Baer­bock kanslara­efni þýskra Græningja

Græningjar hafa verið á mikilli siglingu í skoðanakönnunum síðustu mánuði og ef fram fer sem horfir má telja líklegt að flokkurinn verði í lykilstöðu við myndun stjórnar að loknum kosningum.

Græningjar greindu frá því í morgun að hin fertuga Annalena Baerbock verði kanslaraefnið, en valið stóð milli hennar og hins leiðtoga flokksins, Robert Habeck.

Baerbock hefur setið á þingi fyrir Græningja frá árinu 2013, en hún er þingmaður Brandenborgar. Hún er menntuð stjórnmálafræðingur og lögfræðingur frá London School of Economics. Hún tók við sem annar leiðtogi Græningja í ársbyrjun 2018.

Ljóst er að nýr maður mun taka við kanslaraembættinu eftir kosningarnar í haust, þar sem Angela Merkel hefur tilkynnt að þetta kjörtímabil verði hennar síðasta.