Borussia Dortmund hefur áhuga á Jesse Lingard sem hefur slegið í gegn hjá West Ham. Lingard fékk fá tækifæri hjá Ole Gunnar Solskjær og var lánaður til West Ham þar sem hann hefur blómstrað.
Enskir miðlar eru að skrifa um áhuga þýska liðsins á Jesse Lingard og það gæti vissulega hjálpað til að koma Sancho loksins í Manchester United búning sem leikmaðurinn vill sjálfur.
Maybe Haaland is the man.
— The DFB-Pokal (@DFBPokal_EN) May 13, 2021
Maybe Sancho is the man.
Maybe it's both #DFBPokal #Berlin2021 #RBLBVB pic.twitter.com/XfR1cwBetW
Jesse Lingard hefur komið að þrettán mörkum í þrettán deildarleikjum með West Ham síðan að hann kom þangað í janúar.
Manchester United hefur enn mikinn áhuga á Jadon Sancho en síðustu fréttir frá Dortmund herma að félagið vilji fá hundrað milljónir evra fyrir hann.
Lingard er metinn á um 25 milljónir evra og með því að hafa hann með í kaupunum þá myndi kaupverð Sancho lækka talsvert.
Lingard á þó bara eitt ár eftir af samningi sínum og hann er orðinn 28 ára gamall. Jadon Sancho er 21 árs og samningur hans við Dortmund rennur út sumarið 2023.
Man Utd could use Jesse Lingard as bait in bid to finally seal Jadon Sancho transfer as Dortmund eye West Ham loanee https://t.co/nbzpnNyAVh
— The Sun - Man Utd (@SunManUtd) May 13, 2021
Jadon Sancho byrjaði tímabilið ekki vel en hefur verið í miklu stuði að undanförnu. Hann hefur komið að 19 mörkum í 24 deildarleikjum og skoraði tvívegis þegar Dortmund tryggði sér þýska bikarinn um helgina.
Báðir eru þeir Sancho og Lingard líklegir til að vera í EM-hóp Gareth Southgate í sumar.