Miklubrautarstokkur og nýbyggingar við götuna. Hvað finnst þér? Ævar Harðarson skrifar 7. desember 2021 13:30 Reykjavíkurborg kallar nú eftir viðbrögðum og athugasemdum við stór skipulagsverkefni sem eru í gangi í borginni. Samráð skiptir okkur miklu máli og við erum sífellt að leita leiða til að fá fram sjónarmið sem flestra. Við viljum mæta þörfum íbúa, í því felst meðal annars að sjá fyrir framtíðarþarfir og hvernig þær verða leystar. Eitt stærsta verkefni borgarinnar er möguleg útfærsla á stokki fyrir umferð undir Miklubraut og hvernig byggð geti risið við þessa meginæð umferðar í Reykjavík. Að setja Miklubraut í veggstokk mun bæta lífsgæði íbúa í hverfum næst þessari umferðarþyngstu götu landsins og greiða för þeirra sem aka í gegnum þau. Í samráðsvinnu með íbúum á svæðinu við undirbúning hverfisskipulags Reykjavíkur hafa skoðanir þeirra komið sterkt fram. Íbúar vilja vegstokk. Stokkur mun draga úr slysahættu, loft- og hljóðmengun og gera borgarumhverfið ofanjarðar betra. Á yfirborðinu verður til rými fyrir rólega umferð og almenningssamgöngur á sama tíma og gegnumaksturinn streymir áfram í neðanjarðar. Saman mun þetta minnka umferðartafir. Fordæmi frá Þrándheimi og Ósló Hugmyndir um að setja Miklubraut í stokk eru áratuga gamlar og margreifaðar. Meðal annars var gerð grein fyrir þeim í aðalskipulagi Reykjavíkur 1996–2016, í samvinnuhópi borgarinnar og Vegagerðarinnar frá 2008 og í gildandi aðalskipulagi. Sú alvara sem nú birtist meðal annars í samgöngusáttmála er þó fyrst og fremst tilkomin vegna samráðs við íbúa í hverfum næst þessari miklu umferðargötu. Miklabraut í stokk ásamt tilheyrandi framkvæmdum á yfirborðinu er mikil og flókin aðgerð. En verkefnið er á engan hátt óyfirstíganlegt og fordæmi eru vel þekkt. Má til dæmis nefna nýlegar ganga- og stokkaframkvæmdir í Þrándheimi, en borgin er af svipaðri stærð og Reykjavík. Þar var fyrir nokkrum árum opnuð röð af veggöngumum 5,3 kílómetra löngtil að létta á bílaumferð í gegnum miðborgina. Annað nærtækt dæmi er frá Ósló, sem ég þekki vel til. Þar hófust umfangsmiklar gangaframkvæmdir um 1985 vegna þess að miðborgin var afar þjökuð af loftmengun frá útblæstri bíla. Í dag er miðborg Óslóar bæði falleg og vistvæn með mun minni bílaumferð á yfirborðinu en fyrir daga vegganganna. Þar eru fótgangandi, hjólandi og almenningssamgöngur í forgangi og mannlíf blómstar. Myndin sýnir mögulega ásýnd við Kringluna. Unnin fyrir Miklabraut í stokk - Frumathugun á þróunarmöguleikum og leiðbeiningar hverfisskipulags um borgargötur.Tripóli arkitektar Dregur úr umferðartöfum Enginn efi er í mínum huga um að þegar framkvæmdum við Miklubraut verður lokið munu lífsgæði og tilvera þúsunda íbúa batna. Í borgarhluta 3 og 5 búa í dag um 27 þúsund íbúar í um ellefu þúsund íbúðum. Umhverfis Miklubrautina eru stór uppbyggingarsvæði eins og Hlíðarendi, Kringlan og Skeifan auk vannýttra veghelgunarsvæða meðfram götunni. Á þessum svæðum geta bæst við allt að sex þúsund nýjar íbúðir fyrir um sextán þúsund íbúa ef reiknað er með 2,5 íbúum á íbúð, auk fjölda atvinnurýma. Fyrsti