Ráðherrar sagðir hafa friðað og deilt út fé án aðkomu Alþingis Heimir Már Pétursson skrifar 7. desember 2021 18:32 Guðmundur Ingi Guðbrandsson fyrrverandi umhverfisráðherra var gagnrýndur á Alþingi í dag fyrir að hafa friðað jörðina Dranga í Árneshreppi korteri fyrir lyklaskipti við Guðlaug Þór Þórðarson að ráðuneytinu. Vísir/Vilhelm Stjórnarandstaðan gagnrýndi harðlega í dag að umhverfisráðherra hefði friðað jörð í Árneshreppi kvöldið áður en hann lét af embætti sem og fjárútlát margra ráðherra í aðdraganda kosninga. Alþingi hefði ekki getað sinnt eftirlitshlutverki sínu á sama tíma. Þarna er um að ræða óbyggð víðerni á landi Dranga í Árneshreppi. Bergþór Ólason þingmaður Miðflokksins sagði furðulegt að Guðmundur Ingi Guðbrandsson þáverandi umhverfisráðherra hefði friðað landið daginn fyrir lyklaskipti á ráðuneytum. Þessi friðun gæti haft áhrif á byggingu Hvalárvirkjunar sem væri í nýtingarflokki rammaáætlunar um virkjun og nýtingu landsvæða. Um þetta spunnust síðan miklar umræður sem og um fjárútlát einstakra ráðherra í aðdraganda kosninganna. „Að einn hæst virtur ráðherra skuli hafa afgreitt þetta án nokkurs samráðs við þingið, án nokkurs samráðs við arftaka sinn. Sem kemur greinilega af fjöllum en þó ekki fjöllum Vestfjarða. Og gera þetta rétt áður en hann færir sig í annað ráðuneyti,“ sagði Sigmundur Davíð Gunnlaugsson formaður Miðflokksins. Sigmundur Davíð Gunnlaugsson, formaður Miðflokksins.Vísir/Vilhelm Logi Einarsson formaður Samfylkingarinnar tók undir með Sigmundi Davíð. „Þetta eru ótrúlega undarleg vinnubrögð. Þau eru auðvitað síðasti hlekkurinn í atburðarás sem hófst síðasta vor. Þegar ráðherrarnir fóru ríðandi um héruð til að borga og friðlýsa og kaupa sér velvild kjósenda í landinu,“ sagði Logi. Hanna Katrín Friðriksson þingflokksformaður Viðreisnar spurði hvort vænta mætti þess að ágreiningur milli stjórnarflokkanna yrði afgreiddur með þessum hætti þeirra á milli og án aðkomu þingsins. „Þetta er mikilvægara en svo að það sé hægt að útkljá það í sandkassa,“ sagði Hanna Katrín. Fjármálaráðherra segir Alþingi en ekki ráðherra hafa fjárveitingarvaldið Bjarni Benediktsson fjármálaráðherra blandaði sér í umræðuna. „Það er enginn skortur á tækifærum fyrir Alþingi til að veita stjórnarráðinu aðhald. Einstökum ráðherrum, ríkisstjórninni í nefndum, hér í þingsal,“ sagði fjármálaráðherra, Hanna Katrín Friðriksson situr á Alþingi fyrir Viðreisn.Vísir/Vilhelm „Hins vegar er því haldið fram að ráðherrar hafi hér frjálsar hendur um að dreifa peningum um samfélagið eins og einn háttvirtur þingmaður nefndi hér áðan. Auðvitað algerlega skautað framhjá því að það er Alþingi sem fer með fjárveitingarvaldið,“ sagði Bjarni og fullyrti að ráðherrar færu algerlega eftir fjárheimildum Alþingis. Þorbjörg Sigríður Gunnlaugsdóttir þingmaður Viðreisnar sagði Alþingi hins vegar hafa verið haldið frá hlutverki sínu. „Þingi var slitið 13. júní. Það kom aftur saman í desembermánuði. Þingið hefur verið í engri stöðu til að veita ríkisstjórninni aðhald. Einfaldlega vegna þess að það var búið þannig um hnútana að þingið var ekki að störfum,“ sagði Þorbjörg. Móta þarf aðgerðir fyrir þá sem enn sæta samkomutakmörkunum Fjármálaráðherra stóð hins vegar í fleiru á Alþngi því fyrsta umræða um tekjufrumvörp og skatta og gjaldafrumvörp næsta árs hófst á Alþingi í dag. Þar sýnist mörgum að gera megi betur en Bjarni segir ríkisstjórnina leggja sitt að mörkum með því að hækka ekki