Innlent

Ók á móti umferð og endaði á lögreglubifreið

Hólmfríður Gísladóttir skrifar
Konan ók á móti umferð og endaði á lögreglubifreið.
Konan ók á móti umferð og endaði á lögreglubifreið. Vísir/Vilhelm

Lögreglan á höfuðborgarsvæðinu handtók unga konu rétt eftir miðnætti í nótt sem grunuð er um umferðaóhapp og að aka rafhlaupahjóli undir áhrifum áfengis eða fíkniefna.

Konan ók hjólinu á móti umferð þar sem lögreglubifreið var ekið við eftirlit. Þegar lögreglubifreiðin stoppaði ók konan hjólinu á bifreiðina.

Engin slys urðu á fólki en bifreiðin er skemmd. Konan var færð á lögreglustöð þar sem blóðsýni var tekið en hún látin laus að því loknu.

Fimm aðrir voru stöðvaðir í umferðinni í gærkvöldi og nótt, þar af einn fyrir að aka á móti rauðu ljósi. Neitaði hann sök en myndbandsupptaka er til af brotinu.

Hinir fjórir eru grunaðir um akstur undir áhrifum áfengis og/eða fíkniefna.

Lögreglumál Reykjavík

Mest lesið


Fleiri fréttir

Sjá meira


×

Mest lesið