Í tilkynningu segir að kosið sé til tveggja ára. „Þær sem hlutu kjör eru Guðrún Valdís Jónsdóttir, Katrín Sigríður Þorsteinsdóttir Bachmann og Kristín Sverrisdóttir. Ásamt nýkjörnum stjórnarkonum skipar stjórn UAK 2021-2022 þær Andreu Gunnarsdóttur, Bjarklindi Björk Gunnarsdóttur, Ingu Maríu Hjartardóttur og Kristjönu Björk Barðdal.
Þær tvær konur sem fengu næst flest atkvæði í kosningum til stjórnar verða því varamenn til eins árs. Það eru þær Árný Lára Sigurðardóttir og Berglind Grímsdóttir.
Markmið UAK er að stuðla að jafnrétti, hugarfarsbreytingu og framþróun í samfélaginu.
