Sjáðu olnbogaskotið frá Savic og öll mörkin úr Meistaradeildinni

Mörkin úr leikjunum í Meistaradeildinni í gær, sem og rauða spjaldið sem Atlético Madrid fékk, má sjá hér að neðan.

Chelsea vann Atlético 2-0 í gær og einvígið því samtals 3-0. Hakim Ziyech skoraði fyrra markið í gær úr hraðri skyndisókn eftir undirbúning Timo Werner.

Emerson bætti svo við seinna markinu seint í uppbótartíma og innsiglaði öruggan sigur Chelsea í einvíginu.

Það hjálpaði Atlético ekki að miðvörðurinn reyndi Stefan Savic skyldi ná sér í rautt spjald fyrir að gefa Antonio Rüdiger rautt spjald.

Bayern vann 2-1 sigur á Lazio eftir að hafa unnið útileikinn 4-1.

Það var að sjálfsögðu Robert Lewandowski sem skoraði fyrsta mark leiksins í gær, úr vítaspyrnu. Bayern komst svo í 2-0 á 73. mínútu þegar Eric Maxim Choupo-Moting skoraði.

Lazio klóraði aðeins í bakkann með skallamarki Marcos Parolo eftir aukaspyrnu á 82. mínútu.