Fimmtán létust þegar lestarbrú hrundi í Mexíkóborg

Nokkrir lestarvagnar steyptust til jarðar og að minnsta kosti ein bifreið sem var undir brúnni á umferðargötu kramdist þegar einn vagnanna lenti á henni. 

Slysið átti sér stað seint í gærkvöldi og enn er björgunarlið að störfum á slysstað. 

Hluti lestarinnar hangir enn fram af brúnni og er vitað um fólk í vagninum en óljóst er hvort það sé lífs eða liðið. 

Óttast er að fleiri hafi látist í slysinu.

Uppfært kl. 7.12:

BBC greinir frá því að fjöldi látinna sé kominn í 20.