áfangi stokksins Fyrsti áfangi Miklubrautarstokks mun ná frá gatnamótum Miklubrautar og Snorrabrautar og að Rauðarárstíg. Í fyrra stóð Reykjavíkurborg fyrir hugmyndaleit um hvernig hægt er að útfæra uppbyggingu á og við þennan hluta stokksins. Fimm þverfaglegir hópar skiluðu tillögum, sem hægt er að skoða hér. Myndin sýnir mögulega útfærslu á yfirbygging gatnamóta Snorrabrautar og Miklubrautar. Þar mun verða til svæði með sterkum miðbæjarbrag með verslun, þjónustu og atvinnuhúsnæði í bland við íbúðir á efri hæðum af fjölbreyttri stærð og gerð.Jakob Jakobsson arkitekt Tillögurnar sýna ásýnd og uppbyggingarmöguleika nýrrar byggðar íbúða- og atvinnuhúsnæðis ofan á stokknum og í næsta nágrenni hans, og hvernig byggðin ásamt kjarnastöð Borgarlínu tengist nærliggjandi hverfum og umhverfi. Þetta eru hugmyndir sem Reykjavíkurborg hefur heimild til að vinna með áfram, breyta þeim og/eða fela öðrum útfærslu þeirra. Saman mynda þær nokkurs konar hugmyndabanki til að þróa áfram þetta mikla verkefni. Borgin kallar nú eftir skoðunum íbúa á þessum tillögum en þægilegt er að skoða þær og senda inn athugasemdir á kynningarsíðu verkefnisins. Gatnamót Háaleitisbrautar og Miklubrautar Einnig stendur nú yfir netsamráð til að kanna viðhorfi íbúa til hugmynda um mögulega útfærslu á byggð við gatnamót Miklubrautar og Háaleitisbrautar. Varpað er fram hugmyndum um að reisa nýbyggingar þétt upp við götuna sem yrði nokkurs konar borgarbreiðstræti með blöndu af bílaumferð, almenningssamgöngum og gangandi og hjólandi vegfarendum í vel hönnuðu umhverfi með gróðri. Myndin sýnir mögulega nýja byggð meðfram Miklubraut við gatnamótin við Háaleitisbraut og áfram að Hvassaleiti. Nýju húsin myndu bæði bæta hljóðvist eldri byggðar, með því að skerma af umferðarniðinn frá Miklubraut, og mynda skjólsæla og sólríka inngarða í skjóli fyrir norðanáttinni.Jakob Jakobsson arkitekt Fyrirmyndin að þessum hugmyndum er sótt til verkefna í öðrum löndum. Í Helsinki er til dæmis verið að þróa byggð á veghelgunarsvæðum stofnbrauta. Í nýju byggingunum við Miklubraut væri hægt að koma fyrir íbúða- og atvinnuhúsnæði í bland en nútíma byggingartækni býður uppá afbragðs hljóðvarnir eins og hæfir staðsetningunni. Þessi nýju hús myndu bæði bæta hljóðvist eldri byggðar, með því að skerma af umferðarniðinn frá Miklubraut, og mynda skjólsæla og sólríka inngarða í skjóli fyrir norðanáttinni. Hér er hægt að skoða þessar hugmyndir og taka þátt í könnun um þær. Höfundur er deildarstjóri Hverfisskipulag Reykjavíkur/ Ph.D. arkitekt, Umhverfis- og skipulagssvið Reykjavíkur. Viltu birta grein á Vísi? Sendu okkur póst. Senda grein Ævar Harðarson Reykjavík Skipulag Tengdar fréttir Netsamráð um vinnutillögur við Bústaðaveg og Miklubraut Líflegar umræður hafa verið verið um vinnutillögur hverfisskipulags Háaleitis og Bústaða sem hafin var kynning á nýlega. Ekki síst um tillögur að uppbyggingu við gatnamót Miklubautar-Háaleitisbrautar og meðfram Bústaðavegi við Grímsbæ. 