Dagskráin í dag - Tvíhöfði í NFL

Tom Brady og félagar í Tampa Bay Buccaneers verða í eldlínunni í ameríska fótboltanum þegar þeir taka á móti Chicago Bears klukkan 20:20 á Stöð 2 Sport 2. Kemur sá leikur beint í kjölfarið af leik Tennessee Titans og Kansas City Chiefs í sömu deild.

NBA körfuboltinn verður einnig á sínum stað þar sem Brooklyn Nets fær Charlotte Hornets í heimsókn í beinni útsendingu á Stöð 2 Sport 3 klukkan 20:00.

Einnig verður boðið upp á tvíhöfða í Subway deild kvenna í körfubolta á Stöð 2 Sport en þar fyrir utan er golf, íslenskur handbolti, spænskur körfubolti og rafíþróttir meðal dagskrárefnis í dag. 

Allar útsendingar dagsins má sjá hér að neðan.