Lars myndi ekki spila eins og Arnar Þór Runólfur Trausti Þórhallsson skrifar 14. júní 2022 11:01 Lars á EM í Frakklandi sumarið 2016. Michael Regan/Getty Images Lars Lagerbäck, fyrrverandi landsliðsþjálfari Íslands, var sérfræðingur Viaplay á leik Íslands og Ísrael á Laugardalsvelli. Svínn fór yfir víðan völl er varðar landsliðið en eftir leik ræddi Lars meðal annars hvernig hann myndi spila ef hann væri við stjórnvölinn. Það þarf vart að ræða Lars og hans feril með íslenska karlalandsliðið. Hann tók við liðinu og kom liðinu á sitt fyrsta stórmót frá upphafi. Hann er í dag hættur að þjálfa og var í hlutverki sérfræðings er Ísland gerði 2-2 jafntefli við Ísrael í gærkvöld. Fyrir leik þá ítrekaði hann þá staðreynd að Arnar Þór Viðarsson landsliðsþjálfari hafi viljað starfa einn sem landsliðsþjálfari en Guðni Bergsson, þáverandi forseti KSÍ, réð Lars til starfa fyrir undankeppni HM sem fram fer í Katar nú síðar á þessu ári. Að leik loknum var Lars spurður út í hitt og þetta í leik íslenska liðsins. Hann var sérstaklega ánægður að sjá að löngu innköstin væru enn árangursrík og þá ræddi hann efnivið landsliðsins. „Það vantar smá líkamlegan styrk í liðið, mögulega kemur það með reynslu. Þegar þú spilar við virkilega góð lið þá þarftu það. Þetta var frekar vingjarnlegur leikur, ekki mikið um tæklingar og því um líkt. En margir áhugaverðir leikmenn og sumir þeirra ungir.“ Væri til í að sjá breytingu á leikkerfi „Ég talaði um það við Rúrik (Gíslason, fyrrverandi landsliðsmann og sérfræðing Viaplay) á meðan leik stóð. Mér finnst mjög áhugavert að sjá hvernig þeir spila án boltans. Kannski er Birkir Bjarnason að verða eldri og þreyttari en hann var alltaf einn af bestu leikmönnum liðsins er kom að því að leggja hart að sér og vinna fyrir liðið.“ „Ég kann samt að meta hvernig hann spilar þegar liðið er ekki með boltann. Hann er alltaf rétt staðsettur og hjálpar liðinu á þann hátt. Líka þó maður sjái hann ekki jafn mikið. Miðað við hvernig liðið spilar í dag þá þarf að vera mikil yfirferð á Birki, hann þarf að verjast á stóru svæði. Það er erfitt að hlaupa jafn mikið og áður á hans aldri en hann les leikinn enn virkilega vel,“ sagði Lars áður en Rúrik greip fram í og spurði hvort Lars myndi íhuga að spila með annan djúpan miðjumann við hlið Birkis. „Ég held að tveir djúpir séu alltaf góður kostur ef þú ert að spila á móti liði sem vitað er að sé betra en þú. Þá er hægt að spila með tvo framherja eða tvo sóknarþenkjandi miðjumenn fyrir framan,“ svaraði Lars. Hann bætti svo við hvaða leikkerfi hann myndi vilja spila. „Ég hef séð nokkra leiki í sjónvarpinu og hef hugsað með mér að það væri mjög áhugavert að sjá þetta lið spila 4-2-3-1 af því þeir hafa flinka og skemmtilega leikmenn. Það er mjög erfitt að skora gegn liði sem verst með tvo góða varnarmenn fyrir framan miðverðina sína.“ Segist kominn yfir hæðina „Þetta er mjög fín spurning nema þú sért bara að stríða mér. Þegar ég horfi í spegilinn sé ég að ég er kominn yfir hæðina, “ sagði Lars aðspurður hvort hann myndi taka við íslenska landsliðinu ef starfið stæði til boða. „Auðvitað saknar maður þess eftir að hafa hætt að þjálfa. Á sama tíma átta ég mig á að ég er ekki það ungur lengur. Það er áhugavert að vera hluti af því á einn eða annan hátt. Hjálpa smávegis hér og þar. En það kæmi mér verulega á óvart ef ég væri að þjálfa aftur.