króntöluskatta eins og tóbaks og bensíngjöld umfram 2,5 prósenta verðbólgumarkmið Seðlbankans. „Jafnvel þótt verðbólgan á þessu ári og næsta sé þar yfir. Þannig að þessi gjöld eru að rýrna að raungildi. En þau hækka um tvö og hálft prósent,“ segir fjármálaráðherra. Hver er stefna ríkisstjórnarinnar með þessum tekjufrumvörpum á þessum tímapunkti þegar útgjöld ríkissjóðs hafa auðvitað hafa verið gífurleg á undanförnum tveimur árum vegna faraldursins? „Stefnan sem við höfum verið að reka er að segja að rétta viðbragðið við því að hérna tapast tuttugu þúsund störf er að bíða og styðja. Vera með ívilnanir. Sætta sig við að tekjur ríkissjóðs falla tímabundið og trúa því að með því að fara ekki í skattahækkanir og vera ekki í niðurskurði og bæta frekar í fjárfestingu muni þessi tími klára siglíða hjá og störfin verða til. Þetta er að gerast núna,“ segir Bjarni. Bjarni Benediktsson fjármálaráðherra blandaði sér í umræðuna.Vísir/Vilhelm Ýmsar vinnumarkaðsaðgerðir renni bráttút enda uppfylli margir ekki skilyrði þeirra vegna minna atvinnuleysis. Hins vegar verði að grípa til úrræða fyir þá sem verði enn að hafa lokað eða eru með mjög skertan opnunartíma. „Það höfum við gert í gegnum allan þennan faraldur og við þurfum að ljúka við smíði slíkra úrræða í samræmi við ástandið núna og þessar nýjustu ákvarðanir um samkomutakmarkanir,“ segir Bjarni Benediktsson. Alþingiskosningar 2021 Alþingi Umhverfismál Árneshreppur Ríkisstjórn Katrínar Jakobsdóttur Vinstri græn Deilur um Hvalárvirkjun Mest lesið Dánarorsök Ozzy Osbourne ljós Erlent Segja upp og draga úr útgáfu: Óvissan í rekstrinum „því miður aukist mikið“ Innlent Trúa varla að tollahækkanirnar séu að skella á Innlent Lax ofan Stuðlagils gæti hafa veiðst lengst frá sjó á Íslandi Innlent Handtekin fyrir ölvunarakstur eftir grænt ljós frá löggunni Innlent Gagnrýndur fyrir að nota gervigreind í embættisstörfum Erlent Herða öryggisreglur eftir slysið: „Þetta hafa verið mjög erfiðir dagar“ Innlent Flugeldum kastað að fólki á Akureyri Innlent Clinton-hjónin krafin svara vegna Epstein-málsins Erlent Neyddur til að taka ketamín og sjónvarpi kastað í höfuð hans Innlent Fleiri fréttir Segja upp og draga úr útgáfu: Óvissan í rekstrinum „því miður aukist mikið“ Lax ofan Stuðlagils gæti hafa veiðst lengst frá sjó á Íslandi Trúa varla að tollahækkanirnar séu að skella á Til skoðunar að hafa mannskap við vöktun í Reynisfjöru Herða öryggisreglur eftir slysið: „Þetta hafa verið mjög erfiðir dagar“ Flugeldum kastað að fólki á Akureyri Handtekin fyrir ölvunarakstur eftir grænt ljós frá löggunni Ráðstafanir í Reynisfjöru, tollar og lax á sjaldséðum slóðum Boðar fund um tolla Trumps og ESB Rauða ljósið mun blikka fyrr Enn má búast við gosmóðu þó eldgosinu sé lokið í bili Flutti lítra af kókaínvökva til landsins gegn greiðslu „Samstaða skapar samfélag“ er þema Hinsegin daga Strangari reglur og ný gjaldskrá til að „tempra kraftmikla fólksfjölgun“ Neyddur til að taka ketamín og sjónvarpi kastað í höfuð hans Tollar Trumps muni hafa tilætluð áhrif Sendir „dylgjur“ Haralds aftur til föðurhúsanna Allt bendir til þess að eldgosinu sé lokið Vörubifreið ekið á vegfarandann Útlendingamálin, Reynisfjara og Hinsegin dagar Ferðamenn gangi á eigin ábyrgð til leiks við náttúru Íslands Ekið á gangandi vegfaranda við Kaplakrika Boðar „norsku leiðina“ í útlendingamálum Mjög lítil virkni en mallar enn Reyndist ekki borgunarmaður fyrir vikudvölinni Ekki stóra málið hvað við köllum „leyniþjónustuna“ Þýskir klettaklifrarar slógust í hóp með björgunarmönnum Vill að maðurinn viðurkenni að hann sé ekki faðir drengsins Íbúar á gömlum og fallegum dráttarvélum í Hrísey Þrettán kærðir fyrir ölvunarakstur og hundruð stöðvuð vegna hraðaksturs Sjá meira
