„Ég er eins og lítill krakki á Þorláksmessukvöldi“ Hjörtur Leó Guðjónsson skrifar 15. september 2021 09:00 Guðmundur Benediktsson og Ólafur Krisjánsson fóru yfir allt það helsta úr leik Chelsea og Zenit á Stamford Bridge. Mynd/Skjáskot Guðmundur Benediktson og Ólafur Kristjánsson voru staddir á Stamford Bridge í gærkvöldi þar sem að Chelsea tók á móti Zenit frá Sankti Pétursborg í Meistaradeild Evrópu. Eftir leik fóru þeir yfir allt það helsta úr leiknum, og það sem er framundan. „Þeir þurftu að hafa fyrir því,“ sagði Guðmundur um Chelsea sem vann leikinn með einu marki gegn engu. „Þeir þurftu að sýna þolinmæði, en þeir eru með Lukaku sem að skorar síðan markið.“ Ólafur tók í sama streng, og hrósaði Chelsea einnig fyrir sína frammistöðu. „Mér fannst þetta vera fagmannleg frammistaða. Þetta var þétt eins og við bjuggumst við fyrir leikinn. Liðsuppstillingin var líka þannig að mér fannst þeir hafa stjórnina í öllum stöðum.“ „Zenit-liðið gerði líka vel. Þeir voru greinilega komnir til þess að verja stigið og voru þéttir. En eins og þú segir að þegar að það gekk ekki að fara að endalínunni og koma honum fyrir að þá hengdu þeir boltann upp og Lukaku klókur og skallaði hann inn. Við töluðum um það fyrir leikinn að hann er leikmaður sem gerir gæfumuninn.“ Leikmenn Zenit fengu þó sín færi, og þá sérstaklega á stuttum kafla í seinni hálfleik þar sem að Chelsea færði sig framar á völlinn. „Þeir voru náttúrulega mjög agaðir allan fyrri hálfleikinn, en svo fóru þeir að reyna þessar lengri sendingar í gegn af því að spilið á síðasta þriðjungi var ekki alveg að virka hjá þeim. Það gerði það að verkum að það slitnaði aðeins á milli og Zenit komst aðeins inn í leikinn.“ „En þá sáum við líka, að sérstaklega þessir þrír í öftustu línu voru gríðarlega sterkir, plús bestu leikmenn Chelsea í þessum leik að mínu mati, Kovacic og Jorginho.“ „Það er engin smá vinna sem er í gangi þarna allan tíman“ Strákarnir voru virkilega ánægðir með frammistöðu Mateo Kovacic og Jorginho á miðsvæði Chelsea. Guðmundur segir að það sé algjör unun að fylgjast með þessum tveim. „Það er nú einmitt með þá tvo, maður sér það í sjónvarpinu og þess háttar, en að horfa á þessa tvo gæja, bara „up close and personal,“ það er engin smá vinna sem er í gangi þarna allan tíman.“ Ólafur var algjörlega sammála Gumma og bætti við að svæðið sem þessir menn væru að dekka væri í raun fáránlegt. „Það á bara að vera skylda að koma og horfa á þetta, vegna þess að hvernig þeir eru að vinna saman, og svæðið sem þeir eru að dekka fyrir framan þessa þriggja manna vörn, og eins upp í pressuna, það er svakalegt.“ „Kovacic kom mér í rauninni á óvart hvað hann er ofboðslega vinnusamur og rosalega öruggur á boltanum. Jorginho er bara eins og stjórnandi í hljómsveit, hvernig hann er að fá taktinn í leiknum til að fara upp eða niður. Geggjað að horfa á þá tvo.