Enski boltinn

Mendy ákærður fyrir tvær nauðganir í viðbót og sex alls

Ingvi Þór Sæmundsson skrifar
Benjamin Mendy hefur verið í gæsluvarðhaldi síðan í ágúst.
Benjamin Mendy hefur verið í gæsluvarðhaldi síðan í ágúst. getty/Matt McNulty

Saksóknari hefur staðfest að Benjamin Mendy, leikmaður Englandsmeistara Manchester City, hafi verið ákærður fyrir tvær nauðganir í viðbót.

Mendy á því alls yfir höfði sér sex ákærur fyrir nauðganir og eina fyrir kynferðisofbeldi. Hann á að hafa brotið á fjórum konum sextán ára og eldri á tímabilinu október 2020 til ágúst 2021.

Frakkinn var handtekinn í ágúst og er enn í gæsluvarðhaldi. Hann mætir fyrir dóm á morgun.

City sendi Mendy í ótímabundið leyfi í ágúst. Hann kom til liðsins frá Monaco 2017.

Hinn 27 ára Mendy með varð heimsmeistari með franska landsliðinu 2018.

Enski boltinn Kynferðisofbeldi Bretland

Mest lesið


Fleiri fréttir

Sjá meira


×

Mest lesið