Jón Viðar segir nýju Abbalögin klén Jakob Bjarnar skrifar 7. september 2021 09:13 Eftir að rykið tók að setjast, hrifningin vegna tveggja nýrra Abba-laga og tíðinda af nýrri plötu og tónleikaferð tók Jón Viðar til við að rýna í nýju afurðirnar. Og hann er ekki hrifinn. Hinn óttalausi gagnrýnandi og fræðimaður, Jón Viðar Jónsson, varpaði sprengju á Facebook nú í kvöld þegar hann lýsti því yfir að nýju Abbalögin væru léleg um leið og hann kallaði sænsku ofurstjörnurnar uppvakninga. Vart hefur farið fram hjá aðdáendum hinnar fornfrægu hljómsveitar að þau voru að senda frá sér tvö ný lög og er að vænta nýrrar plötu og hljómleikaferð um heiminn. Fréttastofan sló vitaskuld þessum stórtíðindum úr tónlistarheiminum upp. Viðtökur hafa almennt verið góðar og má segja að gamlir aðdáendur haldi vart vatni. En það voru fyrstu viðbrögð. Jón Viðar, sem stundum er kallaður gagnrýnandi Íslands vegna á stundum óvæginnar leikhúsgagnrýni sinnar í gegnum tíðina, er hins vegar ekki hrifinn. Hann varð fyrir vonbrigðum. „Engar melódíur sem halda áfram að syngja fyrir innri eyrum manns, löngu eftir að maður hefur hlustað á þau, eins og svo mörg af gömlu lögunum. Ég sé á youtube að þar er fullt af fólki sem á ekki orð til að lýsa hrifningu sinni af þessum uppvakningum,“ segir Jón Viðar undrandi. Og varpar spurningu út í sýndarveruleikann: „Getur verið að ég sé að missa af einhverju? Eða eru hér í bergmálshellinum einhverjir sammála mér?“ Ofbeldi Abba-kynslóðarinnar Og það kemur á daginn, óvænt í ljósi mikillar hrifningar sem braust út eftir útkomu nýju laganna tveggja, að ýmsir gefa sig fram sem eru Jóni Viðari sammála. Sigurlaug Halldórsdóttir flugfreyja, eiginkona Pálma Gestssonar leikara sem tók Jón Viðar oft fyrir í Spaugstofunni, segist vera sammála. „Í fyrsta sinn í sögunni.“ Og ýmsir innan tónlistargeirans eru það einnig. Jónas Sen, sem fengist hefur við að gagnrýna klassíska tónlist, er alveg sammmála. „Þetta er ferlegt.“ Og Arndís Björk Ásgeirsdóttir útvarpskona, sem einnig er sérfróð á sviði klassískrar tónlistar, segist sammála: „Agalega leiðinleg lög - og eins og tekin útúr einhverrri formúlu - ekki vel flutt heldur. Þetta er ofbeldi Abba-kynslóðarinnar sem ég tilheyri víst en þoldi aldrei þessa músík,“ og hlær við. Rokkhólmseinkenni og gott skap Jóns Viðars Og það er ekki bara klassíski geirinn sem tekur undir með Jóni Viðari. Hann fær óvæntan stuðning úr dauðarokkdeildinni. Flosi Þorgeirsson úr hljómsveitinni Ham, sem einmitt flutti óvænt Abbalag á sínum tíma, talar um rokkhólmseinkenni: „Sú trú að tónlistarfólk sem einu sinni var á hátindi, hljóti alltaf að vera þar. Sama gerðist þegar Bob Dylan gaf út þrautleiðinlega plötu á síðasta ári. Þetta nýja ABBA kemst ekki í hálfkvisti við þeirra gamla efni. Hér ber ekkert á hinum einstaka gleðihljómi sem virtist fullur vonar en einnig litaður einhverri sorg og nostalgíu. Þetta er tilþrifalítið og innihaldsrýrt.“ Og haldi einhver að afstaða Jóns Viðars grundvallist á eðlislægri neikvæðni skrúfar hann snarlega fyrir allar slíkar vangaveltur með yfirlýsingu: „Tek skýrt fram að ég er mjög hrifinn af gömlu lögunum þeirra. Sum þeirra koma mér alltaf í gott skap!