„Þetta hefði getað verið banvænt ef því er að skipta“ Kolbeinn Tumi Daðason skrifar 6. desember 2021 11:12 Hermann Guðmundsson forstjóri Kemi veitti því athygli í Flórída að þar voru engar samkomutakmarkarnir. Boðið er upp á bólusetningu á hverju horni og fjölmargir með grímur í verslunum þótt ekki sé grímuskylda. Vísir/Vilhelm Hermann Guðmundsson, framkvæmdastjóri hjá heildsölunni Kemi, segir mikla mildi að eldri maður hafi ekki slasast alvarlega við komuna til Íslands frá Orlando í Flórída. Hann kallar eftir meiri þjónustu við farþega að vetri til sem gangi úr flugvélunum niður brattar tröppur sem geti verið hálar og stórhættulegar. Hermann, sem var gestur í Bítinu á Bylgjunni í morgun, kom til landsins að morgni laugardags ásamt hópi Íslendinga með flugi Icelandair frá Orlando. Sól og blíða við brottför og nístingskuldi og frost í Keflavík. Vélin var stöðvuð á útistæði og um stundarfjórðung síðar var komið með stiga til að fólk gæti gengið frá borði. „Fólkið sem er fyrst niður stigann er fólk sem sat fyrir aftan mig og mína konu í vélinni, aldrað fólk sem átti erfitt með gang. Fikrar sig niður stigann. Þetta eru mjög brattir stigar. Tröppurnar eru klæddar með riffluðu áli. Þegar kemst bleyta í þetta verður það fljúgandi hált, eins og skautasvell,“ segir Hermann. Hann fylgdist með konunni fikra sig rólega niður stigann, með staf í annarri hendi og ríghaldandi sér í handriðið. „Ég geng rólega á eftir henni og fylgist með. Maðurinn gengur aðeins fyrir framan hana með tvær litlar töskur í hvorri hendi. Þegar hann kemur í næst neðstu tröppuna er þar snjór og bleyta. Skiptir engum toga að hann missir fæturna og fellur með andlitið í jörðina, flatur fram fyrir sig,“ segir Hermann. Þustu niður tröppurnar til að hlúa að manninum „Það er mikil mildi að þessi maður skuli ekki hafa stórslasast við þetta fall. Þetta hefði getað verið banvænt ef því er að skipta. Ég fékk fréttir af honum í gær eftir að ég birti þessa færslu. Mér skilst að hann sé við ágætis heilsu en hruflaður og eitthvað skaddaður á hné og andliti.“ Það hafi vakið athygli hans að enginn starfsmaður hafi verið til aðstoðar. Enginn að fylgjast með affermingu vélarinnar. „Þarna þustu farþegar niður tröppurnar til að hlúa að manninum og koma honum á fætur. Skömmu síðar kemur starfsmaður rútubílsins sem var að keyra vagninn og fór að hlúa að honum.“ Um var að ræða bílstjóra Isavia sem sér um akstur á milli flugstöðvarinnar og útistæðanna. Þurfi starfsmann með tröppunum Hann segir aðstöðuna á Keflavíkurflugvelli ekki boðlega utandyra í veðráttu eins og Íslendingar eigi að venjast á veturna. Á laugardaginn hafi veður verið mun skárra en í gær þegar óveður gekk yfir suðvesturhornið. Hann hefði ekki boðið í það. Hermann segir Keflavíkurflugvöll löngu sprunginn enda standi heilmiklar framkvæmdir yfir við stækkun. Öllum hafi þó verið ljóst að það hefði átt að gera fyrir löngu. „Mótleikurinn fyrir öryggi farþega er að það þarf að vera starfsmaður með þessum tröppum, ekki bara vona það besta.“ Vel hefði mátt bursta úr tröppunum, þurrka þær eða salta. Margt eldra fólk að koma úr sólinni „Fyrst og fremst er of mikið aðhald í starfsmannahaldi. Það þarf bara starfsfólk í þetta. Það eru að koma 200 manns frá borði. Eins og margir vita er ástand misjafnt á fólki. Margt eldra fólk sækir í sólina á veturna, sem á kannski erfitt með gang. Svo er verið að veita áfengi um borð svo menn eru mishressir.