1. desember 2021 17:00 Ný hæð borgar fyrir lyftu og viðhald Í kynningu sem var að hefjast á hugmyndum og tillögum að hverfisskipulagi fyrir Háteigshverfi, Hlíðahverfi og Öskjuhlíðarhverfi eru sýndar hugmyndir um að heimila húsfélögum lyftulausra fjölbýlishúsa að bæta við íbúðarhæð samtímis því sem bætt er við lyftu. 19. nóvember 2021 12:01 Mest lesið Þegar þeir sem segjast þjóna þjóðinni ráðast á hana Ágústa Árnadóttir Skoðun 1 stk. ísl. ríkisborgararéttur - kr. 1,600 Róbert Björnsson Skoðun Evrópumet! Háskólamenntun minnst metin á Íslandi Vilhjálmur Hilmarsson Skoðun Faglegt mat eða lukka? I: Frá kennslustofu til stafbókar Bogi Ragnarsson Skoðun „Elska skaltu náunga þinn“ – gegn rasisma, hatri og sögufölsunum öfga hægrisins Guðrún Ósk Þórudóttir Skoðun Ósk um sérbýli, garð og rólegt umhverfi dregur fólk frá höfuðborgarsvæðinu Margrét Þóra Sæmundsdóttir Skoðun Hvers vegna ekki bókun 35? Hjörtur J. Guðmundsson Skoðun Ósnertanlegir eineltisseggir og óhæfir starfsmenn Diljá Mist Einarsdóttir Skoðun Þegar ég fékk séns Heiða Ingimarsdóttir Skoðun Opinber skýring til Sigurjóns Þórðarsonar Heiðrún Lind Marteinsdóttir Skoðun Skoðun Skoðun Lénsherratímabilið er hafið Einar G Harðarson skrifar Skoðun Þéttur eða þríklofinn Sjálfstæðisflokkur Sara Björg Sigurðardóttir skrifar Skoðun Bras og brall við gerð Brákarborgar Helgi Áss Grétarsson skrifar Skoðun Getur uppbyggilegur fréttaflutningur aukið velsæld í íslensku samfélagi? Ása Fríða Kjartansdóttir, Dóra Guðrún Guðmundsdóttir skrifar Skoðun „Elska skaltu náunga þinn“ – gegn rasisma, hatri og sögufölsunum öfga hægrisins Guðrún Ósk Þórudóttir skrifar Skoðun Ósk um sérbýli, garð og rólegt umhverfi dregur fólk frá höfuðborgarsvæðinu Margrét Þóra Sæmundsdóttir skrifar Skoðun Auðlindarentan heim í hérað Arna Lára Jónsdóttir skrifar Skoðun Héraðsvötn og Kjalölduveitu í nýtingarflokk Jens Garðar Helgason,Ólafur Adolfsson skrifar Skoðun Eru borgir barnvænar? Þétting byggðar og staða barna í skipulagi Lára Ingimundardóttir skrifar Skoðun Hvað kosta mannréttindi? Anna Lára Steindal skrifar Skoðun Faglegt mat eða lukka? I: Frá kennslustofu til stafbókar Bogi Ragnarsson skrifar Skoðun Hvers vegna ekki bókun 35? Hjörtur J. Guðmundsson skrifar Skoðun 1 stk. ísl. ríkisborgararéttur - kr. 1,600 Róbert Björnsson skrifar Skoðun Ný nálgun fyrir börn með fjölþættan vanda Guðmundur Ingi Þóroddsson,Guðbjörg Sveinsdóttir skrifar Skoðun Setjum kraft í íslenskukennslu fullorðinna Anna Linda Sigurðardóttir skrifar Skoðun Áhrif veiðigjalda ná út fyrir atvinnugreinina Ásgerður Kristín Gylfadóttir skrifar Skoðun Við stöndum með Anahitu og Elissu Valgerður Árnadóttir,Rósa Líf Darradóttir,Aldís Amah Hamilton,Þorgerður María Þorbjarnardóttir,Árni Finnsson skrifar Skoðun RÚV - ljósritunarstofa ríkisins? Birgir Finnsson skrifar Skoðun Að vera hvítur og kristinn Guðbrandur Einarsson skrifar Skoðun Heilbrigðisþjónusta í heimabyggð – loksins orðin að veruleika Anton Guðmundsson skrifar Skoðun Komum heil heim eftir hvítasunnuhelgina Ágúst Mogensen skrifar Skoðun Leiðin til Parísar (bókstaflega) Ólafur St. Arnarsson skrifar Skoðun Ósnertanlegir eineltisseggir og óhæfir starfsmenn