Framsóknarflokkurinn sniðgengur börn af erlendum uppruna í borginni Sara Björg Sigurðardóttir skrifar 22. apríl 2022 10:31 Öll sveitarfélög landsins fá framlög úr Jöfnunarsjóði sveitarfélaga vegna barna af erlendum uppruna - nema Reykjavík. Borgin hefur stefnt ríkinu vegna þessa og stefnir allt í að þessi framlög verði útkljáð fyrir dómstólum. Öll börn í Garðabæ af erlendum uppruna fá fjármagn frá Jöfnunarsjóði, öll börn í Kópavogi, öll börn í Hafnarfirði - öll börn nema í Reykjavík. Á dögunum sagðist nýr oddviti Framsóknarflokksins í borginni styðja formanninn sinn og reyndi að aftengja framboð flokksins í Reykjavík frá formanninum og óréttlætanlegri framgöngu hans gagnvart konu af erlendum uppruna. Um leið sagði hann kjósendum að að Framsókn væri umburðalyndur fjölmenningarsinnaður velferðaflokkur og þau sem væru í framboði bæru hag fjölmenningarsamfélagsins mjög fyrir brjósti. Ef Framsóknarflokknum væri í raun umburðarlyndur fjölmenningasinnaður velferðarflokkur þá myndi flokkurinn ekki standa fyrir þeirri mismunun ár eftir ár að Reykjavíkurborg sé útilokuð frá framlögum Jöfnunarsjóðs sveitarfélaga vegna grunnskólareksturs og þjónustu við börn með annað móðurmál en íslensku. Við erum að tala um einn viðkvæmasta hóp barna í íslensku skólakerfi. Sigurður Ingi hefði, sem innviðaráðherra, getað komið til móts við borgina og leiðrétt þennan mismun en gerði það ekki og virðast hvorki barna- og menntamála ráðherra, Ásmundur Einar Daðason, né ráðherra íslenskunnar, Lilja Alfreðsdóttir, heldur hafa áhuga málinu. Bæði eru þau flokkssystkyni Einars og Sigurðar Ingar. Skilaboðin gætu ekki verið skýrari. Er Framsókn að hugsa um grunnskólabörn í borginni? Nei. Er Framsókn að hugsa um stöðu barna af erlendum uppruna? Nei. Að minnsta ekki þeim meirihluta barna af erlendum uppruna sem býr í Reykjavík. Línuleg fjölgun fjöltyngdra barna í borginni Í tölulegum upplýsingum sem Skóla- og frístundasvið heldur úti má sjá línulega fjölgun fjöltyngdra barna í leik- og grunnskólum borgarinnar síðustu sex árin. Hvergi á Íslandi er fjölbreyttari samsetning íbúa en í hverfinu mínu, Breiðholti. Þegar horft er á fjölgun barna yfir síðasta kjörtímabil í grunnskólum borgarinnar hefur þeim fjölgað úr rúmlega 2.200 yfir í tæplega 3.000 börn á árinu 2021. Jöfnunarsjóður greiðir 130.000 krónur með börnum annarra sveitarfélaga en Reykjavik og því verða börn af erlendum uppruna tæplega 390 milljónum króna bara fyrir árið 2021. Á þessu kjörtímabili erum við að tala um rúmlega 1,4 milljarð króna sem börn af erlendum uppruna hafa verið sniðgengin um og fjölmennasti hópurinn býr í hverfinu mínu, Breiðholti. Ef Framsókn er umburðarlyndur, fjölmenningasinnaður velferðarflokkur, hvers vegna láta þá formaður flokksins, tveir Reykjavíkurþingmenn á ráðherrastólum og oddviti borgarstjórnarframboðsins, nýfluttur í Breiðholt, þennan ójöfnuð viðgangast? Lýðskrum Framsóknarflokkurinn hefur markvisst sniðgengið grunnskóla í borginni og börn með annað móðurmál en íslensku með svimandi háum fjárhæðum, sjá nánar í grein sem ég