“ Tónlist Samfélagsmiðlar Mest lesið Bjargaði lífi systur sinnar ellefu ára gömul Lífið Níu ástæður fyrir því að stunda morgunkynlíf Lífið Fréttatía vikunnar: Svíþjóð, sektir og vextir Lífið Svona verður dagskráin á Menningarnótt Lífið Mamman grét, eiginmaðurinn fraus en Veru var létt Lífið HAF-hjónin breyta vídjóleigu í bakarí Lífið Innlit í nýtt svefnhólfahótel við Hverfisgötu Lífið Hörður Björgvin kom Móeiði á óvart Lífið Fullkomið og fór langt fram úr væntingum Lífið Kynferðisleg gremja, sænskur senuþjófur og náttúruklám Gagnrýni Fleiri fréttir Fréttatía vikunnar: Svíþjóð, sektir og vextir Bjargaði lífi systur sinnar ellefu ára gömul Níu ástæður fyrir því að stunda morgunkynlíf Bragðgóðar kalkúnabollur í kókos og límónusósu Hörður Björgvin kom Móeiði á óvart HAF-hjónin breyta vídjóleigu í bakarí Ari og Helga Lilja flytja á milli glæsihúsa í Garðabæ Mamman grét, eiginmaðurinn fraus en Veru var létt Innlit í nýtt svefnhólfahótel við Hverfisgötu Millie Bobby Brown og Bongiovi hafa ættleitt stúlku Fullkomið og fór langt fram úr væntingum Þungarokkstjarna lést í mótorhjólaslysi Lil Nas X handtekinn og vistaður á sjúkrahúsi Fjögurra daga Njáluhátíð sett á Hvolsvelli í kvöld Tvö maraþon eftir af sex: Úr þoku í sól, misörlátir ferðamenn og hálendið kvatt „Sjúllaður“ sítrónu og jarðaberja næturgrautur Draumadís Þórhildar og Hjalta komin í heiminn Svona verður dagskráin á Menningarnótt Breskur auðkýfingur brjálaður og norsku kafararnir of dýrir Nafn sonarins innblásið af Frakklandi Súrrealískt þegar Jay Leno vinkaði fjölskyldunni á Facetime Borgarstjóri fagnaði brúðkaupsafmæli með strætóferð og indverskum mat Svarar samskiptastjóra Trump sem kallaði hann lúser Þetta borðar Lína Birgitta alla morgna „Indælasti dómari í heimi“ er látinn Seiðandi víbrur sem virka í bólinu Þegar Jónas var jarðsettur hundrað árum eftir andlátið Ein frægasta bakrödd landsins gifti sig „Pylsa“ sækir í sig veðrið Ómótstæðileg ítölsk steikarloka úr smiðju Hildar Rutar Sjá meira
Vart hefur farið fram hjá aðdáendum hinnar fornfrægu hljómsveitar að þau voru að senda frá sér tvö ný lög og er að vænta nýrrar plötu og hljómleikaferð um heiminn. Fréttastofan sló vitaskuld þessum stórtíðindum úr tónlistarheiminum upp. Viðtökur hafa almennt verið góðar og má segja að gamlir aðdáendur haldi vart vatni. En það voru fyrstu viðbrögð. Jón Viðar, sem stundum er kallaður gagnrýnandi Íslands vegna á stundum óvæginnar leikhúsgagnrýni sinnar í gegnum tíðina, er hins vegar ekki hrifinn. Hann varð fyrir vonbrigðum. „Engar melódíur sem halda áfram að syngja fyrir innri eyrum manns, löngu eftir að maður hefur hlustað á þau, eins og svo mörg af gömlu lögunum. Ég sé á youtube að þar er fullt af fólki sem á ekki orð til að lýsa hrifningu sinni af þessum uppvakningum,“ segir Jón Viðar undrandi. Og varpar spurningu út í sýndarveruleikann: „Getur verið að ég sé að missa af einhverju? Eða eru hér í bergmálshellinum einhverjir sammála mér?“ Ofbeldi Abba-kynslóðarinnar Og það kemur á daginn, óvænt í ljósi mikillar hrifningar sem braust út eftir útkomu nýju laganna tveggja, að ýmsir gefa sig fram sem eru Jóni Viðari sammála. Sigurlaug Halldórsdóttir flugfreyja, eiginkona Pálma Gestssonar leikara sem tók Jón Viðar oft fyrir í Spaugstofunni, segist vera sammála. „Í fyrsta sinn í sögunni.“ Og ýmsir innan tónlistargeirans eru það einnig. Jónas Sen, sem fengist hefur við að gagnrýna klassíska tónlist, er alveg sammmála. „Þetta er ferlegt.