Diljá Mist Einarsdóttir skrifar Skoðun Opinber skýring til Sigurjóns Þórðarsonar Heiðrún Lind Marteinsdóttir skrifar Skoðun Ekkert kerfi lifir af pólitískan geðþótta Guðrún Hafsteinsdóttir skrifar Skoðun Þegar undirskrift skiptir máli – um gervigreind, vottun og verðmæti mannlegra athafna Henning Arnór Úlfarsson skrifar Skoðun Hoppað yfir girðingarnar Vilhjálmur Árnason skrifar Skoðun Þegar ég fékk séns Heiða Ingimarsdóttir skrifar Skoðun Verður greinilega að vera Ísrael Hjörtur J. Guðmundsson skrifar Skoðun Evrópumet! Háskólamenntun minnst metin á Íslandi Vilhjálmur Hilmarsson skrifar Sjá meira
Reykjavíkurborg kallar nú eftir viðbrögðum og athugasemdum við stór skipulagsverkefni sem eru í gangi í borginni. Samráð skiptir okkur miklu máli og við erum sífellt að leita leiða til að fá fram sjónarmið sem flestra. Við viljum mæta þörfum íbúa, í því felst meðal annars að sjá fyrir framtíðarþarfir og hvernig þær verða leystar. Eitt stærsta verkefni borgarinnar er möguleg útfærsla á stokki fyrir umferð undir Miklubraut og hvernig byggð geti risið við þessa meginæð umferðar í Reykjavík. Að setja Miklubraut í veggstokk mun bæta lífsgæði íbúa í hverfum næst þessari umferðarþyngstu götu landsins og greiða för þeirra sem aka í gegnum þau. Í samráðsvinnu með íbúum á svæðinu við undirbúning hverfisskipulags Reykjavíkur hafa skoðanir þeirra komið sterkt fram. Íbúar vilja vegstokk. Stokkur mun draga úr slysahættu, loft- og hljóðmengun og gera borgarumhverfið ofanjarðar betra. Á yfirborðinu verður til rými fyrir rólega umferð og almenningssamgöngur á sama tíma og gegnumaksturinn streymir áfram í neðanjarðar. Saman mun þetta minnka umferðartafir. Fordæmi frá Þrándheimi og Ósló Hugmyndir um að setja Miklubraut í stokk eru áratuga gamlar og margreifaðar. Meðal annars var gerð grein fyrir þeim í aðalskipulagi Reykjavíkur 1996–2016, í samvinnuhópi borgarinnar og Vegagerðarinnar frá 2008 og í gildandi aðalskipulagi. Sú alvara sem nú birtist meðal annars í samgöngusáttmála er þó fyrst og fremst tilkomin vegna samráðs við íbúa í hverfum næst þessari miklu umferðargötu. Miklabraut í stokk ásamt tilheyrandi framkvæmdum á yfirborðinu er mikil og flókin aðgerð. En verkefnið er á engan hátt óyfirstíganlegt og fordæmi eru vel þekkt. Má til dæmis nefna nýlegar ganga- og stokkaframkvæmdir í Þrándheimi, en borgin er af svipaðri stærð og Reykjavík. Þar var fyrir nokkrum árum opnuð röð af veggöngumum 5,3 kílómetra löngtil að létta á bílaumferð í gegnum miðborgina. Annað nærtækt dæmi er frá Ósló, sem ég þekki vel til. Þar hófust umfangsmiklar gangaframkvæmdir um 1985 vegna þess að miðborgin var afar þjökuð af loftmengun frá útblæstri bíla. Í dag er miðborg Óslóar bæði falleg og vistvæn með mun minni bílaumferð á yfirborðinu en fyrir daga vegganganna. Þar eru fótgangandi, hjólandi og almenningssamgöngur í forgangi og mannlíf blómstar. Myndin sýnir mögulega ásýnd við Kringluna. Unnin fyrir Miklabraut í stokk - Frumathugun á þróunarmöguleikum og leiðbeiningar hverfisskipulags um borgargötur.Tripóli arkitektar Dregur úr umferðartöfum