“ Það sé ekki of mikil krafa að tveir starfsmenn fylgdu hverjum stiga, þurrkuðu tröppurnar og aðstoðuðu eldra fólk niður. Guðjón Helgason, upplýsingafulltrúi Isavia, segir að starfsfólki Isavia þyki leitt að heyra af þessu slysi. Tröppurnar á Keflavíkurflugvelli séu á ábyrgð Icelandair í tilfelli þeirra flugvéla en Airport Associates þjónusti ýmis önnur flugfélög. Ásdís Ýr Pétursdóttir, upplýsingafulltrúi Icelandair, segir í skriflegu svari við fyrirspurn fréttastofu að flugfélaginu þyki mjög leitt að þetta slys hafi átt sér stað. Öllum ferlum hafi verið fylgt „Við leggjum okkur fram við að tryggja öryggi farþega í gegnum allt ferðalagið og í þeim tilfellum sem notaðir eru stigabílar til að koma fólki frá borði, þá er þeir alltaf skoðaðir fyrir notkun út frá öryggissjónarmiðum, til dæmis með tilliti til bleytu, hálku, snjós eða annarra óhreininda,“ segir Ásdís. „Þetta er til viðbótar við reglubundið viðhald og þrif. Við höfum farið yfir málið og getum staðfest að öllum ferlum var fylgt í þessu tilfelli.“ Guðjón minnir einnig á að farþegar með skerta hreyfigetu eða annað geti alltaf óskað eftir PMR-aðstoð á flugvellinum. Það sé þjónusta sem Isavia bjóði upp á en óska þurfi eftir henni í gegnum flugfélögin. Þá hafi Isavia bætt við fjórum skjólstöðvum sem standi flugfélögum til boða. Þar geti flugfélögin lagt upp að rana, gengið í gegnum hann, niður stiga og út í rútu. „Þetta er aukin þjónusta við farþegann sem þarf ekki að labba út í nístingskulda og vind,“ segir Guðjón. Þá nefnir hann að töluvert hafi verið um að vera þennan morgun, þrjár vélar á svipuðum tíma, og því hafi tafist um tíu til fimmtán mínútur að koma með stigann að vélinni. Guðjón verður til viðtals í Bítinu í fyrramálið þar sem hann ræðir málið á breiðum grundvelli. Uppfært klukkan 17:12 með viðbrögðum Icelandair Keflavíkurflugvöllur Icelandair Bítið Slysavarnir Mest lesið Játa frelsisviptingu og rán en hafna manndrápi Innlent Aldrei kynnst neinum sem harkaði jafnmikið af sér Innlent Yfirmaður heraflans er á móti hernámi og vill semja Erlent Betra að borga tryggingarnar en að sitja uppi með allsherjartjón Innlent Vilhjálmur í Smáríkinu ákærður fyrir að selja eina hvítvínsbelju Innlent Persónulegar og átakanlegar lýsingar í ævisögu Giuffre Erlent Hættir hjá borgarstjóra og aðstoðar nú ráðherra Innlent Lögregla kölluð til vegna einstaklinga sem tjölduðu í skógarrjóðri Innlent Hættir sem ritstjóri Kveiks Innlent Tíunda skotið klikkaði Erlent Fleiri fréttir Jökulhlaupið í rénun Í beinni frá héraðsdómi, unglingadrykkja og áheitakóngur Aldrei kynnst neinum sem harkaði jafnmikið af sér Vilhjálmur í Smáríkinu ákærður fyrir að selja eina hvítvínsbelju Hættir sem ritstjóri Kveiks Hættir hjá borgarstjóra og aðstoðar nú ráðherra Meirihluti hefur áhyggjur af laxastofninum nema í fjörðunum Jóhann tekur við af Gunnari hjá Landssambandi veiðifélaga Skýrslur teknar af tíu börnum undir sex ára á síðustu 20 árum Lögregla kölluð til vegna einstaklinga sem tjölduðu í skógarrjóðri Betra að borga tryggingarnar en að sitja uppi með allsherjartjón Játa frelsisviptingu og rán en hafna manndrápi Metaðsókn og söfnunarmet slegið 13,3 milljarðar frá Íslandi til Úkraínu: Danska leiðin „ein sú besta“ til að styrkja varnir Evrópu Steindór Örn endurkjörinn formaður Hallveigar Það logaði glatt í Bergþórshvoli á Njáluhátíð í Rangárþingi Skiptar skoðanir um stækkun Þjóðleikhússins Myndskeið af rallýslysi, sjálfstæð Úkraína og brennan á Bergþórshvoli Brotið á barni með því að loka það inni í einveruherbergi Leitar kofans sem hvarf í heilu lagi Vestfirðingar fagna í kvöld: „Þetta er bara mjög stórt“ Öll spjót beinast að ÍBR vegna skipulagsleysis og „rugls í ræsingu“ Hlaupið aftur í rénun eftir vöxt í nótt Þrjár líkamsárásir og yfir tuttugu ungmenni í athvarf Hver verður Íslandsmeistari í hrútaþukli? Kraftaverk að ekki fór verr þegar bíll hafnaði ofan á tveimur Akstursíþróttasamfélagið harmi slegið, unglingadrykkja á Menningarnótt og hrútaþukl Evrópusambandið, menntamál, stýrivextir og Gasa í Sprengisandi „Heilt yfir“ friðsamleg Menningarnótt en nokkrir ofbeldisfullir Skutu upp flugeldum í minningu Bryndísar Klöru Sjá meira