skrifaði fyrr í vetur um þá fjármuni sem borgin verður af. Þannig hafa fyrrnefndir þrír ráðherrar flokksins sniðgengið ítrekað börn af erlendum uppruna. Það sem er enn áhugaverða er að bæði Lilja og Ásmundur eru oddvitar í þinginu fyrir Reykvíkinga. Lilja hreykir sér af því á tyllidögum að vera Breiðhyltingur, mætir galvösk í Gísla Marteinn og segist þykja svo vænt um gamla hverfið sitt og Fellaskóla. Nýr oddviti Framsóknar, Einar Þorsteinsson, er ný fluttur upp í Breiðholt. Fluttur inn í mekka fjölmenningar og fjölbreytileika. Öll tala fyrir fyrir velferð og hagsmunum barna en skilja börnin í grunnskólum borgarinnar eftir og reka svo smiðshöggið í börn með annað móðurmál en íslensku. Jóhann Páll Jóhannsson þingmaður Samfylkingarinnar lagði fram frumvarp í þinginu fyrir stuttu ásamt níu öðrum þingmönnum úr minnihluta þar sem lagt er til að bundinn verði endi á þessa mismunun gegn börnum í Reykjavík. Ef Framsóknarflokkurinn vill vera trúverðugur í málflutningi sínum sem umburðalyndur, fjölmenningasinnaður velferðaflokkur þá munu þingmenn flokksins, ráðherra Jöfnunarsjóðs, barna- og menntamála ráðherra og ráðherra íslenskunnar tala fyrir þessu frumvarpi og samþykkja. Ef ekki þá er flokknum ekki treystandi sem málsvara barna af erlendum uppruna eða sem borgarflokks heldur er um hreint lýðskrum að ræða. Samfylkingin í borginni forgangsraðar í þágu barna af erlendum uppruna Í kosningastefnu Samfylkingarinnar 2018 var kafli um aðgerðaáætlun um málefni barna með annað móðurmál en íslensku og hún er komin í framkvæmd. Með henni var lögð rík áhersla á að jafna tækifæri þessara barna og jafnaldra þeirra til menntunar enda er íslensku færni grundvallaratriði varðandi lýðræðislega þátttöku, jafnrétti í skóla- og frístundastarfi og samfélaginu öllu. Framlög til íslenskukennslu voru hækkuð um tæpan helming eða 143 milljónir á ári eða 429 milljónir króna alls. Samfylkingin mismunar ekki börnum út frá uppruna og búsetu eins og Framsóknarflokkurinn gerir. Fáum við skýrt umboð frá borgarbúum í kosningunum 14. maí nk munum við áfram forgangsraða í þágu barna með annað móðurmál en íslensku enda ekkert eins mikilvægara og að tryggja börnum jöfn tækifæri til menntunar. Setjum X- við S þann 14. maí 2022. Höfundur er varaborgarfulltrúi Samfylkingarinnar, búsett í Breiðholti og skipar 7. sæti á lista Samfylkingar fyrir borgarstjórnarkosningarnar 14. maí 2022. Viltu birta grein á Vísi? Sendu okkur póst. Senda grein Sara Björg Sigurðardóttir Samfylkingin Framsóknarflokkurinn Reykjavík Börn og uppeldi Innflytjendamál Ríkisstjórn Katrínar Jakobsdóttur Grunnskólar Skóla - og menntamál Skoðun: Kosningar 2022 Sveitarstjórnarkosningar 2022 Mest lesið Okur fákeppni og ofurvextir halda uppi verðbólgu Þorsteinn Sæmundsson Skoðun Tvær leiðir færar til þess að skóli fyrir alla geti virkað Íris Björk Eysteinsdóttir Skoðun Sameiginlegt sundkort fyrir höfuðborgarsvæðið – löngu tímabært Þórdís Lóa Þórhallsdóttir Skoðun Viltu hafa jákvæð áhrif þegar þú ferðast? Ásdís Guðmundsdóttir Skoðun Ástarsvik ein tegund ofbeldis