“ Fótbolti KSÍ Mest lesið Ronaldo sagður hafa hótað að siga lögreglunni á börnin Fótbolti Ekkert spilað í þrjú ár eftir ítrekuð læknamistök Handbolti Rekinn fyrir að kyssa liðsfélaga sinn Sport „Ég get ekki pissað eins og ég gerði áður“ Sport Trúnaðarbrestur og formaðurinn hættur Íslenski boltinn Stóð uppi sem hetja Englands þrátt fyrir áfall skömmu fyrir mót Fótbolti Mario fer ekki á EM – fimm dottnir úr hópi Íslands Körfubolti „Rosalega vitlaust á þessum tímapunkti í leiknum“ Íslenski boltinn Byrjaði ekki einn leik á EM en var samt valin í lið mótsins Fótbolti Byssumaðurinn ætlaði á skrifstofu NFL en tók vitlausa lyftu Sport Fleiri fréttir Þjálfarinn Wiegman stal senunni í fagnaðarlátum enska liðsins Katla mögulega á leið til Ítalíu Byrjaði ekki einn leik á EM en var samt valin í lið mótsins FH konur ætla að skrifa söguna í kvöld KR missir sinn efnilegasta mann Liverpool nær í framherja frá félagi Beckham og Gary Neville Eddie Howe segir að Newcastle hafi ekki enn fengið tilboð í Isak Jóhannes skrifar undir hjá Kolding „Rosalega vitlaust á þessum tímapunkti í leiknum“ Trúnaðarbrestur og formaðurinn hættur Alisson flaug heim vegna persónulegra mála Ekroth skúrkurinn í Stúkunni: „Hann grípur um andlitið, hann veit af þessu“ Sjáðu markið sem var stolið, rauða spjaldið og alla markaveislu Stjörnunnar Ronaldo sagður hafa hótað að siga lögreglunni á börnin Stóð uppi sem hetja Englands þrátt fyrir áfall skömmu fyrir mót Arftakinn sagður koma frá Hlíðarenda „Bara pæling sem kom frá Caulker“ „Vorum búnir að vera miklu betri“ „Þurftum ekkert að vera að drífa okkur“ Uppselt á Evrópuleik KA á Akureyri Gæti enn spilað í úrvalsdeildinni eftir að hafa fallið þrívegis Markasúpur í „Íslendingaslögum“ KR lætur þjálfarateymið fjúka Uppgjörið: Stjarnan - Afturelding 4-1 | Snéru við dæminu manni fleiri Tómas Bent nálgast Edinborg Nýtt útlit hjá Guardiola Aflýstu æfingaferð eftir hræðilegar fréttir að heiman Nýtt undrabarn hjá Arsenal Flúraði sig til minningar um Jota Með átta mörk og sex stoðsendingar í sama leiknum Sjá meira
Það þarf vart að ræða Lars og hans feril með íslenska karlalandsliðið. Hann tók við liðinu og kom liðinu á sitt fyrsta stórmót frá upphafi. Hann er í dag hættur að þjálfa og var í hlutverki sérfræðings er Ísland gerði 2-2 jafntefli við Ísrael í gærkvöld. Fyrir leik þá ítrekaði hann þá staðreynd að Arnar Þór Viðarsson landsliðsþjálfari hafi viljað starfa einn sem landsliðsþjálfari en Guðni Bergsson, þáverandi forseti KSÍ, réð Lars til starfa fyrir undankeppni HM sem fram fer í Katar nú síðar á þessu ári. Að leik loknum var Lars spurður út í hitt og þetta í leik íslenska liðsins. Hann var sérstaklega ánægður að sjá að löngu innköstin væru enn árangursrík og þá ræddi hann efnivið landsliðsins. „Það vantar smá líkamlegan styrk í liðið, mögulega kemur það með reynslu. Þegar þú spilar við virkilega góð lið þá þarftu það. Þetta var frekar vingjarnlegur leikur, ekki mikið um tæklingar og því um líkt. En margir áhugaverðir leikmenn og sumir þeirra ungir.“ Væri til í að sjá breytingu á leikkerfi „Ég talaði um það við Rúrik (Gíslason, fyrrverandi landsliðsmann og sérfræðing Viaplay) á meðan leik stóð. Mér finnst mjög áhugavert að sjá hvernig þeir spila án boltans. Kannski er Birkir Bjarnason að verða eldri og þreyttari en hann var alltaf einn af bestu leikmönnum liðsins er kom að því að leggja hart að sér og vinna fyrir liðið.