Tónlist

Måneskin gefur út nýtt tón­listar­mynd­band

Hallgerður Kolbrún E. Jónsdóttir skrifar
Myndbandið kom út í gær og hefur þegar fengið fimm milljón áhorf.
Myndbandið kom út í gær og hefur þegar fengið fimm milljón áhorf. Skjáskot

Måneskin, hljómsveitin sem bar sigur úr bítum í Eurovision á þessu ári fyrir hönd Ítalíu, hefur gefið út nýtt tónlistarmyndband við lagið I Wanna Be Your Slave.

Lagið hefur slegið rækilega í gegn, sérstaklega á samfélagsmiðlinum TikTok þar sem tæplega 200 þúsund myndbönd hafa verið birt með lagið í bakgrunni.

Lagið kom út á nýjustu plötu sveitarinnar Teatro d‘ira – Vol. I, sem kom út um miðjan mars síðastliðinn. Lagkið er með meira en 178 milljón spilanir á Spotify enda hefur sveitin notið mikilla vinsælda frá því að hún tók Eurovision-bikarinn heim.

Sigurganga Måneskin hefur vakið mikla athygli og er sveitin með meira en 43 milljónir hlustenda mánaðarlega samkvæmt Spotify.

Myndbandið við lagið sjálft hefur þegar slegið í gegn á YouTube en meira en 5 milljónir hafa horft á myndbandið frá því það kom út í gær.

Tónlist

Tengdar fréttir

Ekkert lát á vinsældum Måneskin

Ekkert lát er á vinsældum hljómsveitarinnar Måneskin sem kom, sá og sigraði Eurovision þann 22. maí síðastliðinn. Sigurlagið hefur rokið upp vinsældalista um allan heim.

Neikvæð niðurstaða úr fíkniefnaprófi söngvarans

Niðurstöður fíkniefnaprófs söngvarans Damiano David leiddu í ljós að hann hefði ekki neytt fíkniefna á úrslitakvöldi Eurovision söngvakeppninnar. David er söngvari hljómsveitarinnar Måneskin sem fór með sigur af hólmi í keppninni í ár fyrir hönd Ítalíu. 



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.