gegn eldra fólki Kolbrún Áslaugar Baldursdóttir Skoðun Sköpum samfélag fyrir börn Gunnar Salvarsson Skoðun Viljum við læra af sögunni eða endurtaka hana? Arndís Anna Kristínardóttir Gunnarsdóttir Skoðun Lítil bleik slaufa kemur miklu til leiðar Halla Þorvaldsdóttir Skoðun Óverjandi framkoma við fyrirtæki Ólafur Stephensen Skoðun Skrift er málið Guðbjörg Rut Þórisdóttir Skoðun Skoðun Skoðun Okur fákeppni og ofurvextir halda uppi verðbólgu Þorsteinn Sæmundsson skrifar Skoðun Óverjandi framkoma við fyrirtæki Ólafur Stephensen skrifar Skoðun Viljum við læra af sögunni eða endurtaka hana? Arndís Anna Kristínardóttir Gunnarsdóttir skrifar Skoðun Réttlæti hins sterka. Þegar vitleysan í dómsal slær allt út Jörgen Ingimar Hansson skrifar Skoðun Sameiginlegt sundkort fyrir höfuðborgarsvæðið – löngu tímabært Þórdís Lóa Þórhallsdóttir skrifar Skoðun Frá Peking 1995 til 2025: Samstarf, framþróun og ný heimsskipan Karl Héðinn Kristjánsson skrifar Skoðun Ástarsvik ein tegund ofbeldis gegn eldra fólki Kolbrún Áslaugar Baldursdóttir skrifar Skoðun Lítil bleik slaufa kemur miklu til leiðar Halla Þorvaldsdóttir skrifar Skoðun Fræ menntunar – frá Froebel til Jung Kristín Magdalena Ágústsdóttir skrifar Skoðun 1500 vanvirk ungmenni í Reykjavík Magnea Gná Jóhannsdóttir skrifar Skoðun Hvað eiga kaffihúsin á 18. öld á Englandi og gervigreind sameiginlegt? Stefán Atli Rúnarsson skrifar Skoðun Að hafa trú á samfélaginu Hjálmar Bogi Hafliðason skrifar Skoðun Sköpum samfélag fyrir börn Gunnar Salvarsson skrifar Skoðun Skrift er málið Guðbjörg Rut Þórisdóttir skrifar Skoðun Viltu hafa jákvæð áhrif þegar þú ferðast? Ásdís Guðmundsdóttir skrifar Skoðun Tvær leiðir færar til þess að skóli fyrir alla geti virkað Íris Björk Eysteinsdóttir skrifar Skoðun Örorkubyrði og örorkuframlag lífeyrissjóða Björgvin Jón Bjarnason skrifar Skoðun Komið gott! Álfhildur Leifsdóttir,Hólmfríður Jennýjar Árnadóttir skrifar Skoðun Gervigreind er persónulegi kennarinn þinn – Lærum að læra upp á nýtt Sigvaldi Einarsson skrifar Skoðun Gegn áætluðu kílómetragjaldi stjórnvalda á bifhjól Matthías Arngrímsson skrifar Skoðun Tillaga um hærri vörugjöld á mótorhjól er skref aftur á bak Unnar Már Magnússon skrifar Skoðun Hvernig hugsar þú um hreint vatn? Lovísa Árnadóttir skrifar Skoðun Takk Vigdís! Takk Guðni! Takk Halla! — Takk þjóð! Hjörtur Hjartarson skrifar Skoðun Blóðmerar - skeytingarleysi hinna þriggja valda Árni Stefán Árnason skrifar Skoðun Krefjandi tímar í veitingageiranum Einar Bárðarson skrifar Skoðun Má endalaust vera níðingur!! Arna Magnea Danks skrifar Skoðun Um pólitík óttans, öryggisvæðingu fólksflótta og hina ICElensku varðhaldsstöð Sema Erla Serdaroglu skrifar Skoðun Silfurfat Samfylkingarinnar Helgi Áss Grétarsson skrifar Skoðun Opið bréf til Jóhanns Páls Jóhannssonar umhverfis-, orku- og loftlagsráðherra Kolbrún Georgsdóttir skrifar Skoðun Fjármálabylting: Gervigreind og táknvæðing fyrir almenning Björgmundur Örn Guðmundsson skrifar Sjá meira
