ég held að til dæmis Akureyringar séu alveg að taka þetta jafn alvarlega og þeir sem búa í New York svo ég nefni dæmi. Núna bý ég bara í venjulegri íbúðargötu og hérna er mikill nágrannafílingur. Maður þekkir alla í húsunum hérna og við erum ekki að tala saman út á götu eins og við vorum að gera. Maður sér fólk og veifar þeim hinum megin við götuna. Það virðist vera það sama upp á teningnum heima, finnst mér.“ Það er þó veigamikill munur á Íslandi og New York. „Það er ekki fyrr en maður heyrir í félögum sínum hér þegar maður áttar sig á því að það er klárlega önnur staða í gangi hér en víðast hvar annars staðar. Það er aðallega það sem er hvað mest sjokkerandi. Fyrir utan fólk sem að ég kannast við sem hefur dáið af þessu.“ Borgin, sem venjulega iðar af lífi, er ansi tómleg um þessar mundir.Mynd/Sigurjón Guðjónsson „ Nágranninn minn niðri, frændsystkini hans er dáið. Ég fór í göngutúr um daginn og rakst á vinkonu mína fyrir algjöra tilviljun. Móðurbróður hennar er á sjúkrahúsi að berjast fyrir lífu sínu. Svo heyrði ég í vinnufélaga mínum um daginn og föðurbróðir hans er dáinn. Þegar maður talar við einhvern þá eru allir sem hafa misst einhvern ættingja eða vin eða eitthvað,“ segir Sigurjón. Sérstakt að hjóla einn niður Broadway og að vera einn á Times Square Sigurjón hefur verið búsettur í New York í meira en áratug. Hann býr á Manhattan með eiginkonu sinni og fimm ára syni þeirra. Frá því að hann flutti til Bandaríkjanna hefur hann upplifað ýmsar hamfarir, en ekkert í líkingu við það sem nú gengur yfir borgina. „Ég hjólaði í gegnum Manhattan eftir fellibylinn Sandy til að sjá hvað hafði gerst en það voru bara ákveðnir staðir sem urðu fyrir barðinu á Sandy. Downtown Manhattan var mjög illa farin og það var lítið um að vera þar en þá voru aðrir staðir sem sluppu alveg. Núna er það þannig að það skiptir ekki máli hvar þú hjólar á Manhattan, í gegnum Times Square eða niður Broadway um daginn, staðir sem eru venjulega þéttsskipaðir. Það er enginn þar núna. Ég hjólaði á miðri akreininni, 60 blokkir, bara einn.“ Reiðhjólin fá frið frá einkabílnum.Mynd/Sigurjón Guðjónsson Beðinn um að lýsa því hvernig tilfinning það er að vera einn á ferð í þessari erkitýpu af stórborg getur Sigurjón ekki annað en vísað í Hollywood-myndir, enda er frægt atriði í myndinni Vanilla Sky þar sem Tom Cruise er staddur á mannlausu Time Square. „Það eru tvær kvikmyndir sem hafa verið gerðar út frá þessari pælingu, I Am Legend með Will Smith og svo Vanilla Sky með Tom Cruise og þegar maður sá þessar myndir þá fannst manni þær heillandi en núna þegar maður er að upplifa það er það bara óhugnanlegt,“ segir Sigurjón. „Í New York er það þannig að það eru allir að vinna, það eru allir að reyna að „make a buck“ en núna er bara ekkert í gangi. Það er svo ótrúlegur meirihluti sem er að taka þetta alvarlega og vera heima. Það eru svo margir sem er að hlusta á þær leiðbeiningar sem gefnar eru yfirvöldum,“ segir Sigurjón og líklega er það hluti skýringarinnar á því af hverju faraldurinn virðist vera, mögulega, að mjakast niður á við í New York. Ræðst mikið af skólahaldi hvernig framhaldið verður Þangað til að faraldurinn er kominn í mun meiri rénun verður Sigurjón og flestir New York búar heima. Dagarnir eru því ekki flóknir. Ef