Einstaklega róleg byrjun á helginni: „Hér er allt eins og blómstrið eina“ Óttar Kolbeinsson Proppé skrifar 31. júlí 2021 09:28 Frá tjaldsvæðinu á Ísafirði. Fólkið hér er ekki til mikilla vandræða. vísir/vilhelm Fólk á ferð um landið skemmti sér fallega í nótt, allavega í þeim lögregluembættum sem Vísir náði tali af nú í morgunsárið. Þetta virðist ætla að vera róleg verslunarmannahelgi í tvö hundruð manna samkomubanni, lögreglumönnum til einstakrar ánægju. Hafa litlar áhyggjur af gönguhátíð „Þetta hefur gengið allt ljómandi vel, hér er bara allt eins og blómstrið eina!“ segir vaktstjóri hjá lögreglunni á Vestfjörðum í samtali við Vísi. Hann segir ekki svo marga hafa safnast saman í Ísafjarðarbæ, allavega ef miðað er við verslunarmannahelgi í venjulegu árferði, þó nokkuð mikið af fólki sé reyndar komið á tjaldsvæðið. „En það virðist ekki vera fólk sem er að skapa okkur neina atvinnu,“ segir hann léttur í bragði. Allt leikur í lyndi á Ísafirði þessa dagana.vísir/vilhelm Öllum hátíðum var aflýst á Vestfjörðum um helgina nema einni; gönguhátíð á Súðavík. „Hún snýst aðallega um gönguferðir og fjallgöngur og svoleiðis. Þannig ætli það sé ekki einhver heilnæmasta hátíð sem hægt er að hugsa sér. Við höfum litlar áhyggjur af henni. Við erum bara mjög sáttir.“ Veðrið á Ísafirði og öllum Vestfjörðum er með eindæmum gott í dag. Eyjamenn með lóðapartý Um verslunarmannahelgi safnast eflaust flestir saman á Þjóðhátíð í Vestmannaeyjum. Henni var frestað í ár vegna samkomutakmarkana en Eyjamenn láta það ekki of mikið á sig fá. Varðstjóri hjá lögreglunni í Eyjum segir að stemmningin í gærkvöldi hafi svipað mjög til þeirrar sem myndast við upphaf Þjóðhátíðar. „Þær fjölskyldur sem hafa verið með tjöld á Þjóðhátíð höfðu sett þau upp í görðunum hjá sér og það voru svona lóðapartý hér og þar um bæinn,“ segir hann. Hann telur að um þúsund manns hafi mætt til Eyja um helgina þrátt fyrir að Þjóðhátíð hafi verið frestað. Fréttin hefur verið uppfærð. Upprunalega stóð að tíu þúsund manns hefðu mætt til Eyja um helgina en þar hafði misskilnings gætt milli blaðamanns og lögreglu. Rétt er að um þúsund manns hafi komið til Eyja fyrir helgina. Svona mun brekkan ekki líta út í ár. Þær fjölskyldur sem hafa haldið hvítu tjöldunum úti á Þjóðhátíð virðast hafa fært partýið heim í garða sína. Vísir „Það voru margir hérna í gær. Þegar setningin átti að vera þá komu fjölskyldur saman með börnin og þau voru í tjöldunum með allt dótið, veisluhlaðborð og kökur. Þau gerðu þetta bara næstum því eins og hefði orðið í dalnum, voru búin að fá einhvern sem hélt hátíðarræðuna þannig þetta var bara skemmtilegt.