Hermann, sem var gestur í Bítinu á Bylgjunni í morgun, kom til landsins að morgni laugardags ásamt hópi Íslendinga með flugi Icelandair frá Orlando. Sól og blíða við brottför og nístingskuldi og frost í Keflavík. Vélin var stöðvuð á útistæði og um stundarfjórðung síðar var komið með stiga til að fólk gæti gengið frá borði. „Fólkið sem er fyrst niður stigann er fólk sem sat fyrir aftan mig og mína konu í vélinni, aldrað fólk sem átti erfitt með gang. Fikrar sig niður stigann. Þetta eru mjög brattir stigar. Tröppurnar eru klæddar með riffluðu áli. Þegar kemst bleyta í þetta verður það fljúgandi hált, eins og skautasvell,“ segir Hermann. Hann fylgdist með konunni fikra sig rólega niður stigann, með staf í annarri hendi og ríghaldandi sér í handriðið. „Ég geng rólega á eftir henni og fylgist með. Maðurinn gengur aðeins fyrir framan hana með tvær litlar töskur í hvorri hendi. Þegar hann kemur í næst neðstu tröppuna er þar snjór og bleyta. Skiptir engum toga að hann missir fæturna og fellur með andlitið í jörðina, flatur fram fyrir sig,“ segir Hermann. Þustu niður tröppurnar til að hlúa að manninum „Það er mikil mildi að þessi maður skuli ekki hafa stórslasast við þetta fall. Þetta hefði getað verið banvænt ef því er að skipta. Ég fékk fréttir af honum í gær eftir að ég birti þessa færslu. Mér skilst að hann sé við ágætis heilsu en hruflaður og eitthvað skaddaður á hné og andliti.“ Það hafi vakið athygli hans að enginn starfsmaður hafi verið til aðstoðar. Enginn að fylgjast með affermingu vélarinnar. „Þarna þustu farþegar niður tröppurnar til að hlúa að manninum og koma honum á fætur. Skömmu síðar kemur starfsmaður rútubílsins sem var að keyra vagninn og fór að hlúa að honum.“ Um var að ræða bílstjóra Isavia sem sér um akstur á milli flugstöðvarinnar og útistæðanna. Þurfi starfsmann með tröppunum Hann segir aðstöðuna á Keflavíkurflugvelli ekki boðlega utandyra í veðráttu eins og Íslendingar eigi að venjast á veturna. Á laugardaginn hafi veður verið mun skárra en í gær þegar óveður gekk yfir suðvesturhornið. Hann hefði ekki boðið í það. Hermann segir Keflavíkurflugvöll löngu sprunginn enda standi heilmiklar framkvæmdir yfir við stækkun. Öllum hafi þó verið ljóst að það hefði átt að gera fyrir löngu. „Mótleikurinn fyrir öryggi farþega er að það þarf að vera starfsmaður með þessum tröppum, ekki bara vona það besta.“ Vel hefði mátt bursta úr tröppunum, þurrka þær eða salta. Margt eldra fólk að koma úr sólinni „Fyrst og fremst er of mikið aðhald í starfsmannahaldi. Það þarf bara starfsfólk í þetta. Það eru að koma 200 manns frá borði. Eins og margir vita er ástand misjafnt á fólki. Margt eldra fólk sækir í sólina á veturna, sem á kannski erfitt með gang. Svo er verið að veita áfengi um borð svo menn eru mishressir.“ Það sé ekki of mikil krafa að tveir starfsmenn fylgdu hverjum stiga, þurrkuðu tröppurnar og aðstoðuðu eldra fólk niður. Guðjón Helgason, upplýsingafulltrúi Isavia, segir að starfsfólki Isavia þyki leitt að heyra af þessu slysi. Tröppurnar á Keflavíkurflugvelli séu á ábyrgð Icelandair í tilfelli þeirra flugvéla en Airport Associates þjónusti ýmis önnur flugfélög. Ásdís Ýr Pétursdóttir, upplýsingafulltrúi Icelandair, segir í skriflegu svari við fyrirspurn fréttastofu að flugfélaginu þyki mjög leitt að þetta slys hafi átt sér stað. Öllum ferlum hafi verið fylgt „Við leggjum okkur fram við að tryggja öryggi farþega í gegnum allt ferðalagið og í þeim tilfellum sem notaðir eru stigabílar til að koma fólki frá borði, þá er þeir alltaf skoðaðir fyrir notkun út frá öryggissjónarmiðum, til dæmis með tilliti til bleytu, hálku, snjós eða annarra óhreininda,“ segir Ásdís. „Þetta er til viðbótar við reglubundið viðhald og þrif. Við höfum farið yfir málið og getum staðfest að öllum ferlum var fylgt í þessu tilfelli.