“ Klippa: Gummi og Óli í London „Þeir eru meistarar og mér finnst þeir hafa styrkst“ Guðmundur og Ólafur fóru líka stuttlega yfir það við hverju má búast í þessum riðli. Þeir voru báðir sammála um það að það verða Chelsea og Juventus sem munu berjast um efsta sætið. „Ef við tölum um Chelsea liðið sem meistara, þeir eru hungraðir og maður sér hungur í liðinu og þetta snýst um að þeir geti spilað deildarkeppnina og komið svo í miðri viku og spilað í Meistaradeildinni,“ sagði Ólafur. „Juventus liðið, það er sterkt og Malmö og Zenit verða þarna að bítast um þetta þriðja sæti.“ Ólafur hélt áfram og sagði að Chelsea liðið gæti farið alla leið annað árið í röð. „Já klárlega. Þeir eru meistarar og mér finnst þeir hafa styrkst. Þú sérð bara leikmannahópinn sem þeir eru með. Thiago Silva kemur þarna inn í restina og hann er maður með reynslu, ef við tölum um miðjuna þá vantar N'Golo Kante.“ Verða á Anfield í kvöld Í dag fara strákarnir á Anfield þar sem að þeir ætla að fylgjast með viðureign Liverpool og AC Milan. Ólafur hefur aldrei komið á þann sögufræga völl, og segist vera jafn spenntur og krakki á Þorláksmessu. „Ég er kominn vel yfir miðjan aldur og ég er búinn að halda með Liverpool, ég ætla varla að þora að segja þetta, ég er búinn að halda með Liverpool síðan 1973 þegar að þeir voru með fugl í merkinu og ég ætlaði að halda með fuglaliðinu.“ „Ég hef aldrei farið á Anfield og ég er að fara á morgun. Ég er eins og lítill krakki á Þorláksmessukvöldi.“ Innslagið í heild sinni má sjá í spilaranum hér fyrir ofan. Meistaradeild Evrópu Mest lesið Olnbogi Ægis brotnaði Körfubolti Ægir fluttur í burtu í sjúkrabíl Körfubolti Leitar að beinmergsgjöfum fyrir kærustuna sína Fótbolti Ekitike sleit hásin Fótbolti Oliver keyptur til KA Íslenski boltinn „Þeir geta tekið þetta með sér“ Fótbolti Rory McIlroy gerði dóttur sína vandræðalega Golf „Þessu einvígi var stolið frá okkur“ Fótbolti „Þeir hefðu átt að henda honum út úr húsi fyrir þetta“ Körfubolti Sjáðu Dembélé skjóta Liverpool úr leik og markið mikilvæga hjá Atlético Fótbolti Fleiri fréttir Manchester United stjarna í bann fyrir að blóta „Framtíð fótboltans er í góðum málum með þennan gutta“ „Þeir geta tekið þetta með sér“ Oliver keyptur til KA Gæti misst fjóra leikmenn í bann og vill breyta reglunum Real Madrid goðsögn fallin frá Ekitike sleit hásin „Þessu einvígi var stolið frá okkur“ Sjáðu Dembélé skjóta Liverpool úr leik og markið mikilvæga hjá Atlético Leitar að beinmergsgjöfum fyrir kærustuna sína Dómarinn í leik Man. City og Arsenal fæddur í Manchester Gylfi eftirlitsmaður hjá Arsenal í Meistaradeildinni „Svo margir dómar hafa fallið gegn okkur“ Atlético Madrid í undanúrslit eftir mikla dramatík PSG sótti sigur á Anfield og sló Liverpool út Isak byrjar hjá Liverpool en Salah er aftur á bekknum Hættur að þjálfa Messi fjórum mánuðum eftir titilinn Uppgjörið: Ísland - Úkraína 1-0 | Stelpurnar okkar nældu í þrjú stig Thelma Karen í byrjunarliðinu „Þau gefa okkur ótrúlega mikið með því að sýna okkur áhuga“ Iraola yfirgefur Bournemouth Vill sjá styttri leiki með engum spjöldum og fleiri mörkum „Trúum því að við getum gert eitthvað sérstakt“ Viðbrögðin við ráðningu kvenþjálfara „vandræðaleg“ „Hleyp jafn hratt og Mikael“ Arnar sleit sin í hné og bíður svara varðandi framhaldið ÍA svarar: Allar frásagnir hafa fleiri en eina hlið Ganverjar fá reynslubolta til starfa fyrir HM Flick fannst grasið ekki nógu vel slegið hjá Atlético Sjáðu tíu United-menn tapa fyrir Leeds Sjá meira
