1819 Torgið - lúxus upplifun í afsláttum

1819 Torgið er splunkunýtt app sem veitir afslætti og tilboð í yfir tvö hundruð vöruflokkum frá fjölda ólíkra fyrirtækja. Appið er ókeypis og geta allir sótt það á Google Play og App Store. Notandinn getur stillt appið eftir eigin áhugasviði eftir að hann hefur skráð sig inn og vaktað afslætti og tilboð í ákveðnum flokkum. Franz Gunnarsson, sviðsstjóri 1819 Torgsins segir appið einstakt í Íslandi.

„Það er ekkert annað app í boði þar sem notandanum býðst svo fjölbreytt þjónusta ókeypis, beint í símann sem hann getur sniðið að eigin þörfum. Notandinn getur til dæmis merkt við flokkana Matur & veitingar, Heimilið eða Heilsa og fær þá tilkynningu í símann þegar slíkir staðir eru með tilboð. Þá er Íslandskort inni í 1819 Torginu svo notandinn sér hvar í nágrenni við hann eru tilboð í gangi. Það er nýjung sem býðst ekki annarsstaðar á þessu kalíberi,“ segir Franz.

Fyrirtæki bjóða ýmist afslátt eða sérstök tilboð inni á appinu. Viðmótið er afar notendavænt, viðskiptavinurinn sér myndir af viðkomandi vöru eða þjónustu sem boðin er ásamt upplýsingum um hversu lengi tilboðið stendur. Ætli hann að nýta sér tilboðið leiðir appið hann áfram til að virkja afsláttinn.

„Það getur verið mismunandi hvernig fyrirtæki setja sín tilboð fram og hvernig viðskiptavinurinn á að nálgast þau. Verslun eða þjónustuaðili getur til dæmis virkjað afslátt við kassann þegar greitt er og sé um tilboð í vefverslun að ræða leiðir appið viðskiptavini inn á vefsíðuna,“ útskýrir Franz. Þá er eitt markmið 1819 Torgsins að safna saman gjafakortum á einn stað.

„Hingað til hefur fólk þurft að hafa samband við fyrirtæki eða fara inn á heimasíðu þess til að athuga hvort þau selji gjafabréf. Appið styttir þessa boðleið.“

Sérsvæði eru inni á 1819 torginu sem ákveðnir hópar hafa aðgang að. „Mörg stéttarfélög, starfmannafélög og nemendafélög eru með umsamin afsláttarkjör fyrir sitt félagsfólk hjá ýmsum fyrirtækjum. Þessa afslætti hafa félagsmenn yfirleitt þurft að leita uppi inni á heimasíðum félagasamtakanna eða ganga með félagsskírteini á sér til að geta nýtt þá. 

Við erum að færa þetta fyrirkomulag inn í nútímann. Viðkomandi félag fær sérsvæði í appinu sem er eingöngu opið þeirra félagsfólki og þar inni eru þeir afslættir sem standa félagsmönnum til boða. VR er þegar komið inn í appið með þessa þjónustu,“ útskýrir Franz.

Hér má sækja appið frítt 1819 Torgið.