Palli væri í heiminum, væri hann í New York.Mynd/Sigurjón Guðjónsson „Það eru í raun og veru allir að standa í þessu sama, að ganga saman í þessu. Við erum bara að umgangast hvort annað og það er náttúrulega allt lokað, allir almenningsgarðar og við eigum náttúrulega fimm ára krakka og það er erfitt að halda honum inni allan daginn alla daga. Við förum út á gangstétt og upp og niður götuna enda eru rosa fáir á ferli,“ segir Sigurjón. „Við eigum nágranna, par, sem er í sama pakka og við og eru ekki að vinna. Okkar sóttkvíarhringur er við og þau tvö. Það er allt og sumt, ég hef ekki hitt og séð annað fólk,“ segir Sigurjón. Og það er langt í land. Eins og fyrr segir reiknar Sigurjón með mánuði í viðbót. Það veltur mikið á því hvort skólarnir verði opnaðir á nýjan leik. „Það er búið að slá af skólahald og það segir rosalega um framhaldið. Ég efast um að skólahald verði sett aftur á. Ef að við gefum okkur að það verði svo þá er það alltaf talið vera uppistaðan í öllu hérna í New York. Ef að krakkarnir eru heima þá þurfa foreldrarnir að vera heima og skólalokunin gildir fram í miðjan júní.“
Bandaríkin Faraldur kórónuveiru (COVID-19) Mest lesið Tók hnífinn með af því að honum fannst hann „töff“ Innlent Taldi vegið að æru sinni innan hundaræktarsamfélagsins Innlent Neitar að segja ef sér þrátt fyrir hávær áköll Erlent Vill að borgin útbúi skýrar leiðbeiningar svo fleiri geti farið sömu leið og Arion Innlent „Ég er ekkert búin að læra“ Innlent Hófu frumkvæðisathugun á aðkomu Jóns í ráðuneytinu Innlent Skyndileg krafa upp á milljónir króna eins og lélegt grín Innlent Kosningavaktin: Íslendingar ganga að kjörborðinu Innlent Kolefnisgjald hækkað en um minna en til stóð Innlent Skorar á fólk að dvelja heilan dag á kaffistofu Samhjálpar Innlent Fleiri fréttir Tók hnífinn með af því að honum fannst hann „töff“ Taldi vegið að æru sinni innan hundaræktarsamfélagsins Vill að borgin útbúi skýrar leiðbeiningar svo fleiri geti farið sömu leið og Arion Kolefnisgjald hækkað en um minna en til stóð „Ég er ekkert búin að læra“ Hófu frumkvæðisathugun á aðkomu Jóns í ráðuneytinu Rýnt í kannanir og tendrun jólatrés í Hafnarfirði Alma verði heilbrigðisráðherra í stjórn Kristrúnar Rjúfa tólf vikna múrinn við rannsókn í Neskaupstað Skorar á fólk að dvelja heilan dag á kaffistofu Samhjálpar Húsfélag sektaði íbúa um 10 þúsund vegna of lélegra sameignarþrifa Hér eru „þessar elskur“ Hærra kolefnisgjald og minna til nýja Landspítalans vegna frestunar kílómetragjalds Fjárlögin áfram rædd í dag og styttist í þinglok Bein útsending: Frambjóðendur tala við nemendur Allar landamærastöðvar efldar og þeim mögulega fækkað Færa til fjármuni til þess að bæta aðstöðu á bráðamóttöku Brenna líkin á nóttunni Starfsmenn Arion himinlifandi með daggæsluna Svona var fundur ráðherra og ríkislögreglustjóra um landamærin Óvissustig á Hellisheiði, í Þrengslum og á Mosfellsheiði Skyndileg krafa upp á milljónir króna eins og lélegt grín Rannsaka hópárás á tvo einstaklinga Fólk velji frekar Sósíalista því VG hafi stungið kjósendur í bakið Fjárlaganefnd gefur grænt ljós á útboð á Vestfjörðum Sýkna í málinu sem setti svip sinn á forsetakosningarnar Sextán flugferðum aflýst Konan er fundin Þórður Snær afboðaði komu sína Hitamet féll Sjá meira