Aftur greindist enginn með veiruna innan­­lands en sex á landa­mærum

Þetta kemur fram í uppfærðum tölum á síðunni covid.is.

29 manns eru nú í einangrun, samanborið við 24 í gær. 24 eru nú í sóttkví, en þeir voru tuttugu í gær. 912 eru í skimunarsóttkví.

Alls hafa 6.044 manns greinst með kórónuveiruna hér á landi frá því faraldurinn hófst í lok febrúar. Þá hafa 29 dauðsföll verið rakin til Covid-19 á Íslandi frá upphafi faraldursins.

7.381 hafa nú lokið bólusetningu og er hún hafin hjá 6.807 til viðbótar.

Alls voru tekin 545 einkennasýni hjá sýkla- og veirufræðideild Landspítalans og Íslenskri erfðagreiningu í gær og 351 sýni á landamærunum eða í seinni landamæraskimun.

Fréttin verður uppfærð.