Stöku él og um frost­mark suð­vestan­til

Á vef Veðurstofunnar segir að suðvestan- og vestantil á landinu verði hins vegar stöku él og hiti í kringum frostmark, og þar gangi í suðvestan átta til fimmtán metrar á sekúndu seinnipartinn með skúrum eða éljum.

„Seint í kvöld fer að snjóa á Austurlandi.

Austlæg átt 5-13 m/s á morgun og úrkoma með köflum í flestum landshlutum, og verður hún ýmist snjókoma, slydda eða rigning. Hiti nálægt frostmarki.“

Veðurhorfur á landinu næstu daga

Á fimmtudag: Austlæg átt 5-13 m/s og rigning eða snjókoma með köflum, einkum S-lands. Hiti um og yfir frostmarki, en vægt frost inn til landsins.

Á föstudag: Norðaustlæg eða breytileg átt 3-10 og dálítil rigning eða snjókoma á víð og dreif, en þurrt að kalla S-til. Frost 0 til 9 stig, en frostlaust við A-ströndina. Vaxandi suðaustanátt um kvöldið.

Á laugardag: Suðaustan og austan 15-23 og rigning eða slydda, en úrkomulítið á N-landi. Talsverð úrkoma um landið SA-vert. Hiti 1 til 7 stig. Dregur úr vindi um kvöldið.

Á sunnudag og mánudag: Suðlæg átt og skúrir eða slydduél, en þurrt á NA- og A-landi. Kólnar heldur.

Á þriðjudag: Suðvestanátt og rigning eða snjókoma með köflum. Hiti 0 til 5 stig.