Sjö starfsmönnum HSN sagt upp: „Þarna er verið að ráðast á tekjulægsta fólkið“ Hallgerður Kolbrún E. Jónsdóttir skrifar 11. maí 2022 15:42 Sjö starfsmönnum í ræstingu og þrifum hjá Heilbrigðisstofnun Norðurlands á Húsavík hefur verið sagt upp störfum. Vísir/Vilhelm Stéttarfélagið Framsýn mótmælir harðlega útboði á ræstingum og þrifi hjá Heilbrigðisstofnun Norðurlands, sem leitt hefur til þess að sjö félagsmenn Framsýnar hafa misst starfið hjá stofnuninni. Forstjórn HSN telur líklegt að fólkinu bjóðist störf hjá stofnuninni á næstu misserum. „Við teljum þetta vera glórulausar uppsagnir. Þarna er verið að segja upp sjö starfsmönnum, sem hafa verið að sjá um ræstingar og þrif og frekari aðstoð, í hagræðingarskyni. Því er borið við að stofnunin standi ekki vel fjárhagslega og þurfi að taka á sínum málum,“ segir Aðalsteinn Árni Baldursson, formaður stéttarfélagsins Framsýnar. Heilbrigðisstofnun Norðurlands boðaði nýverið til útboðs á ræstingum og þrifum hjá fimm starfsstöðvum stofnunarinnar í samstarfi við Ríkiskaup. Aðeins bárust tilboð í ræstingar hjá starfsstöðvum HSN á Akureyri og Húsavík, en ekki á Blönduósi, Sauðárkróki og Siglufirði. Stofnunin spari allt að 20 milljónir á ári Fyrirtækið Dagar bauð í verkefnið á Húsavík og fékk tilboðið samþykkt fyrir rúmar 29,7 milljónir króna á ári. Hreint fékk tilboð sitt samþykkt á Akureyri, fyrir rétt tæpar 8,3 milljónir króna á ári. Forstjóri HSN segir að með hagræðingunni spari stofnunin fimmtán til tuttugu milljónir króna á ári. „Stofnunin er rekin með halla og við erum að leita allra leiða til þess að hagræða og sú leið var farin að bjóða út ræstingar. Það kom hagstætt tilboð sem við höfum tekið. Ég geri ráð fyrir því að hluti af þeim starfsmönnum, sem hafa misst vinnuna þarna, að þeim muni bjóðast störf hjá okkur við önnur störf þegar þau losna,“ segir Jón Helgi Björnsson, forstjóri HSN, í samtali við fréttastofu. „Einhverjum mun bjóðast að koma til starfa hjá þessu fyrirtæki sem tekur við þessu verkefni. Almennt er nú gott atvinnuástand á svæðin og það vantar víða fólk þannig að ég held að menn eigi nú ekki að óttast það að fá ekki störf við sitt hæfi.“ Fóru fram á að uppsagnirnar yrðu dregnar til baka Aðalsteinn Árni, formaður Framsýnar, fordæmir uppsagnirnar. Sjö hafa misst vinnuna hjá starfsstöð HSN á Húsavík vegna hagræðinganna, þar af sex konur og einn karlmaður. „Þarna er verið að ráðast á tekjulægsta fólkið, láglaunakonur hjá stofnuninni. Svona vinnubrögð eru þessari stofnun til mikillar skammar og eiga bara ekki að viðgangast í dag, að menn hagi sér með þessum hætti,“ segir Aðalsteinn. „Við fórum fram á að þeir myndu endurskoða þetta og hætta við þessar uppsagnir en þeir urðu ekki við því að hætta við þær. Síðan er spurning hvaða snillingur gat fundið það út í excel skjali að þetta væri, þegar uppi er staðið, ódýrara fyrir stofnunina, að bjóa þetta út frekar en að halda í starfsfólkið.“ „Ég fordæmi þessi vinnubrögð og finnst ömurlegt að menn skuli ganga þessa leið. Við erum enn með þá kröfu að þeir endurskoði þetta, ráði fólkið upp a nýtt og hætti þessu bulli.“ Horfi til þjónustu sem snerti íbúana ekki beint Jón Helgi segir að með þessum aðgerðum sé stofnunin að reyna að verja þjónustuna við notendur sem best. „Við viljum gjarnan halda eins mörgu fagfólki við störf hjá okkur eins og við getum. Þannig að það má segja að stoðþjónustan, sama hvort það sé bókhald eða önnur slík þjónusta sé undir meira álagi en hjá þeim sem eru að vinna í beinni þjonustu við sjúklingana,“ segir Jón Helgi. „Við þurfum á öllum þeim læknum og hjúkrunarfræðingum, sem eru hér við störf, að halda til að veita þjónustu. Vissulega horfa stjórnendur á þætti sem ekki snúa beint að þjónustu við íbúana.