“ Hann segir lögregluna þó ekki hafa þurft að skipta sér mikið af hátíðarhöldunum. Fangageymslan var tóm í morgunsárið. Erfitt að komast að á Akureyri Og sömu sögu er að segja af Akureyri. Engar handtökur í gærkvöldi og engin stór mál sem komu upp. „Það er alveg slatti hérna í bænum en það var svo bara allt búið rétt upp úr miðnætti þegar allir staðir lokuðu,“ segir varðstjóri lögreglunnar á Akureyri. Mikilli sól er spáð á Akureyri um helgina.Vísir/Vilhelm Hann segir að eitthvað hafi verið um að fólk fengi ekki pláss á tjaldsvæðunum: „Tjaldsvæðin voru orðin full hérna. Það þarf nú svo sem ekki mikið til, það tekur ekki nema 800 hérna og svo komast 200 í Þórunnarstræti. Það var nú eitthvað um að fólk væri að koma svona upp undir miðnætti og ætlaði þá að komast á tjaldsvæðin sem voru orðin full. Því var bara vísað frá og hafa vonandi náð að redda sér einhvern veginn.“ Einn sóttvarnalagabrjótur til vandræða Í miðbæ Reykjavíkur virðist allt hafa gengið eðlilega fyrir sig í gærkvöldi. Samkvæmt daglegri fréttatilkynningu lögreglunnar virðist lögregla ekki þurft að hafa afskipta af neinum nema einum sem strauk af farsóttahúsi. Hann átti að dvelja þar, annaðhvort í sóttkví eða einangrun, en hafði gengið þaðan út í ölæði. Lögregla handtók hann vegna ástands hans og varð maðurinn að gista fangageymslu í nótt. Það náðist svo hvorki í lögregluna á Suðurlandi né lögregluna á Austurlandi við gerð fréttarinnar. Þjóðhátíð í Eyjum Vestmannaeyjar Ísafjarðarbær Akureyri Lögreglumál Tjaldsvæði Mest lesið Þrjátíu þúsund fengu hærri lífeyri í dag en síðustu mánaðamót Innlent Nágranni hafði betur og verkstæðið verður ekki endurbyggt Innlent Vill skipta út borgarstjórnarflokknum en halda Hildi inni Innlent Lögregla kölluð til vegna slagsmála og hnífaburðar Innlent Sólveig Anna sé sjálf sek um dyggðaskreytingar Innlent „Kynlífsdúkka“ af ungu barni meðal gagna máls gegn fyrrverandi ráðherra Erlent Tilkynnt um hljóð úr neyðarsendi á flugi yfir Akranes Innlent Biðjast ekki afsökunar Innlent Vara við því að Kennedy ógni heilsu landsmanna Erlent Hútar réðust inn til Sameinuðu þjóðanna og tóku ellefu starfsmenn í hald Innlent Fleiri fréttir Mótmælti nýja kerfinu í fyrra en fagnaði því í dag Stórbætt afkoma öryrkja og „niðurlægjandi“ ástand Mjóddarinnar Lögregla kölluð til vegna slagsmála og hnífaburðar Leit vegna neyðarsendis frestað Falla frá hluta ákæru vegna tunnumótmælanna Nágranni hafði betur og verkstæðið verður ekki endurbyggt Innkalla ferskan kjúkling frá Matfugli vegna gruns um salmonellu Tilkynnt um hljóð úr neyðarsendi á flugi yfir Akranes Einfaldasta lausnin að bæta kjör geislafræðinga Veitur vara við svikaskilaboðum Áhersla lögð á andlega líðan eldra fólks sem sé lítið rædd Þrjátíu þúsund fengu hærri lífeyri í dag en síðustu mánaðamót Ákærður fyrir að bera sig ítrekað Segir nýtt kerfi stórbæta kjör lífeyrisþega Með á þriðja þúsund pilla í nammipokum Bein útsending: Nýtt örorku- og endurhæfingarkerfi tekur gildi Það sé skammtímalausn að lengja opnunartíma og senda fólk erlendis í geislameðferð Snærós ráðin framkvæmdastjóri Evrópuhreyfingarinnar Sólveig Anna sé sjálf sek um dyggðaskreytingar Með óspektir og réðst á lögreglumann Vill skipta út borgarstjórnarflokknum en halda Hildi inni Hútar réðust inn til Sameinuðu þjóðanna og tóku ellefu starfsmenn í hald Biðjast ekki afsökunar Ferðamaður tekinn á tvö hundruð kílómetra hraða Mótorhjólakappi fluttur á sjúkrahús eftir árekstur við framúrakstur Friðarsúlan „gagnslaus“ og megi alveg eins heita „woke-súlan“ Netþrjótar hirða meira en hálfan milljarð og verktaki bendir á borgina Gamall Volvo stóð í ljósum logum í Breiðholti Varðturnarnir á bak og burt Mikill hugur hjá skógræktarfólki um allt land Sjá meira