Þarna er um að ræða óbyggð víðerni á landi Dranga í Árneshreppi. Bergþór Ólason þingmaður Miðflokksins sagði furðulegt að Guðmundur Ingi Guðbrandsson þáverandi umhverfisráðherra hefði friðað landið daginn fyrir lyklaskipti á ráðuneytum. Þessi friðun gæti haft áhrif á byggingu Hvalárvirkjunar sem væri í nýtingarflokki rammaáætlunar um virkjun og nýtingu landsvæða. Um þetta spunnust síðan miklar umræður sem og um fjárútlát einstakra ráðherra í aðdraganda kosninganna. „Að einn hæst virtur ráðherra skuli hafa afgreitt þetta án nokkurs samráðs við þingið, án nokkurs samráðs við arftaka sinn. Sem kemur greinilega af fjöllum en þó ekki fjöllum Vestfjarða. Og gera þetta rétt áður en hann færir sig í annað ráðuneyti,“ sagði Sigmundur Davíð Gunnlaugsson formaður Miðflokksins. Sigmundur Davíð Gunnlaugsson, formaður Miðflokksins.Vísir/Vilhelm Logi Einarsson formaður Samfylkingarinnar tók undir með Sigmundi Davíð. „Þetta eru ótrúlega undarleg vinnubrögð. Þau eru auðvitað síðasti hlekkurinn í atburðarás sem hófst síðasta vor. Þegar ráðherrarnir fóru ríðandi um héruð til að borga og friðlýsa og kaupa sér velvild kjósenda í landinu,“ sagði Logi. Hanna Katrín Friðriksson þingflokksformaður Viðreisnar spurði hvort vænta mætti þess að ágreiningur milli stjórnarflokkanna yrði afgreiddur með þessum hætti þeirra á milli og án aðkomu þingsins. „Þetta er mikilvægara en svo að það sé hægt að útkljá það í sandkassa,“ sagði Hanna Katrín. Fjármálaráðherra segir Alþingi en ekki ráðherra hafa fjárveitingarvaldið Bjarni Benediktsson fjármálaráðherra blandaði sér í umræðuna. „Það er enginn skortur á tækifærum fyrir Alþingi til að veita stjórnarráðinu aðhald. Einstökum ráðherrum, ríkisstjórninni í nefndum, hér í þingsal,“ sagði fjármálaráðherra, Hanna Katrín Friðriksson situr á Alþingi fyrir Viðreisn.Vísir/Vilhelm „Hins vegar er því haldið fram að ráðherrar hafi hér frjálsar hendur um að dreifa peningum um samfélagið eins og einn háttvirtur þingmaður nefndi hér áðan. Auðvitað algerlega skautað framhjá því að það er Alþingi sem fer með fjárveitingarvaldið,“ sagði Bjarni og fullyrti að ráðherrar færu algerlega eftir fjárheimildum Alþingis. Þorbjörg Sigríður Gunnlaugsdóttir þingmaður Viðreisnar sagði Alþingi hins vegar hafa verið haldið frá hlutverki sínu. „Þingi var slitið 13. júní. Það kom aftur saman í desembermánuði. Þingið hefur verið í engri stöðu til að veita ríkisstjórninni aðhald. Einfaldlega vegna þess að það var búið þannig um hnútana að þingið var ekki að störfum,“ sagði Þorbjörg. Móta þarf aðgerðir fyrir þá sem enn sæta samkomutakmörkunum Fjármálaráðherra stóð hins vegar í fleiru á Alþngi því fyrsta umræða um tekjufrumvörp og skatta og gjaldafrumvörp næsta árs hófst á Alþingi í dag. Þar sýnist mörgum að gera megi betur en Bjarni segir ríkisstjórnina leggja sitt að mörkum með því að hækka ekki króntöluskatta eins og tóbaks og bensíngjöld umfram 2,5 prósenta verðbólgumarkmið Seðlbankans. „Jafnvel þótt verðbólgan á þessu ári og næsta sé þar yfir. Þannig að þessi gjöld eru að rýrna að raungildi. En þau hækka um tvö og hálft prósent,“ segir fjármálaráðherra. Hver er stefna ríkisstjórnarinnar