Utan vallar: Hvernig ertu í lit? Valur Páll Eiríksson skrifar 20. júlí 2022 11:31 KR-ingar hafa ekki átt sitt besta sumar. vísir/hulda margrét „Þegar ég sé svona gæja eins og þig, finnst mér öll veröldin breyta um svip. Þú hefur þannig áhrif á mig, að ég fell í yfirlið“ sungu Dúkkulísurnar á níunda áratugnum í laginu Svarthvíta hetjan mín sem hefur reglulega verið leikið af stuðningsmönnum sem óður til hetjanna í liði KR þegar best lætur. Óhætt er að segja að fáir hafi fallið í yfirlið vegna þokka KR-inga eftir 1-1 jafntefli þeirra við Fram á Meistaravöllum í toppslag neðri hluta Bestu deildar karla í fótbolta í gærkvöld. Hornamark snemma í síðari hálfleik bjargaði stigi eftir fyrri hálfleik sem knúði Rúnar Kristinsson til tveggja breytinga í hléi. Eftir strembið gengi undanfarinna vikna stillti KR upp í 4-4-2 í upphafi leiks þar sem meðalhæð framlínunnar var 193 sentímetrar. Hvort uppleggið í upphafi var að finna höfuð framherjanna tveggja veit undirritaður ekki, en líkt og oft áður í sumar virðast fyrirgjafir úr djúpum kantstöðum í flestum tilfellum vera leiðin sem farin er. KR átti þónokkra fína spilkafla í leiknum og virðist liðið gjarnan leggja sig fram við það að spila út frá markmanni, og út úr vörninni. Vandamálin skapast hins vegar þegar framar á völlinn er komið þar sem sköpunargleðin virðist sogin úr mönnum, hægleikinn og fyrirsjáanleikinn þrýsta boltanum út í djúpa kantstöðu hvaðan boltanum er fleygt í átt að teignum upp á von og óvon. Gæjalegir taka öll völd Theódór Elmar Bjarnason hefur verið fastamaður í liði KR í sumar.Vísir/Hulda Margrét Ef litið er til litarsnauðs sóknarleiks liðsins eru ef til vill tveir leikmenn sem veita honum lit. Engum dyljast náttúrulegir hæfileikar þeirra Stefáns Árna Geirssonar og Theodórs Elmars Bjarnasonar sem virðast eiga að opna leiðir sem öðrum eru lokaðar, gegn iðulega þéttum varnarmúr gestaliðs í Vesturbæ. Það virðist þó oftast að snertingar þeirra á boltann teljist á fingrum beggja handa þegar honum er leikið til þeirra. Tilhneiging þeirra til að sýna fimi sína virðist taka yfir, sem því miður fyrir þá svarthvítu, virðist gjarnan hægja enn frekar á og þyngja róðurinn sóknarlega. Þeim er þó ef til vill lítill greiði gerður af hreyfingarlitlum samherjum. Dugar að sýna hörku, kjark og þor? Senn eru liðnir tveir mánuðir síðan KR vann síðast leik í deildinni, sem vannst gegn annarri svarthvítri hetju í tilvistarkreppu, í Kaplakrika þann 29. maí. Árangurinn á heimavelli er einkum rýr: 27 stig úr síðustu 25 leikjum á Meistaravöllum. Rúnar hefur stýrt KR til þriggja Íslandsmeistaratitla og jafnmargra bikartitla í tveimur stjóratíðum sínum frá 2011 til 2014 og frá 2017 til dagsins í dag.Vísir/Hulda Margrét Grámyglan og þyngslin sem einkenna stemninguna í Vesturbæ fór fram hjá fáum sem sátu í stúkunni í Frostaskjóli í gærkvöld. Neikvæðnin á pöllunum var raunar óþægileg og það var ekki nema einu sinni sem að Bóas náði að kreista upp eins og eitt stuðningslag úr þungbrýndum KR-ingum í fátæklega mannaðri stúkunni. Óhróðrinum kyngdi niður, hvort sem var gasprað inn á völlinn eða muldrað af heldri mönnum. Ljóst er að einhverra breytinga er þörf, en hvort þær þurfi að eiga sér stað á hliðarlínunni, í stúkunni eða annars staðar skal ósagt látið. Breytingarnar hafa vissulega verið miklar síðustu misseri þar sem