Snæfríður Sól er nú stödd í Búdapest í Ungverjalandi þar sem HM í sundi í 50 metra laug fer fram. Hún keppti í morgun í 100 metra skriðsundi og bar af í sínum riðli. Synti Snæfríður Sól á 56,31 sekúndu sem dugði til sigurs í hennar riðli en ekki til að komast áfram.
Snæfríður Sól endaði í 26. sæti af 49 keppendum en 16 fara áfram. Til að komast áfram hefði Snæfríður Sól þurft að synda á tímanum 54,56. Tími Snæfríðar í dag var hennar besti á tímabilinu og jöfnun á öðrum besta tíma hennar frá upphafi.
Hún hefur nú lokið leik í Búdapest en hefur þegar undirbúning fyrir Evrópumeistaramótið í 50 metra laug sem hefst 11. ágúst í Róm á Ítalíu.