Hafa litlar áhyggjur af gönguhátíð „Þetta hefur gengið allt ljómandi vel, hér er bara allt eins og blómstrið eina!“ segir vaktstjóri hjá lögreglunni á Vestfjörðum í samtali við Vísi. Hann segir ekki svo marga hafa safnast saman í Ísafjarðarbæ, allavega ef miðað er við verslunarmannahelgi í venjulegu árferði, þó nokkuð mikið af fólki sé reyndar komið á tjaldsvæðið. „En það virðist ekki vera fólk sem er að skapa okkur neina atvinnu,“ segir hann léttur í bragði. Allt leikur í lyndi á Ísafirði þessa dagana.vísir/vilhelm Öllum hátíðum var aflýst á Vestfjörðum um helgina nema einni; gönguhátíð á Súðavík. „Hún snýst aðallega um gönguferðir og fjallgöngur og svoleiðis. Þannig ætli það sé ekki einhver heilnæmasta hátíð sem hægt er að hugsa sér. Við höfum litlar áhyggjur af henni. Við erum bara mjög sáttir.“ Veðrið á Ísafirði og öllum Vestfjörðum er með eindæmum gott í dag. Eyjamenn með lóðapartý Um verslunarmannahelgi safnast eflaust flestir saman á Þjóðhátíð í Vestmannaeyjum. Henni var frestað í ár vegna samkomutakmarkana en Eyjamenn láta það ekki of mikið á sig fá. Varðstjóri hjá lögreglunni í Eyjum segir að stemmningin í gærkvöldi hafi svipað mjög til þeirrar sem myndast við upphaf Þjóðhátíðar. „Þær fjölskyldur sem hafa verið með tjöld á Þjóðhátíð höfðu sett þau upp í görðunum hjá sér og það voru svona lóðapartý hér og þar um bæinn,“ segir hann. Hann telur að um þúsund manns hafi mætt til Eyja um helgina þrátt fyrir að Þjóðhátíð hafi verið frestað. Fréttin hefur verið uppfærð. Upprunalega stóð að tíu þúsund manns hefðu mætt til Eyja um helgina en þar hafði misskilnings gætt milli blaðamanns og lögreglu. Rétt er að um þúsund manns hafi komið til Eyja fyrir helgina. Svona mun brekkan ekki líta út í ár. Þær fjölskyldur sem hafa haldið hvítu tjöldunum úti á Þjóðhátíð virðast hafa fært partýið heim í garða sína. Vísir „Það voru margir hérna í gær. Þegar setningin átti að vera þá komu fjölskyldur saman með börnin og þau voru í tjöldunum með allt dótið, veisluhlaðborð og kökur. Þau gerðu þetta bara næstum því eins og hefði orðið í dalnum, voru búin að fá einhvern sem hélt hátíðarræðuna þannig þetta var bara skemmtilegt.“ Hann segir lögregluna þó ekki hafa þurft að skipta sér mikið af hátíðarhöldunum. Fangageymslan var tóm í morgunsárið. Erfitt að komast að á Akureyri Og sömu sögu er að segja af Akureyri. Engar handtökur í gærkvöldi og engin stór mál sem komu upp. „Það er alveg slatti hérna í bænum en það var svo bara allt búið rétt upp úr miðnætti þegar allir staðir lokuðu,“ segir varðstjóri lögreglunnar á Akureyri. Mikilli sól er spáð á Akureyri um helgina.Vísir/Vilhelm Hann segir að eitthvað hafi verið um að fólk fengi ekki pláss á tjaldsvæðunum: „Tjaldsvæðin voru orðin full hérna. Það þarf nú svo sem ekki mikið til, það tekur ekki nema 800 hérna og svo komast 200 í Þórunnarstræti. Það var nú eitthvað um að fólk væri að koma svona upp undir miðnætti og ætlaði þá að komast á tjaldsvæðin sem voru orðin full. Því var bara vísað frá og hafa vonandi náð að redda sér einhvern veginn.