Innlent

Enginn greindist með veiruna innanlands

Sunna Kristín Hilmarsdóttir skrifar
Frá bólusetningu þeirra sem eru 80 ára og eldri í Laugardalshöll í gær.
Frá bólusetningu þeirra sem eru 80 ára og eldri í Laugardalshöll í gær. Vísir/Vilhelm

Enginn greindist með kórónuveiruna innanlands í gær, fjórða daginn í röð. Þetta kemur fram í uppfærðum tölum á covid.is.

Þrettán eru í sóttkví, 1017 eru í skimunarsóttkví og ellefu manns eru í einangrun. Þá eru sjö manns á sjúkrahúsi og bólusetningu er lokið hjá 12.679 einstaklingum.

Þrír greindust með virkt smit í fyrri landamæraskimun og einn í seinni skimun. Beðið er niðurstöðu mótefnamælingar hjá einum til viðbótar.

Nýgengi innanlandssmita er 0,5 og nýgengi landamærasmita 2,5. Alls voru tekin 403 einkennasýni innanlands í gær og 360 sýni við landamæraskimun.

Fréttin hefur verið uppfærð.

Faraldur kórónuveiru (COVID-19)

Mest lesið


Fleiri fréttir

Sjá meira


×

Mest lesið