“ Og Arndís Björk Ásgeirsdóttir útvarpskona, sem einnig er sérfróð á sviði klassískrar tónlistar, segist sammála: „Agalega leiðinleg lög - og eins og tekin útúr einhverrri formúlu - ekki vel flutt heldur. Þetta er ofbeldi Abba-kynslóðarinnar sem ég tilheyri víst en þoldi aldrei þessa músík,“ og hlær við. Rokkhólmseinkenni og gott skap Jóns Viðars Og það er ekki bara klassíski geirinn sem tekur undir með Jóni Viðari. Hann fær óvæntan stuðning úr dauðarokkdeildinni. Flosi Þorgeirsson úr hljómsveitinni Ham, sem einmitt flutti óvænt Abbalag á sínum tíma, talar um rokkhólmseinkenni: „Sú trú að tónlistarfólk sem einu sinni var á hátindi, hljóti alltaf að vera þar. Sama gerðist þegar Bob Dylan gaf út þrautleiðinlega plötu á síðasta ári. Þetta nýja ABBA kemst ekki í hálfkvisti við þeirra gamla efni. Hér ber ekkert á hinum einstaka gleðihljómi sem virtist fullur vonar en einnig litaður einhverri sorg og nostalgíu. Þetta er tilþrifalítið og innihaldsrýrt.“ Og haldi einhver að afstaða Jóns Viðars grundvallist á eðlislægri neikvæðni skrúfar hann snarlega fyrir allar slíkar vangaveltur með yfirlýsingu: „Tek skýrt fram að ég er mjög hrifinn af gömlu lögunum þeirra. Sum þeirra koma mér alltaf í gott skap!“
Tónlist Samfélagsmiðlar Mest lesið Bjargaði lífi systur sinnar ellefu ára gömul Lífið Níu ástæður fyrir því að stunda morgunkynlíf Lífið Fréttatía vikunnar: Svíþjóð, sektir og vextir Lífið Svona verður dagskráin á Menningarnótt Lífið Mamman grét, eiginmaðurinn fraus en Veru var létt Lífið HAF-hjónin breyta vídjóleigu í bakarí Lífið Innlit í nýtt svefnhólfahótel við Hverfisgötu Lífið Hörður Björgvin kom Móeiði á óvart Lífið Fullkomið og fór langt fram úr væntingum Lífið Kynferðisleg gremja, sænskur senuþjófur og náttúruklám Gagnrýni Fleiri fréttir Fréttatía vikunnar: Svíþjóð, sektir og vextir Bjargaði lífi systur sinnar ellefu ára gömul Níu ástæður fyrir því að stunda morgunkynlíf Bragðgóðar kalkúnabollur í kókos og límónusósu Hörður Björgvin kom Móeiði á óvart HAF-hjónin breyta vídjóleigu í bakarí Ari og Helga Lilja flytja á milli glæsihúsa í Garðabæ Mamman grét, eiginmaðurinn fraus en Veru var létt Innlit í nýtt svefnhólfahótel við Hverfisgötu Millie Bobby Brown og Bongiovi hafa ættleitt stúlku Fullkomið og fór langt fram úr væntingum Þungarokkstjarna lést í mótorhjólaslysi Lil Nas X handtekinn og vistaður á sjúkrahúsi Fjögurra daga Njáluhátíð sett á Hvolsvelli í kvöld Tvö maraþon eftir af sex: Úr þoku í sól, misörlátir ferðamenn og hálendið kvatt „Sjúllaður“ sítrónu og jarðaberja næturgrautur Draumadís Þórhildar og Hjalta komin í heiminn Svona verður dagskráin á Menningarnótt Breskur auðkýfingur brjálaður og norsku kafararnir of dýrir Nafn sonarins innblásið af Frakklandi Súrrealískt þegar Jay Leno vinkaði fjölskyldunni á Facetime Borgarstjóri fagnaði brúðkaupsafmæli með strætóferð og indverskum mat Svarar samskiptastjóra Trump sem kallaði hann lúser Þetta borðar Lína Birgitta alla morgna „Indælasti dómari í heimi“ er látinn Seiðandi víbrur sem virka í bólinu Þegar Jónas var jarðsettur hundrað árum eftir andlátið Ein frægasta bakrödd landsins gifti sig „Pylsa“ sækir í sig veðrið Ómótstæðileg ítölsk steikarloka úr smiðju Hildar Rutar Sjá meira