Þetta kemur fram í tilkynningu frá Kennarasambandinu, en atkvæðagreiðsla hófst þriðjudaginn 15. mars og lauk klukkan tíu í dag.
Niðurstaða atkvæðagreiðslunnar er svohljóðandi:
- Á kjörskrá voru 5.170
- Atkvæði greiddu 3.610 eða 69,83%
- Já sögðu 2.254 eða 62,44%
- Nei sögðu 1.161 eða 32,16%
- Auðir voru 195 eða 5,40%
Mikill meirihluti félagsmanna í Félagi grunnskólakennara felldi kjarasamning félagsins og Sambands íslenskra sveitarfélaga sem skrifað var undir í lok desember. Þá sögðu 73,71 prósent nei en já sögðu 24,82 prósent. Hófust þá viðræður á ný sem hefur þá skilað sér í þessum nýja samningi sem undirritaður var 10. mars síðastliðinn.
Gildistími hins nýja kjarasamnings sé frá 1. janúar 2022 til 31. mars 2023.