með þessum tekjufrumvörpum á þessum tímapunkti þegar útgjöld ríkissjóðs hafa auðvitað hafa verið gífurleg á undanförnum tveimur árum vegna faraldursins? „Stefnan sem við höfum verið að reka er að segja að rétta viðbragðið við því að hérna tapast tuttugu þúsund störf er að bíða og styðja. Vera með ívilnanir. Sætta sig við að tekjur ríkissjóðs falla tímabundið og trúa því að með því að fara ekki í skattahækkanir og vera ekki í niðurskurði og bæta frekar í fjárfestingu muni þessi tími klára siglíða hjá og störfin verða til. Þetta er að gerast núna,“ segir Bjarni. Bjarni Benediktsson fjármálaráðherra blandaði sér í umræðuna.Vísir/Vilhelm Ýmsar vinnumarkaðsaðgerðir renni bráttút enda uppfylli margir ekki skilyrði þeirra vegna minna atvinnuleysis. Hins vegar verði að grípa til úrræða fyir þá sem verði enn að hafa lokað eða eru með mjög skertan opnunartíma. „Það höfum við gert í gegnum allan þennan faraldur og við þurfum að ljúka við smíði slíkra úrræða í samræmi við ástandið núna og þessar nýjustu ákvarðanir um samkomutakmarkanir,“ segir Bjarni Benediktsson.
Alþingiskosningar 2021 Alþingi Umhverfismál Árneshreppur Ríkisstjórn Katrínar Jakobsdóttur Vinstri græn Deilur um Hvalárvirkjun Mest lesið Dánarorsök Ozzy Osbourne ljós Erlent Segja upp og draga úr útgáfu: Óvissan í rekstrinum „því miður aukist mikið“ Innlent Trúa varla að tollahækkanirnar séu að skella á Innlent Lax ofan Stuðlagils gæti hafa veiðst lengst frá sjó á Íslandi Innlent Handtekin fyrir ölvunarakstur eftir grænt ljós frá löggunni Innlent Gagnrýndur fyrir að nota gervigreind í embættisstörfum Erlent Herða öryggisreglur eftir slysið: „Þetta hafa verið mjög erfiðir dagar“ Innlent Flugeldum kastað að fólki á Akureyri Innlent Clinton-hjónin krafin svara vegna Epstein-málsins Erlent Neyddur til að taka ketamín og sjónvarpi kastað í höfuð hans Innlent Fleiri fréttir Segja upp og draga úr útgáfu: Óvissan í rekstrinum „því miður aukist mikið“ Lax ofan Stuðlagils gæti hafa veiðst lengst frá sjó á Íslandi Trúa varla að tollahækkanirnar séu að skella á Til skoðunar að hafa mannskap við vöktun í Reynisfjöru Herða öryggisreglur eftir slysið: „Þetta hafa verið mjög erfiðir dagar“ Flugeldum kastað að fólki á Akureyri Handtekin fyrir ölvunarakstur eftir grænt ljós frá löggunni Ráðstafanir í Reynisfjöru, tollar og lax á sjaldséðum slóðum Boðar fund um tolla Trumps og ESB Rauða ljósið mun blikka fyrr Enn má búast við gosmóðu þó eldgosinu sé lokið í bili Flutti lítra af kókaínvökva til landsins gegn greiðslu „Samstaða skapar samfélag“ er þema Hinsegin daga Strangari reglur og ný gjaldskrá til að „tempra kraftmikla fólksfjölgun“ Neyddur til að taka ketamín og sjónvarpi kastað í höfuð hans Tollar Trumps muni hafa tilætluð áhrif Sendir „dylgjur“ Haralds aftur til föðurhúsanna Allt bendir til þess að eldgosinu sé lokið Vörubifreið ekið á vegfarandann Útlendingamálin, Reynisfjara og Hinsegin dagar Ferðamenn gangi á eigin ábyrgð til leiks við náttúru Íslands Ekið á gangandi vegfaranda við Kaplakrika Boðar „norsku leiðina“ í útlendingamálum Mjög lítil virkni en mallar enn Reyndist ekki borgunarmaður fyrir vikudvölinni Ekki stóra málið hvað við köllum „leyniþjónustuna“ Þýskir klettaklifrarar slógust í hóp með björgunarmönnum Vill að maðurinn viðurkenni að hann sé ekki faðir drengsins Íbúar á gömlum og fallegum dráttarvélum í Hrísey Þrettán kærðir fyrir ölvunarakstur og hundruð stöðvuð vegna hraðaksturs Sjá meira