Atli Sigurjónsson til Williams & Halls

Atli er með B.Sc. og M.Sc. gráðu í lyfjafræði frá Háskóla Íslands og starfaði um árabil hjá Medis, dótturfélagi ísraelska lyfjafyrirtækisins Teva, við viðskiptaþróun og eignastýringu. Áður starfaði Atli meðal annars sem leyfishafi heildsölu hjá Lyfjaveri.

Þetta kemur fram í tilkynningu frá Williams & Halls. Jón Óskar Hinriksson framkvæmdastjóri segir að ráðningin styrki enn frekar faglega þekkingu og efli sóknarfæri fyrirtækisins.

„Skilaboð til markaðsins eru skýr og þau eru að fyrirtækið ætlar sér enn stærri hluti í náinni framtíð og er ráðning Atla til marks um metnað félagsins til að gera betur.”