Dagurinn byrjar á Stöð 2 Sport 4 klukkan 10:00 á Aramco Saudi Ladies International, en það er hluti af LET-mótaröðinni. Golfið heldur svo áfram á Stöð 2 Golf klukkan 12:00 þegar Portugal Masters á Evrópumótaröðinni fer í gang.
World Wide Technology Championship at Mayakoba lokar síðan golfdeginum klukkan 19:00 á Stöð 2 Golf.
Klukkan 15:30 heldur PGL Major Stockholm 2021 áfram á Stöð 2 eSport þar sem keppt er ó CS:GO, og klukkan 20:15 færum við okkur til Íslands þar sem Vodafonedeildin í sama leik heldur áfram á sömu rás.
Fótboltinn lætur sig ekki vanta í dag, en AFC Sudbury tekur á móti Colchester United í fyrstu umferð FA bikarsins klukkan 19:50 á Stöð 2 Sport 2.
Klukkan 20:00 er svo komið að viðureign Njarðvíkur og Tindastóls í Subway-deild karla á Stöð 2 Sport og að leik loknum fara sérfræðingarnir í Körfuboltakvöldi yfir allt það helsta.