„Þeir þurftu að hafa fyrir því,“ sagði Guðmundur um Chelsea sem vann leikinn með einu marki gegn engu. „Þeir þurftu að sýna þolinmæði, en þeir eru með Lukaku sem að skorar síðan markið.“ Ólafur tók í sama streng, og hrósaði Chelsea einnig fyrir sína frammistöðu. „Mér fannst þetta vera fagmannleg frammistaða. Þetta var þétt eins og við bjuggumst við fyrir leikinn. Liðsuppstillingin var líka þannig að mér fannst þeir hafa stjórnina í öllum stöðum.“ „Zenit-liðið gerði líka vel. Þeir voru greinilega komnir til þess að verja stigið og voru þéttir. En eins og þú segir að þegar að það gekk ekki að fara að endalínunni og koma honum fyrir að þá hengdu þeir boltann upp og Lukaku klókur og skallaði hann inn. Við töluðum um það fyrir leikinn að hann er leikmaður sem gerir gæfumuninn.“ Leikmenn Zenit fengu þó sín færi, og þá sérstaklega á stuttum kafla í seinni hálfleik þar sem að Chelsea færði sig framar á völlinn. „Þeir voru náttúrulega mjög agaðir allan fyrri hálfleikinn, en svo fóru þeir að reyna þessar lengri sendingar í gegn af því að spilið á síðasta þriðjungi var ekki alveg að virka hjá þeim. Það gerði það að verkum að það slitnaði aðeins á milli og Zenit komst aðeins inn í leikinn.“ „En þá sáum við líka, að sérstaklega þessir þrír í öftustu línu voru gríðarlega sterkir, plús bestu leikmenn Chelsea í þessum leik að mínu mati, Kovacic og Jorginho.“ „Það er engin smá vinna sem er í gangi þarna allan tíman“ Strákarnir voru virkilega ánægðir með frammistöðu Mateo Kovacic og Jorginho á miðsvæði Chelsea. Guðmundur segir að það sé algjör unun að fylgjast með þessum tveim. „Það er nú einmitt með þá tvo, maður sér það í sjónvarpinu og þess háttar, en að horfa á þessa tvo gæja, bara „up close and personal,“ það er engin smá vinna sem er í gangi þarna allan tíman.“ Ólafur var algjörlega sammála Gumma og bætti við að svæðið sem þessir menn væru að dekka væri í raun fáránlegt. „Það á bara að vera skylda að koma og horfa á þetta, vegna þess að hvernig þeir eru að vinna saman, og svæðið sem þeir eru að dekka fyrir framan þessa þriggja manna vörn, og eins upp í pressuna, það er svakalegt.“ „Kovacic kom mér í rauninni á óvart hvað hann er ofboðslega vinnusamur og rosalega öruggur á boltanum. Jorginho er bara eins og stjórnandi í hljómsveit, hvernig hann er að fá taktinn í leiknum til að fara upp eða niður. Geggjað að horfa á þá tvo.“ Klippa: Gummi og Óli í London „Þeir eru meistarar og mér finnst þeir hafa styrkst“ Guðmundur og Ólafur fóru líka stuttlega yfir það við hverju má búast í þessum riðli. Þeir voru báðir sammála um það að það verða Chelsea og Juventus sem munu berjast um efsta sætið. „Ef við tölum um Chelsea liðið sem meistara, þeir eru hungraðir og maður sér hungur í liðinu og þetta snýst um að þeir geti spilað deildarkeppnina og komið svo í miðri viku og spilað í Meistaradeildinni,“ sagði Ólafur. „Juventus liðið, það er sterkt og Malmö og Zenit verða þarna að bítast um þetta þriðja sæti.