Enginn efi er í mínum huga um að þegar framkvæmdum við Miklubraut verður lokið munu lífsgæði og tilvera þúsunda íbúa batna. Í borgarhluta 3 og 5 búa í dag um 27 þúsund íbúar í um ellefu þúsund íbúðum. Umhverfis Miklubrautina eru stór uppbyggingarsvæði eins og Hlíðarendi, Kringlan og Skeifan auk vannýttra veghelgunarsvæða meðfram götunni. Á þessum svæðum geta bæst við allt að sex þúsund nýjar íbúðir fyrir um sextán þúsund íbúa ef reiknað er með 2,5 íbúum á íbúð, auk fjölda atvinnurýma. Fyrsti áfangi stokksins Fyrsti áfangi Miklubrautarstokks mun ná frá gatnamótum Miklubrautar og Snorrabrautar og að Rauðarárstíg. Í fyrra stóð Reykjavíkurborg fyrir hugmyndaleit um hvernig hægt er að útfæra uppbyggingu á og við þennan hluta stokksins. Fimm þverfaglegir hópar skiluðu tillögum, sem hægt er að skoða hér. Myndin sýnir mögulega útfærslu á yfirbygging gatnamóta Snorrabrautar og Miklubrautar. Þar mun verða til svæði með sterkum miðbæjarbrag með verslun, þjónustu og atvinnuhúsnæði í bland við íbúðir á efri hæðum af fjölbreyttri stærð og gerð.Jakob Jakobsson arkitekt Tillögurnar sýna ásýnd og uppbyggingarmöguleika nýrrar byggðar íbúða- og atvinnuhúsnæðis ofan á stokknum og í næsta nágrenni hans, og hvernig byggðin ásamt kjarnastöð Borgarlínu tengist nærliggjandi hverfum og umhverfi. Þetta eru hugmyndir sem Reykjavíkurborg hefur heimild til að vinna með áfram, breyta þeim og/eða fela öðrum útfærslu þeirra. Saman mynda þær nokkurs konar hugmyndabanki til að þróa áfram þetta mikla verkefni. Borgin kallar nú eftir skoðunum íbúa á þessum tillögum en þægilegt er að skoða þær og senda inn athugasemdir á kynningarsíðu verkefnisins. Gatnamót Háaleitisbrautar og Miklubrautar Einnig stendur nú yfir netsamráð til að kanna viðhorfi íbúa til hugmynda um mögulega útfærslu á byggð við gatnamót Miklubrautar og Háaleitisbrautar. Varpað er fram hugmyndum um að reisa nýbyggingar þétt upp við götuna sem yrði nokkurs konar borgarbreiðstræti með blöndu af bílaumferð, almenningssamgöngum og gangandi og hjólandi vegfarendum í vel hönnuðu umhverfi með gróðri. Myndin sýnir mögulega nýja byggð meðfram Miklubraut við gatnamótin við Háaleitisbraut og áfram að Hvassaleiti. Nýju húsin myndu bæði bæta hljóðvist eldri byggðar, með því að skerma af umferðarniðinn frá Miklubraut, og mynda skjólsæla og sólríka inngarða í skjóli fyrir norðanáttinni.Jakob Jakobsson arkitekt Fyrirmyndin að þessum hugmyndum er sótt til verkefna í öðrum löndum. Í Helsinki er til dæmis verið að þróa byggð á veghelgunarsvæðum stofnbrauta. Í nýju byggingunum við Miklubraut væri hægt að koma fyrir íbúða- og atvinnuhúsnæði í bland en nútíma byggingartækni býður uppá afbragðs hljóðvarnir eins og hæfir staðsetningunni. Þessi nýju hús myndu bæði bæta hljóðvist eldri byggðar, með því að skerma af umferðarniðinn frá Miklubraut, og mynda skjólsæla og sólríka inngarða í skjóli fyrir norðanáttinni. Hér er hægt að skoða þessar hugmyndir og taka þátt í könnun um þær. Höfundur er deildarstjóri Hverfisskipulag Reykjavíkur/ Ph.D. arkitekt, Umhverfis- og skipulagssvið Reykjavíkur.