“ Harðdrægt að halda rekstri heilbrigðisstofnunar réttu megin við núllið Hann gerir ráð fyrir að þeim sem sagt var upp muni bjóðast önnur störf hjá stofnuninni. „Ég þykist vita að það muni losna einhver störf hérna hjá okkur en auðvitað er fólki frjálst að þiggja það eða fara til annarra verkefna. En það verða einhver störf sem losna hérna hjá okkur og ég veit að það fyrirtæki sem tekur við þessu vill kanna hug þeirra starfsmanna sem hafa verið hér í vinnu hvort þeir hafi áhuga á að koma til starfa hjá þeim. Ég hef mikla trú á þí að þessi málefni starfsmanna muni leysast farsællega,“ segir Jón Helgi. Hann bendir á að stofnunin bjóði út alls konar verkefni, ekki bara ræstingar og þrif. „Það er verið að bjóða út snjómokstur og þvottaþjónustu á Húsavík. Það er bara mjör harðdrægt að halda rekstri heilbrigðisstofnana réttu megin við núllið og tryggja þjónustu við íbúana. Þetta er bara það sem menn þurfa að horfa framan í að þetta er harður heiur sem þarf að berjast við.“ Stéttarfélög Heilbrigðisstofnun Norðurlands Akureyri Norðurþing Mest lesið Læknir í Kópavogi blekkti fjölskyldu sína með lygasögu um krabbamein Innlent Fjöldauppsagnir á Keflavíkurflugvelli Innlent Segir herforingjum að búa sig undir átök gegn innlendum „óvinum“ Erlent Tillögum Trumps lýst sem uppgjöf Erlent Kallar þjóðaröryggisráð saman Innlent Fyrrum meðferðarheimili sett á sölu Innlent Sultuslakir strandaglópar eftir heilsuferð til Split Innlent Tugir drengja fastir í rústum skóla sem hrundi til grunna Erlent Hættir sem þingflokksformaður Innlent Ná ekki að leika árangur Wagner eftir Erlent Fleiri fréttir Ísland land númer 197 Skiptastjóri þurfi að ákveða hvort hann geri kröfu í dótturfélag Play Fjöldauppsagnir á Keflavíkurflugvelli Gjaldþrotið leiðir til hópuppsagnar og afarkostir Bandaríkjaforseta Fyrrum meðferðarheimili sett á sölu Strandaglópar slaga í tuttugu þúsund Sultuslakir strandaglópar eftir heilsuferð til Split Kallar þjóðaröryggisráð saman Verulegt högg fyrir ferðaþjónustuna Eftirköstin af gjaldþroti Play og friðaráætlun á Gasa Læknir í Kópavogi blekkti fjölskyldu sína með lygasögu um krabbamein Áhyggjur landsmanna af útbreiðslu hernaðarátaka í Evrópu aukast Hættir sem þingflokksformaður Sundlaugar borgarinnar verði bættar fyrir ungbarnafjölskyldur Hópslagsmál og hundaárás Vonsviknir ferðamenn og reiði út í Icelandair vegna hækkunar fargjalda Arnarflug lifað lengst í samkeppni við Icelandair Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Föst í Portúgal: „Siðlaust“ að fljúga vélunum út í morgun Fara yfir stöðuna vegna Play og skipuleggja sig Sjá meira
„Við teljum þetta vera glórulausar uppsagnir. Þarna er verið að segja upp sjö starfsmönnum, sem hafa verið að sjá um ræstingar og þrif og frekari aðstoð, í hagræðingarskyni. Því er borið við að stofnunin standi ekki vel fjárhagslega og þurfi að taka á sínum málum,“ segir Aðalsteinn Árni Baldursson, formaður stéttarfélagsins Framsýnar. Heilbrigðisstofnun Norðurlands boðaði nýverið til útboðs á ræstingum og þrifum hjá fimm starfsstöðvum stofnunarinnar í samstarfi við Ríkiskaup. Aðeins bárust tilboð í ræstingar hjá starfsstöðvum HSN á Akureyri og Húsavík, en ekki á Blönduósi, Sauðárkróki og Siglufirði. Stofnunin spari allt að 20 milljónir á ári Fyrirtækið Dagar bauð í verkefnið á Húsavík og fékk tilboðið samþykkt fyrir rúmar 29,7 milljónir króna á ári. Hreint fékk tilboð sitt samþykkt á Akureyri, fyrir rétt tæpar 8,3 milljónir króna á ári. Forstjóri HSN segir að með hagræðingunni spari stofnunin fimmtán til tuttugu milljónir króna á ári. „Stofnunin er rekin með halla og við erum að leita allra leiða til þess að hagræða og sú leið var farin að bjóða út ræstingar. Það kom hagstætt tilboð sem við höfum tekið. Ég geri ráð fyrir því að hluti af þeim starfsmönnum, sem hafa misst vinnuna þarna, að þeim muni bjóðast störf hjá okkur við önnur störf þegar þau losna,“ segir Jón Helgi Björnsson, forstjóri HSN, í samtali við fréttastofu. „Einhverjum mun bjóðast að koma til starfa hjá þessu fyrirtæki sem tekur við þessu verkefni. Almennt er nú gott atvinnuástand á svæðin og það vantar víða fólk þannig að ég held að menn eigi nú ekki að óttast það að fá ekki störf við sitt hæfi.