Þórólfur Guðnason sóttvarnalæknir metur nú hvort að boðið verði upp á bólusetningu gegn COVID-19 fyrir börn á aldrinum fimm til ellefu ára.
Lyfjastofnun Evrópu samþykkti í dag notkun bóluefnis Pfizer fyrir þennan aldurshóp. Má reikna með því að efnið fái markaðsleyfi hér á landi á næstunni.
Bóluefnið hefur þegar verið pantað og er væntanlegt til landsins í lok desember.
Fjórða bylgja faraldursins hefur að hluta verið borin uppi af óbólusettum börnum á grunnskólaaldri.
Lyfjastofnun Evrópu hefur gefið grænt ljós á að börn á aldrinum fimm til ellefu ára verði bólusett gegn Covid-19. Á leyfið þó einungis við um bóluefni Pfizer en þegar hefur notkun þess verið heimiluð öllum tólf ára og eldri.