Öll sveitarfélög landsins fá framlög úr Jöfnunarsjóði sveitarfélaga vegna barna af erlendum uppruna - nema Reykjavík. Borgin hefur stefnt ríkinu vegna þessa og stefnir allt í að þessi framlög verði útkljáð fyrir dómstólum. Öll börn í Garðabæ af erlendum uppruna fá fjármagn frá Jöfnunarsjóði, öll börn í Kópavogi, öll börn í Hafnarfirði - öll börn nema í Reykjavík. Á dögunum sagðist nýr oddviti Framsóknarflokksins í borginni styðja formanninn sinn og reyndi að aftengja framboð flokksins í Reykjavík frá formanninum og óréttlætanlegri framgöngu hans gagnvart konu af erlendum uppruna. Um leið sagði hann kjósendum að að Framsókn væri umburðalyndur fjölmenningarsinnaður velferðaflokkur og þau sem væru í framboði bæru hag fjölmenningarsamfélagsins mjög fyrir brjósti. Ef Framsóknarflokknum væri í raun umburðarlyndur fjölmenningasinnaður velferðarflokkur þá myndi flokkurinn ekki standa fyrir þeirri mismunun ár eftir ár að Reykjavíkurborg sé útilokuð frá framlögum Jöfnunarsjóðs sveitarfélaga vegna grunnskólareksturs og þjónustu við börn með annað móðurmál en íslensku. Við erum að tala um einn viðkvæmasta hóp barna í íslensku skólakerfi. Sigurður Ingi hefði, sem innviðaráðherra, getað komið til móts við borgina og leiðrétt þennan mismun en gerði það ekki og virðast hvorki barna- og menntamála ráðherra, Ásmundur Einar Daðason, né ráðherra íslenskunnar, Lilja Alfreðsdóttir, heldur hafa áhuga málinu. Bæði eru þau flokkssystkyni Einars og Sigurðar Ingar. Skilaboðin gætu ekki verið skýrari. Er Framsókn að hugsa um grunnskólabörn í borginni? Nei. Er Framsókn að hugsa um stöðu barna af erlendum uppruna? Nei. Að minnsta ekki þeim meirihluta barna af erlendum uppruna sem býr í Reykjavík. Línuleg fjölgun fjöltyngdra barna í borginni Í tölulegum upplýsingum sem Skóla- og frístundasvið heldur úti má sjá línulega fjölgun fjöltyngdra barna í leik- og grunnskólum borgarinnar síðustu sex árin. Hvergi á Íslandi er fjölbreyttari samsetning íbúa en í hverfinu mínu, Breiðholti. Þegar horft er á fjölgun barna yfir síðasta kjörtímabil í grunnskólum borgarinnar hefur þeim fjölgað úr rúmlega 2.200 yfir í tæplega 3.000 börn á árinu 2021. Jöfnunarsjóður greiðir 130.000 krónur með börnum annarra sveitarfélaga en Reykjavik og því verða börn af erlendum uppruna tæplega 390 milljónum króna bara fyrir árið 2021. Á þessu kjörtímabili erum við að tala um rúmlega 1,4 milljarð króna sem börn af erlendum uppruna hafa verið sniðgengin um og fjölmennasti hópurinn býr í hverfinu mínu, Breiðholti. Ef Framsókn er umburðarlyndur, fjölmenningasinnaður velferðarflokkur, hvers vegna láta þá formaður flokksins, tveir Reykjavíkurþingmenn á ráðherrastólum og oddviti borgarstjórnarframboðsins, nýfluttur í Breiðholt, þennan ójöfnuð viðgangast? Lýðskrum Framsóknarflokkurinn hefur markvisst sniðgengið grunnskóla í borginni og börn með annað móðurmál en íslensku með svimandi háum fjárhæðum, sjá nánar í grein sem ég skrifaði fyrr í vetur um þá fjármuni sem borgin verður af. Þannig hafa fyrrnefndir þrír ráðherrar flokksins sniðgengið ítrekað börn af erlendum uppruna. Það sem er enn áhugaverða er að bæði Lilja og