“ Ólafur hélt áfram og sagði að Chelsea liðið gæti farið alla leið annað árið í röð. „Já klárlega. Þeir eru meistarar og mér finnst þeir hafa styrkst. Þú sérð bara leikmannahópinn sem þeir eru með. Thiago Silva kemur þarna inn í restina og hann er maður með reynslu, ef við tölum um miðjuna þá vantar N'Golo Kante.“ Verða á Anfield í kvöld Í dag fara strákarnir á Anfield þar sem að þeir ætla að fylgjast með viðureign Liverpool og AC Milan. Ólafur hefur aldrei komið á þann sögufræga völl, og segist vera jafn spenntur og krakki á Þorláksmessu. „Ég er kominn vel yfir miðjan aldur og ég er búinn að halda með Liverpool, ég ætla varla að þora að segja þetta, ég er búinn að halda með Liverpool síðan 1973 þegar að þeir voru með fugl í merkinu og ég ætlaði að halda með fuglaliðinu.“ „Ég hef aldrei farið á Anfield og ég er að fara á morgun. Ég er eins og lítill krakki á Þorláksmessukvöldi.“ Innslagið í heild sinni má sjá í spilaranum hér fyrir ofan.
Meistaradeild Evrópu Mest lesið Olnbogi Ægis brotnaði Körfubolti Ægir fluttur í burtu í sjúkrabíl Körfubolti Leitar að beinmergsgjöfum fyrir kærustuna sína Fótbolti Ekitike sleit hásin Fótbolti Oliver keyptur til KA Íslenski boltinn „Þeir geta tekið þetta með sér“ Fótbolti Rory McIlroy gerði dóttur sína vandræðalega Golf „Þessu einvígi var stolið frá okkur“ Fótbolti „Þeir hefðu átt að henda honum út úr húsi fyrir þetta“ Körfubolti Sjáðu Dembélé skjóta Liverpool úr leik og markið mikilvæga hjá Atlético Fótbolti Fleiri fréttir Manchester United stjarna í bann fyrir að blóta „Framtíð fótboltans er í góðum málum með þennan gutta“ „Þeir geta tekið þetta með sér“ Oliver keyptur til KA Gæti misst fjóra leikmenn í bann og vill breyta reglunum Real Madrid goðsögn fallin frá Ekitike sleit hásin „Þessu einvígi var stolið frá okkur“ Sjáðu Dembélé skjóta Liverpool úr leik og markið mikilvæga hjá Atlético Leitar að beinmergsgjöfum fyrir kærustuna sína Dómarinn í leik Man. City og Arsenal fæddur í Manchester Gylfi eftirlitsmaður hjá Arsenal í Meistaradeildinni „Svo margir dómar hafa fallið gegn okkur“ Atlético Madrid í undanúrslit eftir mikla dramatík PSG sótti sigur á Anfield og sló Liverpool út Isak byrjar hjá Liverpool en Salah er aftur á bekknum Hættur að þjálfa Messi fjórum mánuðum eftir titilinn Uppgjörið: Ísland - Úkraína 1-0 | Stelpurnar okkar nældu í þrjú stig Thelma Karen í byrjunarliðinu „Þau gefa okkur ótrúlega mikið með því að sýna okkur áhuga“ Iraola yfirgefur Bournemouth Vill sjá styttri leiki með engum spjöldum og fleiri mörkum „Trúum því að við getum gert eitthvað sérstakt“ Viðbrögðin við ráðningu kvenþjálfara „vandræðaleg“ „Hleyp jafn hratt og Mikael“ Arnar sleit sin í hné og bíður svara varðandi framhaldið ÍA svarar: Allar frásagnir hafa fleiri en eina hlið Ganverjar fá reynslubolta til starfa fyrir HM Flick fannst grasið ekki nógu vel slegið hjá Atlético Sjáðu tíu United-menn tapa fyrir Leeds Sjá meira