“ Guðjón minnir einnig á að farþegar með skerta hreyfigetu eða annað geti alltaf óskað eftir PMR-aðstoð á flugvellinum. Það sé þjónusta sem Isavia bjóði upp á en óska þurfi eftir henni í gegnum flugfélögin. Þá hafi Isavia bætt við fjórum skjólstöðvum sem standi flugfélögum til boða. Þar geti flugfélögin lagt upp að rana, gengið í gegnum hann, niður stiga og út í rútu. „Þetta er aukin þjónusta við farþegann sem þarf ekki að labba út í nístingskulda og vind,“ segir Guðjón. Þá nefnir hann að töluvert hafi verið um að vera þennan morgun, þrjár vélar á svipuðum tíma, og því hafi tafist um tíu til fimmtán mínútur að koma með stigann að vélinni. Guðjón verður til viðtals í Bítinu í fyrramálið þar sem hann ræðir málið á breiðum grundvelli. Uppfært klukkan 17:12 með viðbrögðum Icelandair
Keflavíkurflugvöllur Icelandair Bítið Slysavarnir Mest lesið Játa frelsisviptingu og rán en hafna manndrápi Innlent Aldrei kynnst neinum sem harkaði jafnmikið af sér Innlent Yfirmaður heraflans er á móti hernámi og vill semja Erlent Betra að borga tryggingarnar en að sitja uppi með allsherjartjón Innlent Vilhjálmur í Smáríkinu ákærður fyrir að selja eina hvítvínsbelju Innlent Persónulegar og átakanlegar lýsingar í ævisögu Giuffre Erlent Hættir hjá borgarstjóra og aðstoðar nú ráðherra Innlent Lögregla kölluð til vegna einstaklinga sem tjölduðu í skógarrjóðri Innlent Hættir sem ritstjóri Kveiks Innlent Tíunda skotið klikkaði Erlent Fleiri fréttir Jökulhlaupið í rénun Í beinni frá héraðsdómi, unglingadrykkja og áheitakóngur Aldrei kynnst neinum sem harkaði jafnmikið af sér Vilhjálmur í Smáríkinu ákærður fyrir að selja eina hvítvínsbelju Hættir sem ritstjóri Kveiks Hættir hjá borgarstjóra og aðstoðar nú ráðherra Meirihluti hefur áhyggjur af laxastofninum nema í fjörðunum Jóhann tekur við af Gunnari hjá Landssambandi veiðifélaga Skýrslur teknar af tíu börnum undir sex ára á síðustu 20 árum Lögregla kölluð til vegna einstaklinga sem tjölduðu í skógarrjóðri Betra að borga tryggingarnar en að sitja uppi með allsherjartjón Játa frelsisviptingu og rán en hafna manndrápi Metaðsókn og söfnunarmet slegið 13,3 milljarðar frá Íslandi til Úkraínu: Danska leiðin „ein sú besta“ til að styrkja varnir Evrópu Steindór Örn endurkjörinn formaður Hallveigar Það logaði glatt í Bergþórshvoli á Njáluhátíð í Rangárþingi Skiptar skoðanir um stækkun Þjóðleikhússins Myndskeið af rallýslysi, sjálfstæð Úkraína og brennan á Bergþórshvoli Brotið á barni með því að loka það inni í einveruherbergi Leitar kofans sem hvarf í heilu lagi Vestfirðingar fagna í kvöld: „Þetta er bara mjög stórt“ Öll spjót beinast að ÍBR vegna skipulagsleysis og „rugls í ræsingu“ Hlaupið aftur í rénun eftir vöxt í nótt Þrjár líkamsárásir og yfir tuttugu ungmenni í athvarf Hver verður Íslandsmeistari í hrútaþukli? Kraftaverk að ekki fór verr þegar bíll hafnaði ofan á tveimur Akstursíþróttasamfélagið harmi slegið, unglingadrykkja á Menningarnótt og hrútaþukl Evrópusambandið, menntamál, stýrivextir og Gasa í Sprengisandi „Heilt yfir“ friðsamleg Menningarnótt en nokkrir ofbeldisfullir Skutu upp flugeldum í minningu Bryndísar Klöru Sjá meira