nýir menn hafa komið inn í stöðu formanns félagsins, formanns knattspyrnudeildar, framkvæmdastjóra, markaðstjóra og íþróttastjóra. Nú síðast viku Jóhannes Karl Sigursteinsson, sem þjálfari kvennaliðs félagsins þar sem hann gagnrýndi vinnubrögð innan félagsins við brotthvarfið, og Sigurvin Ólafsson úr stöðu sinni sem aðstoðarþjálfari karla (og þjálfari KV) til að vera Eiði Smára Guðjohnsen til halds og trausts hjá FH. Bjarni tók við sem framkvæmdastjóri KR í fyrra og kom inn í þjálfarateymi liðsins snemmsumars.Vísir/Bára Dröfn Færi það svo að knattspyrnudeild KR sæi uppsögn Rúnars Kristinssonar sem besta kostinn í stöðunni vekur það hins vegar aðeins fleiri spurningar. Yrði hún þá líka að segja upp aðstoðarþjálfaranum Bjarna Guðjónssyni? Hvað hefði framkvæmdastjórinn Bjarni Guðjónsson um það að segja? En hvað þá með fyrirliðann Pálma Rafn Pálmason? Myndi íþróttastjóri KR, Pálmi Rafn Pálmason, hafa sömu skoðun á þeirri ákvörðun? Hver sem næstu skref verða er ljóst að einhverjar leiðir þarf að finna til að fá stúkuna og hinn almenna KR-ing aftur með félaginu í lið. KR hefur áður tekist á við lægðir í stjóratíð Rúnars og ávallt hefur hann stigið upp til að snúa hlutum við og skapa lið sem sýnir hörku, kjark og þor – og náð árangri. Spurningin er hvort það dugi til í þetta sinn, en víst er að KR-ingar bíða þess að sjá Svarthvítu hetjuna aftur í lit. Utan vallar KR Besta deild karla Mest lesið Bein útsending: Bakgarðshlaupið í Heiðmörk Sport McGregor fær ekki keppinaut fyrr en hann er leikfær á ný Sport „Átum þá lifandi í fyrri hálfleik“ Enski boltinn „Það hlaut að koma að því“ Íslenski boltinn Norris á ráspól í Singapúr Formúla 1 Uppgjörið: KA bikarmeistari í fyrsta sinn Íslenski boltinn Fínn leikur Íslendinganna í Þýskalandi dugði ekki til Handbolti Iðrast gjörða sinna: „Var klárlega rangt af mér“ Íslenski boltinn Setja pressu á Barcelona með sigri Fótbolti „Ekki jafn auðvelt og lokatölurnar gáfu til kynna“ Enski boltinn Fleiri fréttir „Við fórum beint úr því að vera ömurlegir í frábærir“ „Það hlaut að koma að því“ Uppgjörið: KA bikarmeistari í fyrsta sinn Selfoss og KFA mætast í úrslitum „Er ekki bara kominn tími til að breyta þessu?“ „Okkar að stöðva drauma þeirra í fæðingu“ UEFA sé að missa þolinmæðina gagnvart Íslandi Iðrast gjörða sinna: „Var klárlega rangt af mér“ Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Seinna spjaldið var ekki viljandi: „Er bara pirraður og missi hausinn“ Uppgjörið: Afturelding - Fjölnir 3-1 | Brenndu víti en tóku tveggja marka forystu Húbba Búbba kippt af dagskrá: „Það eina sem ég spila í Víkinni er fótbolti“ Eftirsjá Gary Martin: „Mín skoðun, fólk mun ekki vera sammála henni“ Utan vallar: Total-fótboltamaðurinn sem rétti Blikakúrsinn „Ég á Íslandi líf mitt að þakka“ Stúkan: „Sama hvað hann gerir ekki gefa honum gult spjald“ Keflavík í góðri stöðu „Mér finnst að allar þessar krúsídúllur eigi að bíða“ Þóra vonar að Tinna finni sér annað lið: „Kæmi mér á óvart ef það yrði ekki slegist um hana“ Flestir mæta á heimaleiki Blika Sjáðu heimsókn Nabblans á Meistaravelli Svona raðast leikirnir í Bestu deild karla Björn Daníel brattur: „Ætli þetta sé ekki hrörnun vöðvanna sökum aldurs?“ Sjáðu mörkin úr stórsigrum Vals og Víkings Rifjuðu upp þegar Gummi spurði strákana eftir tvær umferðir hvort KR gæti orðið meistari Lárus Orri ekki enn búinn að fyrirgefa Graham Potter: „Hann var svolítið linur“ Rúnar Páll: Fáránlega mikið af mörkum á okkur sem boðar ekki gott Aron: Að það þurfi tæklingu til þess að kveikja á liðinu finnst mér lélegt Sjá meira
