Unnur Helga nýr formaður Þroskahjálpar

Unnur er sérkennari að mennt og hefur starfað sem slíkur frá árinu 2005. Hún á dóttur með Downs heilkenni og hefur barist ötullega fyrir hennar hagsmunum að því er fram kemur í tilkynningu frá Þroskahjálp. Unnur Helga var formaður og stjórnarmaður Félags áhugafólks um Downs heilkenni um skeið. 

Fráfarandi formaður er Bryndís Snæbjörnsdóttir en hún hefur gengt embættinu frá árinu 2013. 

Unnur var kjörin á landsþingi samtakanna sem fer fram á Grand Hotel í dag. Þar fer jafnframt fram ráðstefna síðar í dag um þátttöku fatlaðs fólks í atvinnulífinu sem verður streymt í beinni útsendingu á Vísi.