“ „Ég kann samt að meta hvernig hann spilar þegar liðið er ekki með boltann. Hann er alltaf rétt staðsettur og hjálpar liðinu á þann hátt. Líka þó maður sjái hann ekki jafn mikið. Miðað við hvernig liðið spilar í dag þá þarf að vera mikil yfirferð á Birki, hann þarf að verjast á stóru svæði. Það er erfitt að hlaupa jafn mikið og áður á hans aldri en hann les leikinn enn virkilega vel,“ sagði Lars áður en Rúrik greip fram í og spurði hvort Lars myndi íhuga að spila með annan djúpan miðjumann við hlið Birkis. „Ég held að tveir djúpir séu alltaf góður kostur ef þú ert að spila á móti liði sem vitað er að sé betra en þú. Þá er hægt að spila með tvo framherja eða tvo sóknarþenkjandi miðjumenn fyrir framan,“ svaraði Lars. Hann bætti svo við hvaða leikkerfi hann myndi vilja spila. „Ég hef séð nokkra leiki í sjónvarpinu og hef hugsað með mér að það væri mjög áhugavert að sjá þetta lið spila 4-2-3-1 af því þeir hafa flinka og skemmtilega leikmenn. Það er mjög erfitt að skora gegn liði sem verst með tvo góða varnarmenn fyrir framan miðverðina sína.“ Segist kominn yfir hæðina „Þetta er mjög fín spurning nema þú sért bara að stríða mér. Þegar ég horfi í spegilinn sé ég að ég er kominn yfir hæðina, “ sagði Lars aðspurður hvort hann myndi taka við íslenska landsliðinu ef starfið stæði til boða. „Auðvitað saknar maður þess eftir að hafa hætt að þjálfa. Á sama tíma átta ég mig á að ég er ekki það ungur lengur. Það er áhugavert að vera hluti af því á einn eða annan hátt. Hjálpa smávegis hér og þar. En það kæmi mér verulega á óvart ef ég væri að þjálfa aftur.“
Fótbolti KSÍ Mest lesið Ronaldo sagður hafa hótað að siga lögreglunni á börnin Fótbolti Ekkert spilað í þrjú ár eftir ítrekuð læknamistök Handbolti Rekinn fyrir að kyssa liðsfélaga sinn Sport „Ég get ekki pissað eins og ég gerði áður“ Sport Trúnaðarbrestur og formaðurinn hættur Íslenski boltinn Stóð uppi sem hetja Englands þrátt fyrir áfall skömmu fyrir mót Fótbolti Mario fer ekki á EM – fimm dottnir úr hópi Íslands Körfubolti „Rosalega vitlaust á þessum tímapunkti í leiknum“ Íslenski boltinn Byrjaði ekki einn leik á EM en var samt valin í lið mótsins Fótbolti Byssumaðurinn ætlaði á skrifstofu NFL en tók vitlausa lyftu Sport Fleiri fréttir Þjálfarinn Wiegman stal senunni í fagnaðarlátum enska liðsins Katla mögulega á leið til Ítalíu Byrjaði ekki einn leik á EM en var samt valin í lið mótsins FH konur ætla að skrifa söguna í kvöld KR missir sinn efnilegasta mann Liverpool nær í framherja frá félagi Beckham og Gary Neville Eddie Howe segir að Newcastle hafi ekki enn fengið tilboð í Isak Jóhannes skrifar undir hjá Kolding „Rosalega vitlaust á þessum tímapunkti í leiknum“ Trúnaðarbrestur og formaðurinn hættur Alisson flaug heim vegna persónulegra mála Ekroth skúrkurinn í Stúkunni: „Hann grípur um andlitið, hann veit af þessu“ Sjáðu markið sem var stolið, rauða spjaldið og alla markaveislu Stjörnunnar Ronaldo sagður hafa hótað að siga lögreglunni á börnin Stóð uppi sem hetja Englands þrátt fyrir áfall skömmu fyrir mót Arftakinn sagður koma frá Hlíðarenda „Bara pæling sem kom frá Caulker“ „Vorum búnir að vera miklu betri“ „Þurftum ekkert að vera að drífa okkur“ Uppselt á Evrópuleik KA á Akureyri Gæti enn spilað í úrvalsdeildinni eftir að hafa fallið þrívegis Markasúpur í „Íslendingaslögum“ KR lætur þjálfarateymið fjúka Uppgjörið: Stjarnan - Afturelding 4-1 | Snéru við dæminu manni fleiri Tómas Bent nálgast Edinborg Nýtt útlit hjá Guardiola Aflýstu æfingaferð eftir hræðilegar fréttir að heiman Nýtt undrabarn hjá Arsenal Flúraði sig til minningar um Jota Með átta mörk og sex stoðsendingar í sama leiknum Sjá meira