Óhætt er að segja að fáir hafi fallið í yfirlið vegna þokka KR-inga eftir 1-1 jafntefli þeirra við Fram á Meistaravöllum í toppslag neðri hluta Bestu deildar karla í fótbolta í gærkvöld. Hornamark snemma í síðari hálfleik bjargaði stigi eftir fyrri hálfleik sem knúði Rúnar Kristinsson til tveggja breytinga í hléi. Eftir strembið gengi undanfarinna vikna stillti KR upp í 4-4-2 í upphafi leiks þar sem meðalhæð framlínunnar var 193 sentímetrar. Hvort uppleggið í upphafi var að finna höfuð framherjanna tveggja veit undirritaður ekki, en líkt og oft áður í sumar virðast fyrirgjafir úr djúpum kantstöðum í flestum tilfellum vera leiðin sem farin er. KR átti þónokkra fína spilkafla í leiknum og virðist liðið gjarnan leggja sig fram við það að spila út frá markmanni, og út úr vörninni. Vandamálin skapast hins vegar þegar framar á völlinn er komið þar sem sköpunargleðin virðist sogin úr mönnum, hægleikinn og fyrirsjáanleikinn þrýsta boltanum út í djúpa kantstöðu hvaðan boltanum er fleygt í átt að teignum upp á von og óvon. Gæjalegir taka öll völd Theódór Elmar Bjarnason hefur verið fastamaður í liði KR í sumar.Vísir/Hulda Margrét Ef litið er til litarsnauðs sóknarleiks liðsins eru ef til vill tveir leikmenn sem veita honum lit. Engum dyljast náttúrulegir hæfileikar þeirra Stefáns Árna Geirssonar og Theodórs Elmars Bjarnasonar sem virðast eiga að opna leiðir sem öðrum eru lokaðar, gegn iðulega þéttum varnarmúr gestaliðs í Vesturbæ. Það virðist þó oftast að snertingar þeirra á boltann teljist á fingrum beggja handa þegar honum er leikið til þeirra. Tilhneiging þeirra til að sýna fimi sína virðist taka yfir, sem því miður fyrir þá svarthvítu, virðist gjarnan hægja enn frekar á og þyngja róðurinn sóknarlega. Þeim er þó ef til vill lítill greiði gerður af hreyfingarlitlum samherjum. Dugar að sýna hörku, kjark og þor? Senn eru liðnir tveir mánuðir síðan KR vann síðast leik í deildinni, sem vannst gegn annarri svarthvítri hetju í tilvistarkreppu, í Kaplakrika þann 29. maí. Árangurinn á heimavelli er einkum rýr: 27 stig úr síðustu 25 leikjum á Meistaravöllum. Rúnar hefur stýrt KR til þriggja Íslandsmeistaratitla og jafnmargra bikartitla í tveimur stjóratíðum sínum frá 2011 til 2014 og frá 2017 til dagsins í dag.Vísir/Hulda Margrét Grámyglan og þyngslin sem einkenna stemninguna í Vesturbæ fór fram hjá fáum sem sátu í stúkunni í Frostaskjóli í gærkvöld. Neikvæðnin á pöllunum var raunar óþægileg og það var ekki nema einu sinni sem að Bóas náði að kreista upp eins og eitt stuðningslag úr þungbrýndum KR-ingum í fátæklega mannaðri stúkunni. Óhróðrinum kyngdi niður, hvort sem var gasprað inn á völlinn eða muldrað af heldri mönnum. Ljóst er að einhverra breytinga er þörf, en hvort þær þurfi að eiga sér stað á hliðarlínunni, í stúkunni eða annars staðar skal ósagt látið. Breytingarnar hafa vissulega verið miklar síðustu misseri þar sem nýir menn hafa komið inn í stöðu formanns félagsins, formanns knattspyrnudeildar, framkvæmdastjóra, markaðstjóra og íþróttastjóra. Nú síðast viku Jóhannes Karl Sigursteinsson, sem þjálfari kvennaliðs félagsins þar sem hann