PSG með níu og hálfan fingur á meistaratitlinum

Kylian Mbappé gerði fyrsta mark leiksins á 28. mínútu þegar hann spólar sig í gegnum vörn Angers og klárar hárnákvæmt niður í fjær hornið.

Sergio Ramos tvöfaldaði forystu gestanna með kollspyrnu eftir fyrirgjöf Di María rétt fyrir hálfleik.

Marquinhos kláraði svo dæmið fyrir PSG á 77. mínútu þegar hann skallar knöttinn í autt net Angers, aftur eftir undirbúning Di María. Það skipti ekki miklu máli þótt Edouard Michut, leikmaður PSG, fékk rautt spjald á 91. mínútu.

Sigur PSG þýðir að liðið heldur 15 stiga forystu á toppi deildarinnar þegar 15 stig eru eftir í pottinum í síðustu fimm leikjunum.