Netsamráð um vinnutillögur við Bústaðaveg og Miklubraut Líflegar umræður hafa verið verið um vinnutillögur hverfisskipulags Háaleitis og Bústaða sem hafin var kynning á nýlega. Ekki síst um tillögur að uppbyggingu við gatnamót Miklubautar-Háaleitisbrautar og meðfram Bústaðavegi við Grímsbæ. 1. desember 2021 17:00
Ný hæð borgar fyrir lyftu og viðhald Í kynningu sem var að hefjast á hugmyndum og tillögum að hverfisskipulagi fyrir Háteigshverfi, Hlíðahverfi og Öskjuhlíðarhverfi eru sýndar hugmyndir um að heimila húsfélögum lyftulausra fjölbýlishúsa að bæta við íbúðarhæð samtímis því sem bætt er við lyftu. 19. nóvember 2021 12:01
„Elska skaltu náunga þinn“ – gegn rasisma, hatri og sögufölsunum öfga hægrisins Guðrún Ósk Þórudóttir Skoðun
Ósk um sérbýli, garð og rólegt umhverfi dregur fólk frá höfuðborgarsvæðinu Margrét Þóra Sæmundsdóttir Skoðun
Skoðun Getur uppbyggilegur fréttaflutningur aukið velsæld í íslensku samfélagi? Ása Fríða Kjartansdóttir, Dóra Guðrún Guðmundsdóttir skrifar
Skoðun „Elska skaltu náunga þinn“ – gegn rasisma, hatri og sögufölsunum öfga hægrisins Guðrún Ósk Þórudóttir skrifar
Skoðun Ósk um sérbýli, garð og rólegt umhverfi dregur fólk frá höfuðborgarsvæðinu Margrét Þóra Sæmundsdóttir skrifar
Skoðun Eru borgir barnvænar? Þétting byggðar og staða barna í skipulagi Lára Ingimundardóttir skrifar
Skoðun Ný nálgun fyrir börn með fjölþættan vanda Guðmundur Ingi Þóroddsson,Guðbjörg Sveinsdóttir skrifar
Skoðun Við stöndum með Anahitu og Elissu Valgerður Árnadóttir,Rósa Líf Darradóttir,Aldís Amah Hamilton,Þorgerður María Þorbjarnardóttir,Árni Finnsson skrifar
Skoðun Þegar undirskrift skiptir máli – um gervigreind, vottun og verðmæti mannlegra athafna Henning Arnór Úlfarsson skrifar
„Elska skaltu náunga þinn“ – gegn rasisma, hatri og sögufölsunum öfga hægrisins Guðrún Ósk Þórudóttir Skoðun
Ósk um sérbýli, garð og rólegt umhverfi dregur fólk frá höfuðborgarsvæðinu Margrét Þóra Sæmundsdóttir Skoðun