gagnrýndi vinnubrögð innan félagsins við brotthvarfið, og Sigurvin Ólafsson úr stöðu sinni sem aðstoðarþjálfari karla (og þjálfari KV) til að vera Eiði Smára Guðjohnsen til halds og trausts hjá FH. Bjarni tók við sem framkvæmdastjóri KR í fyrra og kom inn í þjálfarateymi liðsins snemmsumars.Vísir/Bára Dröfn Færi það svo að knattspyrnudeild KR sæi uppsögn Rúnars Kristinssonar sem besta kostinn í stöðunni vekur það hins vegar aðeins fleiri spurningar. Yrði hún þá líka að segja upp aðstoðarþjálfaranum Bjarna Guðjónssyni? Hvað hefði framkvæmdastjórinn Bjarni Guðjónsson um það að segja? En hvað þá með fyrirliðann Pálma Rafn Pálmason? Myndi íþróttastjóri KR, Pálmi Rafn Pálmason, hafa sömu skoðun á þeirri ákvörðun? Hver sem næstu skref verða er ljóst að einhverjar leiðir þarf að finna til að fá stúkuna og hinn almenna KR-ing aftur með félaginu í lið. KR hefur áður tekist á við lægðir í stjóratíð Rúnars og ávallt hefur hann stigið upp til að snúa hlutum við og skapa lið sem sýnir hörku, kjark og þor – og náð árangri. Spurningin er hvort það dugi til í þetta sinn, en víst er að KR-ingar bíða þess að sjá Svarthvítu hetjuna aftur í lit.
Utan vallar KR Besta deild karla Mest lesið Bein útsending: Bakgarðshlaupið í Heiðmörk Sport McGregor fær ekki keppinaut fyrr en hann er leikfær á ný Sport „Átum þá lifandi í fyrri hálfleik“ Enski boltinn „Það hlaut að koma að því“ Íslenski boltinn Norris á ráspól í Singapúr Formúla 1 Uppgjörið: KA bikarmeistari í fyrsta sinn Íslenski boltinn Fínn leikur Íslendinganna í Þýskalandi dugði ekki til Handbolti Iðrast gjörða sinna: „Var klárlega rangt af mér“ Íslenski boltinn Setja pressu á Barcelona með sigri Fótbolti „Ekki jafn auðvelt og lokatölurnar gáfu til kynna“ Enski boltinn Fleiri fréttir „Við fórum beint úr því að vera ömurlegir í frábærir“ „Það hlaut að koma að því“ Uppgjörið: KA bikarmeistari í fyrsta sinn Selfoss og KFA mætast í úrslitum „Er ekki bara kominn tími til að breyta þessu?“ „Okkar að stöðva drauma þeirra í fæðingu“ UEFA sé að missa þolinmæðina gagnvart Íslandi Iðrast gjörða sinna: „Var klárlega rangt af mér“ Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Seinna spjaldið var ekki viljandi: „Er bara pirraður og missi hausinn“ Uppgjörið: Afturelding - Fjölnir 3-1 | Brenndu víti en tóku tveggja marka forystu Húbba Búbba kippt af dagskrá: „Það eina sem ég spila í Víkinni er fótbolti“ Eftirsjá Gary Martin: „Mín skoðun, fólk mun ekki vera sammála henni“ Utan vallar: Total-fótboltamaðurinn sem rétti Blikakúrsinn „Ég á Íslandi líf mitt að þakka“ Stúkan: „Sama hvað hann gerir ekki gefa honum gult spjald“ Keflavík í góðri stöðu „Mér finnst að allar þessar krúsídúllur eigi að bíða“ Þóra vonar að Tinna finni sér annað lið: „Kæmi mér á óvart ef það yrði ekki slegist um hana“ Flestir mæta á heimaleiki Blika Sjáðu heimsókn Nabblans á Meistaravelli Svona raðast leikirnir í Bestu deild karla Björn Daníel brattur: „Ætli þetta sé ekki hrörnun vöðvanna sökum aldurs?“ Sjáðu mörkin úr stórsigrum Vals og Víkings Rifjuðu upp þegar Gummi spurði strákana eftir tvær umferðir hvort KR gæti orðið meistari Lárus Orri ekki enn búinn að fyrirgefa Graham Potter: „Hann var svolítið linur“ Rúnar Páll: Fáránlega mikið af mörkum á okkur sem boðar ekki gott Aron: Að það þurfi tæklingu til þess að kveikja á liðinu finnst mér lélegt Sjá meira