“ Fóru fram á að uppsagnirnar yrðu dregnar til baka Aðalsteinn Árni, formaður Framsýnar, fordæmir uppsagnirnar. Sjö hafa misst vinnuna hjá starfsstöð HSN á Húsavík vegna hagræðinganna, þar af sex konur og einn karlmaður. „Þarna er verið að ráðast á tekjulægsta fólkið, láglaunakonur hjá stofnuninni. Svona vinnubrögð eru þessari stofnun til mikillar skammar og eiga bara ekki að viðgangast í dag, að menn hagi sér með þessum hætti,“ segir Aðalsteinn. „Við fórum fram á að þeir myndu endurskoða þetta og hætta við þessar uppsagnir en þeir urðu ekki við því að hætta við þær. Síðan er spurning hvaða snillingur gat fundið það út í excel skjali að þetta væri, þegar uppi er staðið, ódýrara fyrir stofnunina, að bjóa þetta út frekar en að halda í starfsfólkið.“ „Ég fordæmi þessi vinnubrögð og finnst ömurlegt að menn skuli ganga þessa leið. Við erum enn með þá kröfu að þeir endurskoði þetta, ráði fólkið upp a nýtt og hætti þessu bulli.“ Horfi til þjónustu sem snerti íbúana ekki beint Jón Helgi segir að með þessum aðgerðum sé stofnunin að reyna að verja þjónustuna við notendur sem best. „Við viljum gjarnan halda eins mörgu fagfólki við störf hjá okkur eins og við getum. Þannig að það má segja að stoðþjónustan, sama hvort það sé bókhald eða önnur slík þjónusta sé undir meira álagi en hjá þeim sem eru að vinna í beinni þjonustu við sjúklingana,“ segir Jón Helgi. „Við þurfum á öllum þeim læknum og hjúkrunarfræðingum, sem eru hér við störf, að halda til að veita þjónustu. Vissulega horfa stjórnendur á þætti sem ekki snúa beint að þjónustu við íbúana.“ Harðdrægt að halda rekstri heilbrigðisstofnunar réttu megin við núllið Hann gerir ráð fyrir að þeim sem sagt var upp muni bjóðast önnur störf hjá stofnuninni. „Ég þykist vita að það muni losna einhver störf hérna hjá okkur en auðvitað er fólki frjálst að þiggja það eða fara til annarra verkefna. En það verða einhver störf sem losna hérna hjá okkur og ég veit að það fyrirtæki sem tekur við þessu vill kanna hug þeirra starfsmanna sem hafa verið hér í vinnu hvort þeir hafi áhuga á að koma til starfa hjá þeim. Ég hef mikla trú á þí að þessi málefni starfsmanna muni leysast farsællega,“ segir Jón Helgi. Hann bendir á að stofnunin bjóði út alls konar verkefni, ekki bara ræstingar og þrif. „Það er verið að bjóða út snjómokstur og þvottaþjónustu á Húsavík. Það er bara mjör harðdrægt að halda rekstri heilbrigðisstofnana réttu megin við núllið og tryggja þjónustu við íbúana. Þetta er bara það sem menn þurfa að horfa framan í að þetta er harður heiur sem þarf að berjast við.“
Stéttarfélög Heilbrigðisstofnun Norðurlands Akureyri Norðurþing Mest lesið Læknir í Kópavogi blekkti fjölskyldu sína með lygasögu um krabbamein Innlent Fjöldauppsagnir á Keflavíkurflugvelli Innlent Segir herforingjum að búa sig undir átök gegn innlendum „óvinum“ Erlent Tillögum Trumps lýst sem uppgjöf Erlent Kallar þjóðaröryggisráð saman Innlent Fyrrum meðferðarheimili sett á sölu Innlent Sultuslakir strandaglópar eftir heilsuferð til Split Innlent Tugir drengja fastir í rústum skóla sem hrundi til grunna Erlent Hættir sem þingflokksformaður Innlent Ná ekki að leika árangur Wagner eftir Erlent Fleiri fréttir Ísland land númer 197 Skiptastjóri þurfi að ákveða hvort hann geri kröfu í dótturfélag Play Fjöldauppsagnir á Keflavíkurflugvelli Gjaldþrotið leiðir til hópuppsagnar og afarkostir Bandaríkjaforseta Fyrrum meðferðarheimili sett á sölu Strandaglópar slaga í tuttugu þúsund Sultuslakir strandaglópar eftir heilsuferð til Split Kallar þjóðaröryggisráð saman Verulegt högg fyrir ferðaþjónustuna Eftirköstin af gjaldþroti Play og friðaráætlun á Gasa Læknir í Kópavogi blekkti fjölskyldu sína með lygasögu um krabbamein Áhyggjur landsmanna af útbreiðslu hernaðarátaka í Evrópu aukast Hættir sem þingflokksformaður Sundlaugar borgarinnar verði bættar fyrir ungbarnafjölskyldur Hópslagsmál og hundaárás Vonsviknir ferðamenn og reiði út í Icelandair vegna hækkunar fargjalda Arnarflug lifað lengst í samkeppni við Icelandair Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Föst í Portúgal: „Siðlaust“ að fljúga vélunum út í morgun Fara yfir stöðuna vegna Play og skipuleggja sig Sjá meira