“ Einn sóttvarnalagabrjótur til vandræða Í miðbæ Reykjavíkur virðist allt hafa gengið eðlilega fyrir sig í gærkvöldi. Samkvæmt daglegri fréttatilkynningu lögreglunnar virðist lögregla ekki þurft að hafa afskipta af neinum nema einum sem strauk af farsóttahúsi. Hann átti að dvelja þar, annaðhvort í sóttkví eða einangrun, en hafði gengið þaðan út í ölæði. Lögregla handtók hann vegna ástands hans og varð maðurinn að gista fangageymslu í nótt. Það náðist svo hvorki í lögregluna á Suðurlandi né lögregluna á Austurlandi við gerð fréttarinnar.
Þjóðhátíð í Eyjum Vestmannaeyjar Ísafjarðarbær Akureyri Lögreglumál Tjaldsvæði Mest lesið Þrjátíu þúsund fengu hærri lífeyri í dag en síðustu mánaðamót Innlent Nágranni hafði betur og verkstæðið verður ekki endurbyggt Innlent Vill skipta út borgarstjórnarflokknum en halda Hildi inni Innlent Lögregla kölluð til vegna slagsmála og hnífaburðar Innlent Sólveig Anna sé sjálf sek um dyggðaskreytingar Innlent „Kynlífsdúkka“ af ungu barni meðal gagna máls gegn fyrrverandi ráðherra Erlent Tilkynnt um hljóð úr neyðarsendi á flugi yfir Akranes Innlent Biðjast ekki afsökunar Innlent Vara við því að Kennedy ógni heilsu landsmanna Erlent Hútar réðust inn til Sameinuðu þjóðanna og tóku ellefu starfsmenn í hald Innlent Fleiri fréttir Mótmælti nýja kerfinu í fyrra en fagnaði því í dag Stórbætt afkoma öryrkja og „niðurlægjandi“ ástand Mjóddarinnar Lögregla kölluð til vegna slagsmála og hnífaburðar Leit vegna neyðarsendis frestað Falla frá hluta ákæru vegna tunnumótmælanna Nágranni hafði betur og verkstæðið verður ekki endurbyggt Innkalla ferskan kjúkling frá Matfugli vegna gruns um salmonellu Tilkynnt um hljóð úr neyðarsendi á flugi yfir Akranes Einfaldasta lausnin að bæta kjör geislafræðinga Veitur vara við svikaskilaboðum Áhersla lögð á andlega líðan eldra fólks sem sé lítið rædd Þrjátíu þúsund fengu hærri lífeyri í dag en síðustu mánaðamót Ákærður fyrir að bera sig ítrekað Segir nýtt kerfi stórbæta kjör lífeyrisþega Með á þriðja þúsund pilla í nammipokum Bein útsending: Nýtt örorku- og endurhæfingarkerfi tekur gildi Það sé skammtímalausn að lengja opnunartíma og senda fólk erlendis í geislameðferð Snærós ráðin framkvæmdastjóri Evrópuhreyfingarinnar Sólveig Anna sé sjálf sek um dyggðaskreytingar Með óspektir og réðst á lögreglumann Vill skipta út borgarstjórnarflokknum en halda Hildi inni Hútar réðust inn til Sameinuðu þjóðanna og tóku ellefu starfsmenn í hald Biðjast ekki afsökunar Ferðamaður tekinn á tvö hundruð kílómetra hraða Mótorhjólakappi fluttur á sjúkrahús eftir árekstur við framúrakstur Friðarsúlan „gagnslaus“ og megi alveg eins heita „woke-súlan“ Netþrjótar hirða meira en hálfan milljarð og verktaki bendir á borgina Gamall Volvo stóð í ljósum logum í Breiðholti Varðturnarnir á bak og burt Mikill hugur hjá skógræktarfólki um allt land Sjá meira