„Svo ræski ég mig, set upp sólgleraugun og negli á svið“

Dóra Júlía Agnarsdóttir skrifar 19. júlí 2022 11:31

Fannar Ingi í Hipsumhaps hlakkar til Þjóðhátíðar í ár. Baldur Kristjáns

Hljómsveitin Hipsumphaps gerði garðinn frægan með fyrsta laginu sínu Lífið sem mig langar í sem kom út árið 2019. Sveitin hefur síðan þá verið vinsæl víða um landið og spilað á ýmsum hátíðum. Blaðamaður tók púlsinn á Fannari Inga, söngvara sveitarinnar.

Þjóðhátíð 2022 fer fram með pompi og prakt í Heimaey í lok júlí í ár. Fjölbreytt flóra íslensks tónlistarfólks mun stíga á svið og skemmta gestum en hátíðin er nú haldin í fyrsta skipti frá árinu 2019. Lífið á Vísi tekur hér púlsinn á tónlistarfólkinu og fær nánari innsýn í atriðið þeirra á Þjóðhátíð.

Hljómsveitarmeðlimir Hipsumhaps.Þorsteinn Roy

Hvenær fórst þú fyrst á Þjóðhátíð?

2013.

View this post on Instagram

A post shared by Hipsumhaps (@hipsumhaps)

Hvað finnst þér skemmtilegast við þessa hátíð?

Að koma fram í Dalnum í fyrsta sinn. Þjóðhátíðarnefnd fær líka stórt kredit fyrir að hafa bókað Herbert Guðmundsson. Það er lasið.

Við hverju mega hátíðargestir búast þegar þú stígur á svið?

Rokkstjörnu.

Hvað er uppáhalds Þjóðhátíðarlagið þitt?

Úti í Eyjum með Stuðmönnum.

Hvernig ætlar þú að undirbúa þig fyrir stóru stundina?

Fæ mér grænan Innocent og eitthvað lélegt orkustykki. Svo ræski ég mig, set upp sólgleraugun og negli á svið.

Þjóðhátíð í Eyjum Tónlist

Tengdar fréttir

Spila í brúðkaupum þar sem brúðhjónin hafa kynnst á Tjarnarsviðinu undir tónum hljómsveitarinnar

Hljómsveitin Brimnes er þaulvön að koma fram og skemmta fólki en hún spilaði á sinni fyrstu Þjóðhátíð fyrir 19 árum síðan. Allir meðlimir sveitarinnar eru fæddir og uppaldir í Eyjum og segja ekkert í heiminum jafnast á við Þjóðhátíð. Þá er í sérstaklega miklu uppáhaldi hjá þeim að sjá fólk verða ástfangið þegar það dansar saman við þeirra tóna.

13. júlí 2022 11:31

„Gleymdum vissulega öllu þegar við mættum á svið“

Hljómsveitin Sprite Zero Klan skaust upp á stjörnuhimininn árið 2017 með laginu Tíkin Mín. Þeir eiga að baki sér ófá öflug danslög og þar á meðal nokkur lög sem eru tileinkuð Þjóðhátíð en Sprite Zero Klan verður einmitt í dalnum í ár.

12. júlí 2022 11:31

Verður eiginlega alltaf stressaður áður en hann stígur á svið

Tónlistarmaðurinn Emmsjé Gauti er í hópi þess listafólks sem kemur fram á Þjóðhátíð í ár. Hann fór fyrst á hátíðina fyrir átta árum síðan og segist ætla að leggja allt í atriðið sitt í ár.

11. júlí 2022 12:32