Ásmundur eru oddvitar í þinginu fyrir Reykvíkinga. Lilja hreykir sér af því á tyllidögum að vera Breiðhyltingur, mætir galvösk í Gísla Marteinn og segist þykja svo vænt um gamla hverfið sitt og Fellaskóla. Nýr oddviti Framsóknar, Einar Þorsteinsson, er ný fluttur upp í Breiðholt. Fluttur inn í mekka fjölmenningar og fjölbreytileika. Öll tala fyrir fyrir velferð og hagsmunum barna en skilja börnin í grunnskólum borgarinnar eftir og reka svo smiðshöggið í börn með annað móðurmál en íslensku. Jóhann Páll Jóhannsson þingmaður Samfylkingarinnar lagði fram frumvarp í þinginu fyrir stuttu ásamt níu öðrum þingmönnum úr minnihluta þar sem lagt er til að bundinn verði endi á þessa mismunun gegn börnum í Reykjavík. Ef Framsóknarflokkurinn vill vera trúverðugur í málflutningi sínum sem umburðalyndur, fjölmenningasinnaður velferðaflokkur þá munu þingmenn flokksins, ráðherra Jöfnunarsjóðs, barna- og menntamála ráðherra og ráðherra íslenskunnar tala fyrir þessu frumvarpi og samþykkja. Ef ekki þá er flokknum ekki treystandi sem málsvara barna af erlendum uppruna eða sem borgarflokks heldur er um hreint lýðskrum að ræða. Samfylkingin í borginni forgangsraðar í þágu barna af erlendum uppruna Í kosningastefnu Samfylkingarinnar 2018 var kafli um aðgerðaáætlun um málefni barna með annað móðurmál en íslensku og hún er komin í framkvæmd. Með henni var lögð rík áhersla á að jafna tækifæri þessara barna og jafnaldra þeirra til menntunar enda er íslensku færni grundvallaratriði varðandi lýðræðislega þátttöku, jafnrétti í skóla- og frístundastarfi og samfélaginu öllu. Framlög til íslenskukennslu voru hækkuð um tæpan helming eða 143 milljónir á ári eða 429 milljónir króna alls. Samfylkingin mismunar ekki börnum út frá uppruna og búsetu eins og Framsóknarflokkurinn gerir. Fáum við skýrt umboð frá borgarbúum í kosningunum 14. maí nk munum við áfram forgangsraða í þágu barna með annað móðurmál en íslensku enda ekkert eins mikilvægara og að tryggja börnum jöfn tækifæri til menntunar. Setjum X- við S þann 14. maí 2022. Höfundur er varaborgarfulltrúi Samfylkingarinnar, búsett í Breiðholti og skipar 7. sæti á lista Samfylkingar fyrir borgarstjórnarkosningarnar 14. maí 2022.
Skoðun Viljum við læra af sögunni eða endurtaka hana? Arndís Anna Kristínardóttir Gunnarsdóttir skrifar
Skoðun Sameiginlegt sundkort fyrir höfuðborgarsvæðið – löngu tímabært Þórdís Lóa Þórhallsdóttir skrifar
Skoðun Frá Peking 1995 til 2025: Samstarf, framþróun og ný heimsskipan Karl Héðinn Kristjánsson skrifar
Skoðun Hvað eiga kaffihúsin á 18. öld á Englandi og gervigreind sameiginlegt? Stefán Atli Rúnarsson skrifar
Skoðun Gervigreind er persónulegi kennarinn þinn – Lærum að læra upp á nýtt Sigvaldi Einarsson skrifar
Skoðun Um pólitík óttans, öryggisvæðingu fólksflótta og hina ICElensku varðhaldsstöð Sema Erla Serdaroglu skrifar
Skoðun Opið bréf til Jóhanns Páls Jóhannssonar umhverfis-, orku- og loftlagsráðherra Kolbrún Georgsdóttir skrifar
Skoðun Fjármálabylting: Gervigreind og táknvæðing fyrir almenning Björgmundur Örn Guðmundsson skrifar