Tekur við starfi fram­kvæmda­stjóra Verk­færa ehf.

Í tilkynningu kemur fram að Elvar Orri sé með BSc. gráðu í viðskiptafræði og MSc. gráðu í fjármálum fyrirtækja frá Háskólanum í Reykjavík. Þá sé hann einnig löggiltur verðbréfamiðlari.

„Elvar hefur starfað í um áratug innan fjármálageirans. Lengst af hjá Íslandsbanka þar sem hann starfaði í greiningardeild bankans, á fyrirtækjasviði og viðskipta- og þróunarsviði. Þá sat hann einnig um tíma í stjórn starfsmannafélags bankans. 

Nú síðast starfaði Elvar hjá Samtökum fjármálafyrirtækja sem sérfræðingur í upplýsingamiðlun og greiningum,“ segir í tilkynningunni.

Verkfæri ehf sinnir sölu og innflutningi á tækjum og búnaði fyrir byggingar- og jarðvinnuverktaka.